Ben odja kel ki Deus ten pa bo
Diskarega:
1.Si‿N fitxa odju‿N ta sta la,
Na mundu novu di‿amor i pas.
Ben ku mi,
Dja‿N sta li,
Odja li.
2.É ka un sonhu,‿el ta kunpri mê.
N ten sertéza sima bo tanbê
M’el ta ben sin.
Ben ku mi,
Odja-l li.
(KORU)
Da-m bu mô,
Ben odja kel ki Deus ten pa bo.
Vida li
É alegria ki ka ta ten fin.
3.Kes ki móre,‿obi Deus ta txoma-s.
Es ka ta ben dexa-nu nunka más.
Ben ku mi,
Dj’es sta li,
Odja-s li.
4.Kes sufrimentu i dór ki duê,
Dja nu ka sabe más es é kuzê.
Ben ku mi,
Odja li,
Ka sta li.
(KORU)
Da-m bu mô,
Ben odja kel ki Deus ten pa bo.
Vida li
É alegria ki ka ta ten fin.
5.Jeová ki fla, el ka ta‿ngana-m.
É sértu sima lus di palmanhan.
(MUDANSA DI RÍTIMU)
N ten fé
Ma ta ten
Pa tudu‿algen
Kel midjór vida ki ten.
Nton,
6.Fitxa odju‿i ben ku mi,
Nu ben xinti pas ki ta sta li.
Bo ku mi,
Nu sta li,
Odja li.
