Shin Kun Haramta Kallon Wasu Fina-Finai ko Karanta Wasu Littattafai ko Kuma Saurarar Wasu Wakoki Ne?
A’a. Kungiyarmu ba ta bincika fina-finai ko littattafai ko kuma wakoki don ta iya tsara wa mabiyanta doka a kan irin wadanda ya kamata su kalla ba. Me ya sa?
Littafi Mai Tsarki ya karfafa kowannenmu ya horar da ‘hankalinsa’ don mu iya sanin nagarta da mugunta.—Ibraniyawa 5:14.
Nassosi sun jera wasu ka’idodi da za su iya taimaka wa Kiristoci wajen bincika kowane irin nishadi don su san wanda za su zaba. a Kamar yadda muke yi a kowane fannin rayuwarmu, burinmu shi ne mu rika “gwada abin da ke na yarda ga Ubangiji.”—Afisawa 5:10.
Mun koya daga Littafi Mai Tsarki cewa miji yana da iko bisa iyalinsa, saboda haka, zai iya tsai da shawarar a kan irin nishadi da ya kamata iyalinsa su yi. (1 Korintiyawa 11:3; Afisawa 6:1-4) Amma, babu wanda yake da ikon zaba wa wani ko wata a cikin ikilisiya a kan irin fina-finai ko wakoki ko kuma littattafan da ya kamata su rika karantawa, sai a iyalinsa kadai.—Galatiyawa 6:5.
a Alal misali, Littafi Mai Tsarki ya haramta duk abin ya shafi sihiri da lalatar jima’i da kuma nuna karfi.—Kubawar Shari’a 18:10-13; Afisawa 5:3; Kolosiyawa 3:8.
Mai Yiwuwa Za Ka Kuma So
TAMBAYOYIN MATASA
Dole Ne In Zabi Irin Wakar da Zan Ji?
Da yake waka tana iya shafanmu, ka koyi yadda za ka iya zaban wakokin da suka dace.
KOYARWAR LITTAFI MAI TSARKI
Gwada Yin Nazarin Littafi Mai Tsarki da Mu
Za a samo maka wani da zai taimaka maka ka fahimci Littafi Mai Tsarki kyauta.