NLÔ AJÔ 15
Za a ne Yésus?
Yésus a ne môte wua ya ba be nga dañe wum émo ji. Bôt abui ba yem éyôlé jé, ve teke kôme yeme za a mbe. Mame bôte ba simesan a lat a Yésus ma selan abui. Ve Bible nye a ye’ele na Yésus a ne za?
1. Za a ne Yésus?
Yésus a ne beta ngungul éngele a nyiñe yôp été. Nnye a ne ététéa ôsu Yéhôva Zambe. Jôm ete nje Bible a loone Yésus na “ntôle mone ya bitétéa bise.” (Becolossien 1:15, Mfefé Nkôñelan) Bible a jô fe na Yésus a ne “atyi’i Mone” Zambe, amu nnye étam Yéhôva a nga té a mo mé. (Jean 3:16) Yéhôva a nga belane Yésus asu na a té biôm bivo’o bise. (Lañe’e Minkana 8:30.) Yésus a bili ngul élat a Yéhôva. Bible a loone nye na “Ajô,” amu Zambe a nga belane nye ane nkate foé asu na a kalane bôte a beéngele mejô Mé.—Jean 1:14.
2. Amu jé Yésus a nga so si va?
Bébé mimbu 2 000 mvus, Yéhôva a nga bo asimba asu na a futi ényiñe Mone wé abum éndune ngone minga é too jôé na Marie. Nalé a nga bo na Yésus a bialé ane môt a binam. (Lañe’e Luc 1:34, 35.) Yésus a nga so si asu na a zu bo Messie, nge ke Krist Yéhôva a nga ka’ale na é kôté bôt. a Minkulane mejô mise ya Kalate Zambe a lat a Messie mi nga tôébane be Yésus. Nalé a nga volô bôte na be yeme na nnye a ne “Krist, Mone [vevea] Zambe.”—Matthieu 16:16.
3. Yésus a ne vé éyoñe ji?
Éyoñe Yésus a nga wu, Yéhôva a nga wômôlô nye a ve nye nyule ya nsisim, ane a nga bulane yôp été. Mvuse ya valé, Zambe “a nga dañe bete nye yôp.” (Bephilippien 2:9) Éyoñe ji, Yésus a bili beta éjôé. Yéhôva étam nnye a dañe nye ngul.
TUKA’A FAK
Yene’ avale môte Yésus a mbe, a amu jé e ne nya mfi na ô yeme de.
4. Yésus a nji bo Zambe ya ngul ése
Bible a ye’ele na, akusa bo Yésus a ne beta ngungul éngele, a bo Ésaa wé, Yéhôva Zambe mewôk. Jé ja bo’olô de? Futi’i VIDÉO asu na ô yen aval avé Bible a ngôné nsela’ane a ne zañe Yésus a Zambe ya ngul ése.
Bifuse bia tôé valé bii volô wo na ô yeme nsela’ane a ne zañe Yéhôva ba Yésus. Lañe’ éfus ése, éyoñe te wo yalane minsili mia tôé valé:
Lañe’e Luc 1:30-32.
-
Aval avé éngele ate a te liti nsela’ane a ne zañe Yésus a Yéhôva Zambe, “Môt a dañe bôte bese yôp”?
Lañe’e Matthieu 3:16, 17.
-
Éyoñe Yésus a nga duban, tyiñ é mbe é so’o yôp é nga jô aya?
-
Wo simesane na tyiñ éte é mbe nyi za?
Lañe’e Jean 14:28.
-
Za a jôé nyu mbok? Ye ésaa, ye mon?
-
Amu jé Yésus a loone Yéhôva na Ésaa wom?
Lañe’e Jean 12:49.
-
Ye Yésus a simesane na ba Ésaa wé be ne môte wua? Wo simesan aya?
5. Minkulane mejô mi nga liti na Yésus nnye a mbe Messie
Bible a bili abui minkulane mejô mi nga volô bôte na be yeme za a ne Messie, nyu Zambe a nga tobe na a nyii bone be bôt. Futi’i VIDÉO asu na ô yene minkulane mejô miziñ mi nga tôébane be Yésus éyoñ a mbe si va.
Lañe’e minkulan mejô mite, mvuse ya valé yala’ane minsili mia tôé valé:
Lañe’e Michée 5:2 asu na ô yeme vôme Messie a mbe a yiane bialé. b
-
Ye nkulan ajô ôte ô nga tôéban?—Matthieu 2:1.
Lañe’e Besam 34:20 a Ésaïe 53:5 asu na ô yeme mame Bible a nga jô a lat a awu Messie.
-
Ye minkulane mejô mite mi nga tôéban?—Jean 19:33-37.
-
Ye wo simesane na Yésus émien a mbe ve bo na minkulane mejô mite mi tôéban?
-
Mbôle Yésus a nji be ngule ya bo na minkulane mejô mi mbe mi fombô’ô nye mi tôéban, nalé a kôme bo’olô na jé?
6. E ne mfi asu dôé na ô yé’é yeme Yésus
Bible a liti na e ne nya mfii na bi yeme benya mejôô a lat a Yésus. Lañe’e Jean 14:6 a 17:3, mvuse ya valé, yala’ane nsili wu:
-
Amu jé e ne mfi asu dôé na ô yeme benya mejôô a lat a Yésus?
Yésus a nga liti bia zen asu na bi bo bemvôé be Zambe. A nga ye’ele benya mejôô a lat a Yéhôva, a ve fe bia fane ya bi ényiñe ya melu mese
BÔTE BÉZIÑ BA JÔ NA: “Bengaa be Yéhôva ba buni ki Yésus.”
-
Ô ne yalan aya?
ÔBALEBAS
Yésus a ne beta ngungul éngele. A ne Mone Zambe, a ne fe Messie.
Ô ne yalan aya?
-
Amu jé Bible a loone Yésus na “ntôle mone ya bitétéa bise”?
-
Jé Yésus a mbe a bo’ok ôsusua na a zu si va?
-
Aval avé bia yeme na Yésus nnye a ne Messie?
MAM MEFE ME NE VOLÔ WO
Yene’e mame mefe ma liti na Yésus nnye a ne Messie.
Ye Bible a ye’ele na Zambe a nga biaé Yésus avale bôte be wô’ô biaé bon?
“Pourquoi Jésus est-il appelé le Fils de Dieu ?” (Ô ne koone nye anjeñe mefoé dangan)
Yene’ amu jé do’otene ya “Zambe wua bôte belal” a ne évuse ñye’elan.
“Jésus Christ est-il Dieu ?” (Nkume mmombô a bete ya Ngone nyini é to alu 1, mbu 2009)
Yene’ aval avé ényiñe minga éziñ é nga tyendé éyoñ a maneya yeme benya mejôô a lat a Yésus.
a Minlô mejô 26 a 27 mii liti amu jé Yésus a mbe a yiane zu kôté bone be bôt, a aval a nga bo de.
You May Also Like
MINSILI BÔTE BA SILI
Jé é ne ayé’é Kalate Zambe?
Jeñe biyalane ya minsili a lat a nta’ane mame wongan asu ayé’é Kalate Zambe e zezé.
