Dabtsi Thiaj Yuav Ua Rau Peb Nyob Tso Siab Plhuav?
Raws li peb tham tas los lawm tibneeg ua ntau tsav ntau yam kom lawv tau lub neej zoo rau yav tom ntej xws li saib hmoov, kawm ntawv qib siab, khwv nyiaj khwv txiaj thiab xyaum ua ib tug neeg zoo. Tiamsis qhov tseeb tiag tej no pab tsis tau peb nyob tso siab plhuav. Yog li dabtsi thiaj yuav pab tau peb?
IB TXOJ HAU KEV UAS ZOO TSHAJ LWM TXOJ
Ua ntej peb yuav txiav txim siab ua ib yam dabtsi peb yeej xub mus cuag cov uas laus dua peb thiab paub tshaj peb. Ib yam li ntawd zoo rau peb mus nrhiav kev pab ntawm ib tug uas laus thiab txawj dua peb. Muaj ib tug uas laus tshaj thiab muaj tswvyim tshaj tau sau ib co lus nyiaj lus kub los pab peb ua neej. Nws cov lus nyob hauv phau Vajlugkub uas twb sau ntev li 3,500 xyoo los lawm.
Vim li cas peb thiaj tso siab tau rau phau Vajlugkub? Vim tias phau Vajlugkub los ntawm tus uas muaj tswvyim tshaj plaws hauv lub qab ntuj khwb no. Nws yog tus uas ib txwm muaj nyob los thiab yuav nyob mus ib txhiab ib txhis. (Daniyees 7:9, TT; Phau Ntawv Nkauj 90:2) Nws yog tus tsim kom muaj lub ntuj lub teb. (Yaxayas 45:18) Thiab nws qhia rau peb tias nws lub npe hu ua Yehauvas.—Phau Ntawv Nkauj 83:18, TT.
Tus uas tsim kom muaj phau Vajlugkub yog tus uas tsim kom muaj txhua haiv neeg. Yog li ntawd nws tsis xaiv leejtwg ntsej muag. Tej uas nws qhia yeej pab tau txhua haiv neeg. Tibneeg tseem muab nws txojlus txhais ua ntau yam lus, muab luam thiab tseb tawm kom txhua haiv neeg tau nyeem. * Yog li no thiaj muaj tseeb raws li Tes Haujlwm 10:34, 35 hais:
‛Vajtswv tsis xaiv leejtwg ntsej muag. Txawm yog haiv neeg twg los xij, Vajtswv lees yuav txhua tus uas hwm Vajtswv thiab ua haum Vajtswv siab.’—TES HAUJLWM 10:34, 35.
Zoo ib yam li leej niam leej txi uas hlub nkawd cov menyuam thiab tos tsis nyoo yuav pab lawv, Yehauvas kuj zoo li leej txi uas xav muab nws txojlus los pab peb txhua tus thiab. (2 Timautes 3:16) Peb yeej tso siab tau rau nws vim nws yog tus muab txojsia rau peb. Nws paub tias dabtsi thiaj yuav ua rau peb nyob kaj siab lug.
Koj yuav ua li cas thiaj tau lub neej nyob tso siab plhuav li no? Zaj tom ntej mam qhia ntxiv.
^ nqe 6 Yog xav paub seb tau muab phau Vajlugkub txhais li cas thiab tau muab xa li cas mus rau tibneeg nyeem mus rau www.ps8318.com/hmn thiab nias ntu VAJLUGKUB TEJ LUS QHIA > PHAU VAJLUGKUB TEJ KEEB KWM.
^ nqe 16 Yog xav paub ntxiv mus saib phau ntawv Askiv The Bible—God’s Word or Man’s? hauv tshooj 9 uas Yehauvas Cov Timkhawv luam tawm. Phau ntawv no nyob hauv www.ps8318.com. Mus rau LIBRARY > BOOKS & BROCHURES.
Tej Yam No Yuav Pab Tau Koj Thiab
PHAU TSOM FAJ
Qhov Tseeb Txog Lub Neej Yav Tom Ntej
Thaum koj pom seb Vajtswv tau hais li cas txog lub neej yav tom ntej thiab leejtwg yuav nyob rau hauv ces koj yuav muaj kev cia siab.
PHAU TSOM FAJ
Phau Vajlugkub Tej Lus Cob Qhia Puas Pab Tau Peb Tiam No?
Nyob rau peb tiam no, muaj ntau yam los pab peb daws teeb meem. Tau muab phau Vajlugkub sau tiav 2,000 xyoo dhau los lawm. Ua cas tseem vam khom cov lus qub qub ntawd thiab?
PHAU TSOM FAJ
Phau Vajlugkub Thiab Koj Lub Neej Tom Hauv Ntej
Vajtswv Txojlus pab peb nyiaj dhau peb tej teeb meem. Tiamsis phau Vajlugkub tsis yog pab tau peb li ntawd xwb. Phau Vajlugkub kuj pab kom peb muaj kev cia siab rau yav tom hauv ntej thiab.
