Un lugar ki ta da-u lovor
Diskarega:
1. Jeová, bu grandéza i glória
Ka ta kebe nen la na séu,
Mutu ménus inda n’es lugar
Ki nu faze p’oferese-u.
Má nu ta pidi-u pa bu seta
Lovor k’es lugar ta ben da-u,
Pa bu spritu santu i bu pas
Sta ku nos pa nu adora-u.
(MUDANSA DI RÍTIMU)
Ó Jeová, ken k’é nos
Pa nu da-u algun kuza,
Si na séu i na téra
Tudu dja é di bo?
(KORU)
Bu bira nos sonhu verdadi.
Pur isu, ku tudu amor
Nu ta kanta pa agradese-u
Pʹes lugar ki ta da-u lovor.
2. Nu xinti ma bu ka nega-nu
Bu benson na es konstruson.
I pur isu nu da nos midjór,
Nu trabadja di korason.
Má inda ten txeu pa nu faze
Pa djuda‿otus txiga na bo.
Gósi kel lugar bunitu li
T’atrai-s p’es lova-u ku nos.
(MUDANSA DI RÍTIMU)
Bu ka fitxa bu mô,
Má bu da-nu‿es prezenti.
Modi ki nu ta paga—
Bu grandi‿amor pa nos?
(KORU)
Bu bira nos sonhu verdadi.
Pur isu, ku tudu amor
Nu ta kanta pa agradese-u
Pʹes lugar ki ta da-u lovor.
