Amapindo ya Bamulengesha
Bushe Yapangilwe Fye?
Amapindo ya Bamulengesha
● Bamulengesha * bamo kuti baelela ukwabula ukupampaila amapindo kabili ukwabula ukupona pa masekondi 30. Cinshi cilenga? Ifyo amapindo ya bamulengesha yapangwa e filenga ukuti elapona. Umusango aya mapindo yapangilwamo yalicila nga nshi na mapindo ya ndeke!
Tontonkanyenipo: Amapindo ya bamulengesha yalyanguka kabili yakwata utumipelwa utulenga ukuti yelapetama. Abasambilila sana sayansi basanga no kuti utu tumipelwa tulalenga bamulengesha ukukanapona ilyo bale-elela. Magazini ya New Scientist yatile, “Icilenga ukuti bamulengesha bale-elela, ni co umwela ulapita mu ncende shaba mu tumipelwa, ne ci cilalenga amapindo ukukanapetama kabili cilalenga no mwela ukulaimya bamulengesha.”
Pa numa ya kusambilila pa mapindo ya bamulengesha, ba Abel Vargas e lyo na bainjiniya banabo abalungisha indeke batile, “ukumona ifyo amapindo ya fyo Lesa apanga e kwalenga abantu ukupanga ifyela batuma mu lwelele ku kupima fimo.” Ifi fyela fyaba kwati cisansa ubukulu kabili fyalikwata kamera e lyo ne fisolobelo fimbi, filabomba imilimo iingi pamo nga ukukopa ifilecitika mu ncende umuli ifinkunka e lyo ne fyo umwela ukowele mu lwelele.
Nga imwe muletipo shani? Bushe amapindo ya bamulengesha ayayanguka kabili ayakwata no tumipelwa yaipangile ayene nelyo kwali uwayapangile?
[Futunoti]
^ para. 3 Bambi batila bamushishinga
[Icikope pe bula 16]
Kwaliba akantu akanono ako bapanga ukupashanya mulengesha, akafina amamiligramu 120, mu bufumo kakula amasentimita 6, kabili kalikwata amapindo ayayanguka ayapampaila nga bakakulika ku malaiti.
[Abatusuminishe]
© Philippe Psaila/Photo Researchers, Inc.