Բեռնել

• Նոտաներ

1. 1. Պարզելով հուսո թևերդ ամուր՝

   Սավառնիր դու այնտեղ, ուր չկա մրմուռ...

   Մի աշխարհ, ուր երբեք

   Չի լռում մանկան ծիծաղն անեզերք,

   Ուր մեր Հոր խոսքը օրենք է անխախտ,

   Ուր մարդիկ կառուցում են չքնաղ դրախտ,

   Ուր տարածվել է անդորր՝

   Միշտ անհատակ, ինչպես օվկիանը խոր...

   Այս կյանքի համն առ։

   Հոր ու Որդու մեծ սերը վառ

   Ծնում է նոր աշխարհ։

   (ԿՐԿՆԵՐԳ)

   Հույսը կրակ է անմար։

   Հույսը խարիսխ է ծովում խռով։

   Հույսը արև է սրտում ցրտահար։

   Աչքերիդ առաջ, օ՜,

   Ծնվում է նոր աշխարհ։

2. 2. Տես ահա գողտրիկ քո տունն ու այգին.

   Հավաքվել են սիրածդ մարդիկ քո կողքին։

   Էլ չկա վիշտ ու լաց։

   Օ՜, եկել է պահն այնքա՜ն սպասված...

   Տարիներ են չիք դարձել,

   Բայց Աստված հողին է շունչ փչել։

   Դե՛, նրան դու գրկիր,

   Ուրախ ասա. «Բարի գալուստ նոր երկիր»։

   Ո՞ւր է մահն անկար...

   Հոր սիրուց անծայր

   Ծնվում է նոր աշխարհ։

   (ԿՐԿՆԵՐԳ)

   Հույսը կրակ է անմար։

   Հույսը խարիսխ է ծովում խռով։

   Հույսը արև է սրտում ցրտահար։

   Աչքերիդ առաջ, օ՜,

   Ծնվում է նոր աշխարհ։

   (ՄԻՋԵՐԳ)

   Մեր Հոր ամեն խոսքն անգին

   Կատարվում է միշտ. փա՛ռք տուր Յահին։

   Այո՛, օրհնում է սրտանց նա,

   Փափագդ ի կատար ածում հիմա։

   (ԿՐԿՆԵՐԳ)

   Հույսը կրակ է անմար։

   Հույսը խարիսխ է ծովում խռով։

   Հույսը արև է սրտում ցրտահար։

   Աչքերիդ առաջ, օ՜,

   Ծնվում է նոր աշխարհ,

   Ծնվում է նոր աշխարհ,

   Ծնվում է նոր աշխարհ,

   Ծնվում է նոր աշխարհ։