23-ساباق
ٴبىزدىڭ ادەبيەتتەرىمىز قالاي جازىلادى جانە قالاي اۋدارىلادى؟
ٴبىز ىزگى حاباردى «ٵربىر ۇلت، رۋ، ٴتىل جانە حالىققا» جەتكىزۋ ٷشىن قولدان كەلگەننىڭ ٴبارىن ىستەۋگە تىرىسامىز. مىسالى، ادەبيەتتەرىمىزدى 1000 نان اسا تىلگە اۋدارامىز (ايان 14:6). مۇنداي جاۋاپتى ٸس قالاي اتقارىلىپ جاتىر؟ بۇل حالىقارالىق جازۋشىلار ٴبولىمى مەن ٶز ٸسىن ٴسۇيىپ ىستەيتىن اۋدارماشىلاردىڭ ارقاسىندا جۇزەگە اسىپ وتىر. ولاردىڭ ٴبارى ەحوبا كۋاگەرلەرى.
ٴتۇپنۇسقا اعىلشىن تىلىندە جازىلادى. باسقارۋشى كەڭەس دۇنيەجۇزىلىك باس باسقارماداعى جازۋشىلار ٴبولىمىنىڭ قىزمەتىن قاداعالايدى. جازۋشىلار ٴبولىمى باس باسقارمادا جانە وزگە فيليالداردا قىزمەت ەتەتىن جازۋشىلارعا تاپسىرمالار بەرىپ وتىرادى. جازۋشىلاردىڭ ۇلتى مەن مادەنيەتى ٵرتۇرلى بولعاندىقتان، ادەبيەتتەرىمىز ٴتۇرلى ۇلت وكىلدەرىنە قىزىقتى بولاتىنداي ەتىپ دايىندالادى.
دايىن ٴماتىن اۋدارماشىلارعا بەرىلەدى. ٴماتىن تەكسەرىلىپ، ماقۇلدانعان سوڭ، ونىڭ ەلەكتروندى نۇسقاسى دۇنيەنىڭ ٴتورت بۇرىشىنداعى اۋدارما توپتارىنا جىبەرىلەدى. ال ولار ٴماتىندى اۋدارادى، تۇپنۇسقامەن سالىستىرادى جانە قاتەلەردى تەكسەرەدى. اۋدارماشىلار اعىلشىن ماتىنىندەگى ويدى تولىق جەتكىزۋ ٷشىن سوزدەردىڭ تۋرا بالامالارىن تابۋعا تىرىسادى (ۋاعىزداۋشى 12:10).
كومپيۋتەرلەر جۇمىستى جىلدامداتادى. ارينە، كومپيۋتەر جازۋشىلار مەن اۋدارماشىلاردىڭ ورنىن باسا المايدى. الايدا ونداعى باعدارلامالار، سوزدىكتەر مەن مالىمەت كوزدەرى ولاردىڭ جۇمىسىن تەزدەتەدى. ەحوبا كۋاگەرلەرى كوپتىلدى ەلەكتروندى باسپا جۇيەسىن (MEPS) ويلاپ شىعاردى. وسى باعدارلامانىڭ كومەگىمەن ٴماتىندى جۇزدەگەن تىلدە ەنگىزىپ، سۋرەتتەرىن ورنالاستىرىپ، باسپاعا دايىنداۋعا بولادى.
نەگە ٴبىز ادەبيەتتەرىمىزدى وزگە تىلدەرگە اۋدارۋ ٷشىن، ٴتىپتى ول تىلدە بىرەر مىڭ ادام عانا سويلەسە دە، وسىنشاما كوپ كۇش سالامىز؟ ويتكەنى ەحوبا قۇداي «ٵرتۇرلى ادامداردىڭ قۇتقارىلعانىن جانە شىندىق جايلى تۋرا ٴبىلىم العانىن قالايدى» (تىموتەگە 1-حات 2:3، 4).
-
ادەبيەتتەرىمىز قالاي جازىلادى؟
-
نەگە ٴبىز ادەبيەتتەرىمىزدى سونشاما كوپ تىلگە اۋدارامىز؟