NIKASEMƆ 10
Ani Ehe Miihia Ni Oya Yehowa Odasefoi Akpeei?
Ani otee Yehowa Odasefoi akpee ko pɛŋ? Kɛ́ oyako eko pɛŋ lɛ, ekolɛ akɛni oleee bɔ ni nibii baaya lɛ ahã yɛ jɛmɛ lɛ hewɔ lɛ ohao. Ekolɛ obaabi ohe akɛ: ‘Mɛni afeɔ yɛ kpeei nɛɛ ashishi? Ani amɛhe hiaa? Ani esa akɛ miya?’ Nikasemɔ nɛɛ baahã ona bɔ ni kɛ́ okɛ mɛi krokomɛi kpe kɛjá Nyɔŋmɔ lɛ, no baahã otsi obɛŋkɛ lɛ waa, ni oshihilɛ atsake hu.
1. Mɛni hewɔ Yehowa Odasefoi kpeɔ kɛjáa Nyɔŋmɔ lɛ?
Biblia ŋmalɔ ko tsɔɔ yiŋtoo ni fe fɛɛ hewɔ ni esa akɛ wɔkɛ mɛi krokomɛi akpe kɛjá Nyɔŋmɔ lɛ, ekɛɛ akɛ: “Majie Yehowa yi yɛ asafo babaoo lɛ mli.” (Lala 26:12) Ŋmɛnɛ lɛ, Yehowa Odasefoi hu kpeɔ koni amɛfee nakai nɔŋŋ. Daa otsi lɛ, amɛkpeɔ yɛ jeŋ fɛɛ; amɛjieɔ Nyɔŋmɔ yi, amɛláa, ni amɛsɔleɔ hu. Afi fɛɛ afi lɛ, amɛyaa kpeei wuji komɛi hu.
2. Kɛ́ otee wɔkpeei lɛ, mɛni obaayakase?
Kɛ́ wɔtee kpeei lɛ, wɔyakaseɔ Nyɔŋmɔ Wiemɔ lɛ titri; ‘agbalaa mli faŋŋ ni atsɔɔ mli.’ (Kanemɔ Nehemia 8:8.) Kɛ́ otee lɛ, obaayakase Yehowa kɛ esui fɛfɛji lɛ ahe nii. Be ni oyaa nɔ okaseɔ suɔmɔ ni eyɔɔ kɛhã bo lɛ he nii lɛ, obaatsi obɛŋkɛ lɛ waa. Obaana hu akɛ, ebaanyɛ ewa bo ni oná miishɛɛ yɛ shihilɛ mli.—Yesaia 48:17, 18.
3. Mɛɛ gbɛ nɔ mɛi ni wɔkɛfeɔ ekome kɛjáa Nyɔŋmɔ lɛ baanyɛ awa wɔ?
Yehowa kɛɛ ‘wɔteŋ mɔ fɛɛ mɔ asusu enyɛmi he bɔ ni afee ni wɔteŋ mɔ fɛɛ mɔ akanya enyɛmi koni wɔjie suɔmɔ kpo ni wɔtsu nitsumɔi kpakpai, ni wɔkakpa kpe ni wɔkpeɔ kutuu lɛ.’ (Hebribii 10:24, 25) Kɛ́ otee wɔkpeei lɛ, obaayana mɛi ni sumɔɔ amɛhe waa, ni sumɔɔ ni amɛkase Nyɔŋmɔ he nii pii tamɔ bo nɔŋŋ. Obaanu Biblia mli saji ni woɔ mɔ hewalɛ waa. (Kanemɔ Romabii 1:11, 12.) Agbɛnɛ hu, obaayana mɛi ni ebote gbãla mli kɛ mɛi ni boteko mli fɛɛ ni yɛ miishɛɛ yɛ naagbai ni amɛkɛkpeɔ lɛ fɛɛ sɛɛ. Yiŋtoi ahewɔ ni Yehowa sumɔɔ ni wɔkpe kɛjá lɛ daa lɛ ateŋ fioo kɛkɛ nɛ!
KASEMƆ PII OFATA HE
Obaana bɔ ni Yehowa Odasefoi feɔ amɛkpeei amɛhãa, kɛ nɔ hewɔ ni ehi waa akɛ obaaya kpeei nɛɛ.
4. Yehowa Odasefoi akpeei
Blema Kristofoi lɛ kpe daa kɛjá Yehowa. (Romabii 16:3-5) Nyɛkanea Kolosebii 3:16 lɛ, ni nyɛsusua sanebimɔ nɛɛ he:
-
Te blema Kristofoi lɛ já Yehowa amɛhã tɛŋŋ?
Ŋmɛnɛ lɛ, Yehowa Odasefoi hu kpeɔ daa kɛjáa Yehowa yɛ amɛjamɔhei lɛ. Kɛ́ ootao ole bɔ ni amɛfeɔ amɛkpeei lɛ amɛhãa lɛ, jiemɔ VIDIO lɛ. No sɛɛ lɛ, nyɛkwɛa asafoŋ kpee he mfoniri lɛ, ni nyɛsusua sanebimɔi ni nyiɛ sɛɛ nɛɛ ahe.
-
Mɛni yaa nɔ yɛ Maŋtsɛyeli Asa lɛ nɔ ni tamɔ nɔ ni awie yɛ Kolosebii 3:16 lɛ?
-
Ani ona nɔ kroko yɛ vidio lɛ loo mfoniri lɛ mli, ni onya he?
Nyɛkanea 2 Korintobii 9:7 lɛ, ni nyɛsusua sanebimɔ nɛɛ he:
-
Mɛni hewɔ kɛ́ Yehowa Odasefoi tee kpeei lɛ, aheee kɔlɛshiŋ lɛ?
Mɔ ni kɛ bo kaseɔ nii lɛ kɛ bo baasusu nibii ni abaakase yɛ asafoŋ kpee ni nyiɛ sɛɛ lɛ shishi lɛ he.
-
Te nibii ni abaakase lɛ ateŋ nɔ ni osusuɔ akɛ obaaná he sɛɛ waa lɛ?
Ani ole akɛ . . .
obaanyɛ ona be kɛ he ni afeɔ asafoŋ kpeei yɛ, yɛ jeŋ fɛɛ yɛ jw.org lɛ nɔ?
-
A. Kɛ́ wɔtee kpeei lɛ, ahãa wiemɔi, afeɔ nɔkwɛmɔnii, ni ajieɔ vidioi. Aláa ni asɔleɔ kɛjeɔ shishi, ni nakai nɔŋŋ afeɔ kɛmuɔ naa
-
B. Kɛ́ eshɛ he ko lɛ, abiɔ ni toibolɔi lɛ hu awie
-
D. Mɔ fɛɛ mɔ baanyɛ aya eko—wekui, oshijafoi, mɛi ni edara, kɛ gbekɛbii
-
E. Yehowa Odasefoi heee shika ko loo kɔlɛshiŋ yɛ amɛkpeei ashishi
5. Ebaabi ni omia ohiɛ dani onyɛ oya kpeei lɛ
Susumɔ nɔ ni Yesu weku lɛ fee lɛ he okwɛ. Daa afi kɛ́ eshɛ be ni esa akɛ amɛya sɔlemɔ shĩa lɛ yɛ Yerusalem lɛ, amɛnyiɛɔ aaafee kilomitai 100 (aaafee gbii etɛ gbɛnyiɛmɔ) kɛjɛɔ Nazaret kɛyatsɔɔ gɔji anɔ kɛyaa. Nyɛkanea Luka 2:39-42 lɛ, ni nyɛsusua sanebimɔi nɛɛ ahe:
-
Kɛ́ okwɛ lɛ, ani ebi ni amɛmia amɛhiɛ dani amɛnyɛ amɛfã gbɛ nɛɛ?
-
Mɛni hewɔ ekolɛ ebaabi ni omia ohiɛ dani onyɛ oya asafoŋ kpeei lɛ?
-
Ani ehe miihia kwraa ni omia ohiɛ ni oya? Mɛni hewɔ?
Biblia lɛ kɛɛ kpe ni akpeɔ kɛjáa Yehowa lɛ he hiaa waa. Nyɛkanea Hebribii 10:24, 25 lɛ, ni nyɛsusua sanebimɔ nɛɛ he:
-
Mɛni hewɔ esa akɛ wɔya kpeei daa lɛ?
MƐI KOMƐI KƐƆ AKƐ: “Ehe ehiaaa ni okɛ mɛi krokomɛi akpe kɛjá Nyɔŋmɔ. Nɔ ni he hiaa nɔŋŋ ji, ni obaakase Biblia lɛ yɛ shĩa.”
-
Mɛɛ ŋmalɛ loo Biblia mli sane hãa wɔnaa nɔ ni Yehowa miisumɔ ni wɔfee?
EMLI OTI
Kɛ́ otee kpeei lɛ, obaayakase Yehowa he nii babaoo, naanyobɔɔ ni yɔɔ okɛ lɛ teŋ lɛ mli baawa, ni okɛ mɛi krokomɛi baafee ekome kɛjá lɛ.
Mɛni Okase?
-
Mɛni hewɔ Yehowa kɛɛ wɔkpe kɛjá lɛ lɛ?
-
Kɛ́ otee Yehowa Odasefoi akpeei lɛ, mɛni obaayana?
-
Kɛ́ okwɛ lɛ, mɛɛ gbɛi krokomɛi anɔ obaanyɛ oná kpeei lɛ ahe sɛɛ?
EHE SAJI KROKOMƐI
Kɛ́ ohao akɛni oleee bɔ ni abaahere bo ahã yɛ kpee lɛ shishi lɛ hewɔ hu? Nuu ko ni nu he nakai lɛ basumɔ kpeei lɛ waa.
Obaana nɔ ni hã oblanyo ko basumɔ kpeei lɛ waa, kɛ nɔ ni efee koni enyɛ eya daa.
Obaana bɔ ni mɛi komɛi naa kpeei ni amɛbaaya lɛ amɛhãa.
“Mɛni Hewɔ Esa Akɛ Oya Kpeei Ni Afeɔ Yɛ Maŋtsɛyeli Asa Lɛ Nɔ Lɛ?” (jw.org lɛ nɔ sane)
Obaana bɔ ni kuu ko ni feɔ yiwalɛ nibii lɛ mli nyo ko tsake be ni etee Yehowa Odasefoi akpee ko lɛ.
“He Fɛɛ He ni Maya lɛ Mitu lɛ Tsɛ Mihe” (Buu-Mɔɔ, July 1, 2014)
Ekolɛ Obaasumɔ Enɛ Hu
SAJI NI MƐI FƆƆ BIMƆ
Mɛni Ji Biblia Mli Nikasemɔ Ni Yehowa Odasefoi Kɛ Mɛi Feɔ Lɛ?
Yehowa Odasefoi kɛ mɛi kaseɔ Biblia lɛ tamɔ aagba sane, ni amɛheee nɔ ko; obaanyɛ okɛ Biblia shishitsɔɔmɔi lɛ ateŋ eko fɛɛ eko akase nii lɛ. Obaanyɛ ofɔ̃ oweku muu lɛ fɛɛ loo onanemɛi nine koni amɛfata ohe kɛkase nii lɛ.
