Amsoshin Tambayoyin Littafi Mai Tsarki
Zai yiwu a gafarta mana zunubanmu kuwa?
Yin abin da zai faranta wa Allah rai ba abu mai wuya ba ne
Littafi Mai Tsarki ya nuna cewa dukan ’yan Adam ajizai ne. Mun gāji wannan ajizancin daga mutum na farko, wato Adamu. Shi ya sa mukan yi wasu abubuwa marasa kyau kuma daga baya mu yi da-na-sani. Amma Yesu Kristi, Dan Allah, ya ba da ransa don a gafarta mana zunubanmu. Hadayar da ya yi ta sa Allah zai iya gafarta zunubanmu. Wannan kyauta ce daga Allah.—Karanta Romawa 3:23, 24.
Wasu mutane sun yi zunubai masu tsanani kuma hakan ya sa suna shakka ko Allah zai gafarta musu. Amma abin farin cikin shi ne, Kalmar Allah ta ce: ‘Jinin Yesu Dansa yana tsabtace mu daga dukan zunubi.’ (1 Yohanna 1:7) Jehobah yana a shirye ya gafarta wa mutum ko da ya yi zunubi mai tsanani, idan har ya tuba da gaske.—Karanta Ishaya 1:18.
Mene ne za mu yi don a gafarta mana?
Idan muna so Allah ya gafarta mana, muna bukatar mu koya game da shi, wato mu san hanyoyinsa da shawarwarinsa da kuma ka’idodinsa. (Yohanna 17:3) A koyaushe, Jehobah yana gafarta ma wadanda suka tuba kuma suka yi kokarin canja halinsu.—Karanta Ayyukan Manzanni 3:19.
Yin abin da zai faranta wa Allah rai ba abu mai wuya ba ne domin Jehobah ya san kasawarmu. Shi mai jin kai ne, mai alheri kuma. Ba shakka, za ka so ka koyi yadda za ka faranta wa Allah rai domin kaunarsa da alherinsa.—Karanta Zabura 103:13, 14.
Mai Yiwuwa Za Ka Kuma So
HASUMIYAR TSARO
Kana Yin Abin da Allah Ya Ce?
Yin biyayya ga Allah yana da muhimmanci idan muna so mu zama abokansa, amma ba shi ke nan ba.
AMSOSHIN TAMBAYOYIN LITTAFI MAI TSARKI
Allah Zai Gafarta Mini Kuwa?
Ka yi la’akari da abin da Littafi Mai Tsarki ya ce ya kamata mutum ya yi idan yana son Allah ya gafarta masa.
HASUMIYAR TSARO
Za Mu Iya Faranta wa Allah Rai Kuwa?
Za mu iya samun amsar a cikin labarin Ayuba da Lutu da kuma Dauda, kuma dukansu sun yi kura-kurai masu tsanani.