Nen̄ede tịm idem. Tie kere ntak emi ẹkewetde se oyomde ndikot. Kûbabat ikọ, edi kpep ndikot n̄wed yak an̄wan̄a owo. Kûsịn ikọ idem fo, m̀mê ndisosio ikọ mfep, m̀mê ndimen n̄kpọ kiet n̄kot en̄wen. Tuak da esisịt ke ebiet emi okụtde mme idiọn̄ọ emi, (,) (;) nyụn̄ tuak da ofụri ofụri ke ebiet emi okụtde ntọi ke utịtikọ.

Sikọt n̄wed ọfọn. Edieke esisọn̄de fi ndikot n̄wed ọfọn, kpan̄ utọn̄ kop nte ẹkotde n̄wed nnyịn ke Intanet, mîdịghe dọhọ owo emi ọdiọn̄ọde ndikot n̄wed ọfọn an̄wam fi.

Kûbọde inua kot n̄wed. Kûsịn ibuot ke isọn̄ ukot n̄wed man iditie nte okot ke esịt idịbi, edi menede ibuot, kûbọde inua kot n̄wed man kpukpru owo ẹkop se afo okotde.