KU ZAUNA A SHIRYE!
Dalilan Kasancewa da Bege a 2023—Mene ne Littafi Mai Tsarki Ya Ce?
Yayin da muka shiga shekara ta 2023, muna yi wa kanmu da iyalanmu fatan alheri. Me ya sa za mu rika wannan fatan alheri?
Littafi Mai Tsarki yana sa mu kasance da bege
A cikin Littafi Mai Tsarki akwai labari mai dadi cewa matsalolin da muke fuskantar yanzu na dan lokaci ne kuma ba da dadewa ba za a kawar da su. An rubuta Littafi Mai Tsarki “domin a koyar da mu, domin mu zama da sa zuciya ta wurin. . . karfafawa wadanda Rubutacciyar Maganar Allah sukan ba mu.”—Romawa 15:4.
Don ka sami karin bayani game da alkawuran da ke cikin Littafi Mai Tsarki, ka karanta talifin nan “A Real Hope for a Better Tomorrow.”
Kasancewa da begen da zai taimaka maka a yanzu
Littafi Mai Tsarki ya nuna cewa bege “kamar anka take ga rai.” (Ibraniyawa 6:19, Littafi Mai Tsarki) Wannan begen yana iya sa mu jimre da matsalolin da muke fuskanta a yanzu, da kasancewa da raꞌayin da ya dace kuma mu yi abin da zai sa mu rika farin ciki. Alal misali:
Ka ga yadda begen da ke Littafi Mai Tsarki ya taimaka wa mutum da ya yi fama da buguwa da giya. Ka kalli bidiyon Na Gaji da Salon Rayuwata.
Ka ga yadda begen da ke Littafi Mai Tsarki zai taimaka mana idan wani namu ya rasu. Ka kalli bidiyon Taꞌaziyya ga Wadanda Suke Makoki.
Ka karfafa begenka
Mutane da yawa suna sa rai cewa abubuwa za su gyaru a duniya, amma ba su da tabbaci ko hakan zai taba faruwa ba. Alkawuran da ke cikin Littafi Mai Tsarki za su cika. Me ya sa? Domin Jehobah Allah a da kansa wanda “ba ya ƙarya” ne ya yi wadannan alkawuran da ke cikin Littafi Mai Tsarki. (Titus 1:2) Jehobah ne kadai yake da ikon cika dukan alkawuransa, zai iya yin duk abin da “ya ga dama.”—Zabura 135:5, 6.
Muna gayyatarka ka zo ka amfana daga wannan begen da ke cikin Littafi Mai Tsarki. Za ka iya karfafa begenka ta wajen ‘bincika’ Nassosi sosai. (Ayyukan Manzanni 17:11) Ka bincika da kanka ta wajen nazarin Littafi Mai Tsarki da muke yi da mutane kyauta. Ka soma shekarar 2023 da sa rai cewa abubuwa za su gyaru a nan gaba!
a Jehobah ko Yahweh ne sunan Allah.—Zabura 83:18.
Mai Yiwuwa Za Ka Kuma So
AMSOSHIN TAMBAYOYIN LITTAFI MAI TSARKI
Me Zai Taimaka Mana Mu Kasance da Halin Sa Zuciya ko Bege?
Tabbataciyar hanyar samun ja-goranci zai iya inganta rayuwarmu a yanzu kuma ya sa mu kasance da bege cewa abubuwa za su gyaru a nan gaba.
MUHIMMAN KOYARWAR LITTAFI MAI TSARKI
Me Ya Sa Allah Ya Halicci Duniya?
Duniya tana cike da kyawawan abubuwa. An sanya ta a daidai inda ya kamata, nisan da ke tsakanin duniya da rana ya dace, hakan ya sa duniya ta zauna da kyau a inda aka ajiye ta da kuma yadda za ta iya juyawa daidai yadda ya kamata. Me ya sa Allah ya dauki dogon lokaci don ya tsara duniyar nan da kyau?
AMSOSHIN TAMBAYOYIN LITTAFI MAI TSARKI
Shin Littafi Mai Tsarki Zai Iya Taꞌazantar da Kai Kuwa?
Ayoyin Littafi Mai Tsarki sun taꞌazantar da mutane da yawa da suke fama da matsaloli ko kuma suna cikin wani yanayi mai wuya.
KOYARWAR LITTAFI MAI TSARKI
Gwada Yin Nazarin Littafi Mai Tsarki da Mu
Za a samo maka wani da zai taimaka maka ka fahimci Littafi Mai Tsarki kyauta.
