ەجەلدەن بەرى ەحوبا وتباسى مۇشەلەرىنىڭ بىرگە ۋاقىت وتكىزگەندەرىن قالاعان.‏ مۇنىڭ بىردەن-‏ٴ‌بىر ماقساتى قۇدايعا جاقىنداي ٴ‌تۇسۋ جانە ٴ‌بىر-‏بىرىمەن قارىم-‏قاتىناستارىن نىعايتۋ بولاتىن (‏مۇسانىڭ 5-‏جازباسى 6:‏6،‏ 7‏)‏.‏ سول سەبەپتى ەحوبا كۋاگەرلەرى بۇگىندە وتباسىلارىمەن بىرگە عيبادات ەتۋ ٷشىن اپتا سايىن ارنايى ۋاقىت بولەدى.‏ وتباسىلىق عيبادات كەزىندە ولار ىڭعايلى جەردە وتىرىپ،‏ ٷي ىشىندەگىلەردىڭ قاجەتتىلىكتەرىنە قاراي بەلگىلى ٴ‌بىر رۋحاني تاقىرىپتاردى قاراستىرادى.‏ ٴ‌تىپتى ٴ‌سىز جالعىز تۇرساڭىز دا،‏ ٶزىڭىز قالاعان تاقىرىپتى تاڭداپ،‏ عيبادات ەتۋگە ۋاقىت بولسەڭىز بولادى.‏ بۇل سىزگە قۇدايعا جاقىنداي تۇسۋگە كومەكتەسەدى.‏

ەحوباعا جاقىنداي تۇسۋدىڭ مۇمكىندىگى.‏ ‏«قۇدايعا جاقىنداڭدار،‏ سوندا ول دا سەندەرگە جاقىندايدى» (‏جاقىپ 4:‏8‏)‏.‏ قۇدايدى جاقىننان تاني ٴ‌تۇسۋ ٷشىن كيەلى كىتاپتان ونىڭ قالاي ارەكەت ەتەتىنى تۋرالى جانە بولمىسىنىڭ ٵرتۇرلى قىرلارى جايلى وقىعانىمىز پايدالى.‏ كەي وتباسىلارى كيەلى كىتاپتى بىرگە داۋىستاپ وقۋدى وتباسىلىق عيباداتتى بەلگىلەنگەن ۋاقىتتا باستاۋدىڭ وڭاي جولى دەپ تابادى.‏ بالكىم،‏ بۇل ٷشىن جازبالاردى «ماسىحشىلىك ٶمىرىمىز بەن قىزمەتىمىز» كەزدەسۋىنىڭ كەستەسى بويىنشا وقۋعا بولاتىن شىعار.‏ وتباسى مۇشەلەرى كيەلى كىتاپ ۇزىندىلەرىن كەزەكتەسىپ وقىپ،‏ سوسىن جازبالاردان نەنى ۇيرەنگەندەرىن بىرگە تالقىلاسا بولادى.‏

وتباسىن نىعايتۋدىڭ مۇمكىندىگى.‏ كيەلى كىتاپتى بۇكىل وتباسىمەن زەرتتەۋ كۇيەۋى مەن ايەلىنىڭ جانە اتا-‏انا مەن بالالاردىڭ قارىم-‏قاتىناستارىن نىعايتادى.‏ بۇل جايدارى كوڭىلمەن،‏ تىنىشتىقتا وتىرىپ وتەتىن ٵرى ٴ‌بارىنىڭ اسىعا كۇتەتىن ۋاقىتى بولۋ كەرەك.‏ اتا-‏انالار بالالارىنىڭ جاسىنا قاراي پايدالى دا قىزىقتى تاقىرىپتاردى تاڭداپ‏،‏ سولاردى قاراستىراتىن شىعار.‏ بۇل رەتتە «كۇزەت مۇناراسى» مەن «ويانىڭدار!‏» جۋرنالىنداعى ايدارلاردىڭ جانە jw.org تور بەكەتىمىزدىڭ كومەگى زور.‏ بالالارمەن مەكتەپتە كەزىگىپ جۇرگەن قيىندىقتارى جايلى جانە ولاردى قالاي شەشۋگە بولاتىنى تۋرالى سويلەسىپ تۇرعان دا دۇرىس.‏ وسى ورايدا ٴ‌بىزدىڭ ‏(‏jw.org‏)‏ JW Broadcasting باعدارلامامىزدى كورىپ،‏ ونى بالالارىڭىزبەن بىرگە تالقىلاساڭىزدار بولادى.‏ سونداي-‏اق قاۋىم كەزدەسۋىندە ايتىلاتىن اندەردى ايتىپ جاتتىعۋعا بولادى.‏ ال وتباسىلىق عيباداتتان كەيىن داستارقان جايىپ،‏ اڭگىمە-‏دۇكەن قۇرۋدىڭ كوڭىل سەرگىتەرى ٴ‌سوزسىز.‏

ەحوباعا عيبادات ەتۋگە اپتا سايىن ارنايى ۋاقىت بولگەنىڭىز وتباسىنىڭ ٵربىر مۇشەسىنە قۇداي ٴ‌سوزىن وقۋدان راقات الۋعا كومەكتەسەدى.‏ وتباسىلىق عيباداتتى وتكىزۋگە كۇش سالعانىڭىز ٷشىن ەحوبا كول-‏كوسىر باتاسىن بەرەدى (‏ٴ‌زابۇر 1:‏1—‏3‏)‏.‏

• نەگە ٴ‌بىز وتباسىلىق عيباداتتى وتكىزۋگە ارنايى ۋاقىت بولەمىز؟‏

• وتباسىلىق عيبادات بارىنە قىزىقتى بولاتىنداي ٶتۋ ٷشىن اتا-‏انالار نە ىستەي الادى؟‏