JIʼTE 02
Bible ha potse pepoung tsye pe fing ne pyap ne mtyèʼdzu dze a
Medou pô tchye m ne mnwe mye a gre ge wap youʼ tchwepoung, djwing neng djô goʼ a. O fe tchye ne taʼ nwe ye a gre ge o youʼ ne o tchi poʼo a ? Mouʼtchwe o po djô goʼ dou ge o ghe taʼ gho, ke dou ge taʼ mo ye o khoung é a pfu le. Mouʼtchwe o po hente ge, te potse gô laʼ kwyepgne m pepoung le ? Bible ha taʼ paʼ pepoung ne hente bô.
1. Bible gre ge pe pyap mtyèʼdzu dze pepoung m tchi ge ke ?
Bible thoute nweke mnwe be si te djôm a. A bing ha ba mtchoung pepoung ge mnwe bô te gô tchwe mama pe, ge a tchuʼ mouywe a mi. Mkaʼgne Bible fing ne “ha potse pepoung tsye o gô pyap ne mtyèʼdzu dze a” bou. (Ké Jéremi 29:11, 12.) Mkaʼgne bô fing ne kwite wôkpe ne sôk mnwe môkpe, ne tchwe tchum ŋwègne thoʼ fe tchwelô ba ne mama.
2. Bible khaʼgne ge mtyèʼdzu dze gô ti pe m ge ke ?
Bible gôm ge tchum mtyèʼdzu dze, “vu te gô sôʼ ping pe we pe. Ne lô ba ne tchwé ke goʼ le te gô sôʼ ping pe we pe.” (Ké Apokalipse 21:4.) Mnwe mye a fing ne ghe ge mo yô goʼ tyôʼ a—paʼ peng, mnwe te pe dendeng, mgho ba vu a—te gô ti ping pe we pe. Bible khaʼgne ge pômsoung gô ti tchente tsu pé ne vôk ne mama tchum paradisi dem tchaʼ a.
3. O fing ne ghe la te tchente bing ge mkaʼgne Bible gô ti logne kwaʼ nyenyô ?
Medou pô be wap ghe potse pepoung tsye wap byap a, daʼge wap ka fing ne tchente jye be ye potse tsye wap byap a gô ŋwak kwaʼ nyenyô a. Ywe ye Bible khaʼgne a te be poʼo pe. Pe fing ne tchente bing ywe ye a gôm a be ye pe tchente “dé tchum ŋwaʼgne [Bible] be ye ghôm be kwaʼ poʼo a.” (Mfaʼ 17:11) Tchwe ye o gô jiʼte Bible a, o gô kouʼgne ne le khète, be ye o gô ping ywe ye Bible gôm ne potse tsye a gô tchyete tchum mtyèʼdzu dze a ke gè a le.
PING TCHENG NE GÔ DZE
Lagne she ne potse tsye Bible khaʼgne ne mtyèʼdzu dze a. Yô tchi paʼ mkaʼgne mye Bible ha ne mtyèʼdzu dze a kwite pô tyôʼ a.
4. Bible khaʼgne bi pe ge pe fing ne tchwe mama pe te sôm gheghô
Ké mkaʼgne menge mye pou djô tchum Bible a. Ma ne bo boung o téʼ ? Nweke a poung o téʼ ?
Ké mkè Bible mye a beng mkaʼgne bô a, neng baʼ ne mhente menge :
-
O kwè ge mkè Bible menge fing ne kwite o a ? O kwè ge mkaʼgne tchum mkè Bible menge fing ne kwite toundye o ba mso pou a ?
Naʼ kwègne ge o bo tchwe tchum taʼ dzu ye
|
SÔM MO TE GÔ TI PING . . . |
GOUNG PÔ AWÈ GÔ TI . . . |
|---|---|
|
|
|
|
|
|
|
|
|
|
5. Mkaʼgne Bible fing ne kwyepgne medou potse
Medou pô be wap pwa mkwé ke bo djè loung le, dou ne mnwe mye wap bo djô beng pou a. She pô tchente tela téʼ ne ghe ge potse kwyepgne ji pepoung. Bible khaʼgne ge potse gô kwyepgne ji pepoung. Yô tchi paʼ kaʼgne bô kwite pômneng tyôʼ a. Yô VIDÉO, neng gômte ne mhente menge.
-
Tchum vidéo, ya nwe te pe dendeng le bo bakgne Rafika ?
-
Ba m be ye nwe te pe dendeng ye é le bo djô a late mi a, Bible le kwite é m tchi ge ke ?
Potse pepoung tsye Bible kaʼgne ne mtyèʼdzu dze a fing ne kwite wôkpe ne takte ping bwa mkwé, neng tchwe pe tchum ŋwègne ba m be ye pe tchum mnwe a. Ké Mghôm jyenwe 17:22 ba Roma 12:12, neng gômte ne mhente menge :
-
O kwè ge ywe ye Bible gôm ne mtyèʼdzu dze a, fing ne ghe ge you tchi ne tchwe ping boung kwaʼ tchwelô a ? Nweke o kwè poʼo ?
SHE PÔ GÔM GE : “Ywe ye Bible gôm ne mtyèʼdzu dze a be a poung téʼ ne ne pe nyenyô.”
-
Nweke a be mtuôdeng ge o lé kwaʼ wou, potse tsye a daʼte ge mkaʼgne bô be nyenyô a ?
YE NE KHAMTE
Bible ha medou mkaʼgne pepoung ne mtyèʼdzu dze, mye a kwite wôkpe ne sôk mnwe môkpe, neng tchwe pepoung thoʼ fe tchwelô a.
O lagne ke ?
-
Nweke a tcheng ge pômneng jye mkaʼgne Bible ?
-
Bible gôm ge ke ne mtyèʼdzu dze ?
-
Ne jye potse pepoung tsye Bible kaʼgne ne mtyèʼdzu dze a fing ne kwite o tyôʼ m tchi ge ge ?
YÔ SHE POTSE NE
Lagne tchi paʼ mkaʼgne mye Bible ha ne mtyèʼdzu dze a fing ne kwite o tchwe ye o tchum gheghô a.
« Lʼespoir : où le trouver ? » (Réveillez-vous !, 22 avril 2004)
Yô tchi paʼ mkaʼgne pepoung ne mtyèʼdzu dze kwite pô pye wap ghe taʼ gho ye pou ka fing ne pa a.
« Vivre avec une maladie Chronique : la Bible est-elle utile ? » (Ne jw.org)
Tchwe ye o gô po yô vidéo jwôpshye yeng a, naʼ kwègne djô ne o, ba toundye o, po po tchente dzu pé ne vôk tchum paradisi ye Bible kaʼgne a.
Ké tchi paʼ ye tchi ne tchwe taʼ mo ye é le bo tcheng ne kwyepgne potse tchum dzu a, le kwyepgne tchwe ye é le lagne mkaʼgne pepoung ne mtyèʼdzu dze tchum Bible a.
« Je ne pense plus devoir changer le monde » (La Tour de Garde, 1er juillet 2013)
