Bọn̄ akam nyụn̄ nen̄ede tịm idem. Ben̄e Jehovah an̄wam fi ekeme ndikwọrọ ikọ fo ọfọn. Utu ke ndikere nte mme owo ẹdisede fi, kam kere akpan n̄kpọ emi oyomde ndikpep mmọ. Tịn̄ nte ikọ idemfo, kûkokot ke n̄wed.

Tịn̄ ikọ ke ofụri esịt. Tie kere ntak emi anade mme owo ẹkop se oyomde nditịn̄. Kere ban̄a mmọ. Yak nte etịn̄de ikọ, nte enịmde iso, nte adade, ye nte anamde n̄kpọ owụt ke amama mmọ. Wụt n̄ko ke se etịn̄de oto fi esịt.

Se owo iso. Se owo emi etịn̄de ikọ ọnọ edieke owo mîdaha oro nte usọn̄enyịn ke edem mbufo. Ke ini ọkwọrọde ikọ ọnọ otuowo, se owo kiet kiet iso utu ke ndisasuan enyịn nse otuowo.