AYEGHLE 53

Topghe bivuiñ bia ve Jehôva n’nem mbeng

A WOKH A NKOBE

Jehôva a ne « é Nzame a ne mevakh. » (1 Timothée 1:11) A kômô naa bi tobe mevakh été ya buan éning. A dzing naa bi waghan éyong bi va mane ésèñ, ya lôt tam ye naa bi bo é mam mèè. Ayeghle di été, bia ye yen abuiñ mam bi ne bo nfa ye naa bi yem belan é tam dèè, ya naa é tam bia belane do é ve Jehôva n’nem mbeng.

1. Za mam bia yiène siman éyong bia top bivuiñ biè ?

Za mam wa dzing wa bo éyong wa kômô lôt mbemba tam ? Bôt b’ézing ba dzing ba tobe étam a nda béé lang abakh, béé wokh mezik, béé yen bingengeng, nge ki a ke a nden. Éba bevoo, ba dzing ba bo mam ye mengom meba, ane a ke ba wule, adzôa, nge ki a bo bivuiñ bingengeng. Aval ésese é ne bo, bia yiène dzeng naa bivuiñ bisese bia ye top « bi tobe Nti n’nem mbeng. » (Beéphésien 5:10) É ne édedèè éban naa bi tugha wokh adzô té, amu dzé ? Amu naa abuiñ bivuiñ bôt ba top ému, bi bele é mam Jehôva a vini, ane meluman, medzian, ya mbôô. (A lang Bya 11:5.) Dzé da ye bia vole naa bi ñong mbemba minkighane nfa bivuiñ ?

Nge bi top mengom ma dzing Jehôva, ba ye bia tsini naa bi top mbemba bivuiñ. Aval bi va yen do ayeghle ô mvus, « é môt a wulu ya é môt a ne n’yeman, ñaa ye fe bo n’yeman. » Nfa mboo, é môt a bele fulu naa a lôt tam ya é môt aa kang ki metsing Jehôva, « a ye man abé. »—Minkana 13:20.

2. Amu dzé bia yiène bo nkee ya abim tam bia lôt ya bivuiñ ?

Amben bivuiñ bia top bi ne mbeng, bia yiène bo nkee ya abim tam bia lôt été. Nge bi bo kaa de bo, da ye kuiñ naa, biaa ye ki fe bele tam naa bi bo é mam ma dang édedèè éban éning dèè. Bible a sukh bia asi naa « bi belan é tam dèè aval da [dang] mbeng. »—A lang Beéphésien 5:15, 16.

A TUGHA FAS

N’yeneghan é dzam bi ne bo naa bi yem top bivuiñ biè.

3. A saalé bivuiñ bi ne abé

Amu dzé bia yiène yem a top bivuiñ ? Daghane ÉNGENGENG, éyong té mia lèè minlang mia daghe minsili mia zu mi :

ÉNGENGENG : Z’aval bivwiñ ma yiane tôp ? (4:39)

Aval avé bivuiñ bi gladiadores nge ki gladiateur bi ye metam ô mvus, bia fônane bivuiñ bi ye melu mèè ?
Éngengeng di été, za dzam Danny a va yeghe nfa ye bivuiñ ?

A lang Beromain 12:9, éyong té mia lèè minlang mia daghe nsili wa zu wi :

Aval avé éfus di da vole bia naa bi yem top bivuiñ biè ?

Mam m’ézing mevé Jehôva a vini ? A lang Minkana 6:16, 17 ya Begalates 5:19-21. Niène mia mane lang kada éfus, lèèghane minlang mia daghe nsili wa zu wi :

Nfa ye é mam bi ndaghe mane lang bifus bi, mam mevé bia bera yen bivuiñ ému ?

Aval bi ne yem a top bivuiñ

Sileghe wamièn naa :

Dzé ? Ye é bele é mam Jehôva a vini ?
Éyong évé ? Ye da ve naa me bo kaa bo é mam ma dang édedèè éban ?
Ya za ? Ye da ve naa me tobe élat nge ki a lôt abuiñ tam ya é bôt baa dzing ki Jehôva ?

Naa bi kame bia bebién, bia yiène tebe ôyap é vôm ô ne édedèè abé. Éde é ne naa, bia yiène tebe ôyap ébe bivuiñ bia yene naa bi ne so bia minzukh

4. Yemghe belan é tam duè

Daghane ÉNGENGENG, éyong té mia lèè minlang mia daghe nsili wa zu wi :

ÉNGENGENG : ¿En qué se le va el tiempo? nge ki Êtes-vous maître de votre temps ? (2:45)

Amben é moadzang bi va yen éngengeng été éé va bo ki é dzam é ne abé, ve, ye a nga yem faa belan étam dèñ ?

A lang Bephilippien 1:10, éyong té mia lèè minlang mia daghe nsili wa zu wi :

Aval avé éfus té é ne bia vole naa bi yem kikh abim tam bia ye lôt bivuiñ été ?

5. Topghe bivuiñ bi ne mbeng

É ne été naa Jehôva aa dzing ki bivuiñ bizing, ve, abuiñ bivuiñ bife bi ne mbeng, ya naa bi ne bi top akal dèè. A lang Ecclésiaste 8:15 ya Bephilippien 4:8, éyong té mia lèè minlang mia daghe nsili wa zu wi :