Kouman byen étidyé léson-yan ?
Pou koumansé, gadé annan sa parti-a kouman léson-yan ka pasé. Apré sa, gadé VIDÉYO-a.
PRÉMYÉ PARTI
Li chak paragraf-ya. Li osi késyon-yan ki gen roun koulò diféran (A) ké vèrsé-ya ki ékri an gra (B) paské yé ka montré lidé pi enpòrtan-yan. Anvan kèk vèrsé i marké « li ».
DÉZYÈM PARTI
Annan parti-a Annou fouyé annan Labib-a, prémyé fraz-ya ka bay roun koutwéy asou sa léson-an ké palé (C), é chak tit ké roun niméro (D) ka èspliké roun lidé enpòrtan. Li vèrsé-ya ké moun-an ki ka fè ou léson biblik, réponn késyon-yan épi gadé vidéyo-ya.
VIDÉYO-ya ki annan chak léson ka anprann plis bagaj asou sa léson-an ka palé. Sèrten vidéyo ka palé di istwè ki vré. Ròt a ti fim ki ka montré sitiasyon ki pouvé rivé.
Byen gadé osi zimaj-ya ké sa ki ékri pou konprann yé (E). Épi éséyé réponn késyon-yan annan parti-a I gen moun ka di (F).
TRWAZYÈM PARTI
Parti-ya Sa nou wè é Kisa ou anprann (G) ka palé di sa ou anprann annan léson-an. Ékri jou-a léson-an fini. Parti-a Éséyé fè sa (H) ka bay ou déztrwa bagaj ou pouvé fè. Annan parti-a Sa ou pouvé trapé osi (I) ou ké jwenn ròt bagaj pou li ouben pou gadé, si ou lé anprann plis.
Sa i gen annan liv-a
|
|
|
|
Kouman trapé roun vèrsé annan Labib-a ?
Labib-a gen 66 liv. Yé séparé an dé parti : liv-ya yé ékri annan lang Ébré ké Araméyen (« Ansyen Tèstaman-an ») é liv-ya yé ékri annan lang Grèk (« Nouvo Tèstaman-an »).
Lò i gen roun tèks di Labib-a annan roun léson, sa ki marké an prémyé a liv Labib-a (A), apré sa a chapit-a (B), épi roun ouben plizyèr vèrsé (C).
Parèkzanp, Jean 17:3 sa lé di liv Jean, chapit 17, vèrsé 3.
