جاستاردىڭ ساۋالدارى
قاشىقتان وقۋ ٴتيىمدى بولۋ ٷشىن نە ىستەي الاسىڭ؟
بۇگىندە كوپ وقۋشى ساباقتارىن قاشىقتان وقىپ ٴجۇر. سولاردىڭ قاتارىندا بولساڭ، وقۋىڭ ٴتيىمدى بولۋ ٷشىن نە ىستەي الاسىڭ؟ مۇنىڭ بىرنەشە جولى بار a.
كومەك بولار بەس كەڭەس
كۇنىڭدى جوسپارلا. مەكتەپكە بارىپ جۇرگەن كەزدەگىدەي، ناقتى كەستە قۇرىپ، سونى ۇستانۋعا تىرىس. ساباق وقيتىن، ٷي شارۋاسىن جانە باسقا دا ماڭىزدى ىستەردى ىستەيتىن ۋاقىتتى بەلگىلە. قاجەت بولسا، جوسپارىڭدى وزگەرتە الاسىڭ.
كيەلى كىتاپ كەڭەسى: «تەك بارلىعى لايىقتى ٵرى تارتىپپەن بولسىن!» (قورىنتتىقتارعا 1-حات 14:40).
«كۇنىڭدى مەكتەپتە جۇرگەنىڭدەي وتكىز. ٵر ٸستى ٶز ۋاقىتىندا ىستەۋىڭ كەرەك» (كەتي).
ويلاپ كورشى: كەستەڭدى قاعازعا جازىپ، كورىنەتىن جەرگە قويعانىڭ نەگە پايدالى بولادى؟
ٶزىڭدى قاداعالاي ٴبىل. ٴتىپتى اسا ىقىلاسىڭ بولماسا دا، ىستەلۋ كەرەك ىستەردى كەيىنگە قالدىرماي اتقار. بۇل ەسەيىپ جاتقانىڭدى كورسەتەدى.
كيەلى كىتاپ كەڭەسى: «ەرىنشەك بولماي، ىستەرىڭدى ىنتا-جىگەرمەن اتقارىڭدار» (ريمدىكتەرگە 12:11).
«ٶزىڭدى قاداعالاۋ قيىننىڭ قيىنى. ٴبىر نارسەنى سىلتاۋراتىپ، «ساباقتى كەيىن وقي سالامىن» دەۋ وڭاي. ٴبىراق ونى كەيىن دە وقىمايسىڭ. ٴسۇيتىپ، وقيتىن نارسەلەرىڭ جينالا بەرەدى» (الەكساندرا).
ويلاپ كورشى: ساباقتى كۇندە ٴبىر ۋاقىتتا جانە ٴبىر جەردە وقىپ، ٴبىر ٴتارتىپتى ۇستانعانىڭ ٶزىڭدى قاداعالاۋعا قالاي كومەكتەسەدى؟
ساباق وقيتىن ورىن تاڭدا. وقۋعا قاجەتتى قۇرالدارىڭنىڭ ٴبارى قاسىڭا الىپ ال. وتىراتىن ورنىڭ ىڭعايلى بولسىن، ٴبىراق ۇيقىعا تارتاتىنداي تىم جايلى بولماسىن. سەن ول جەرگە دەمالۋعا ەمەس، ساباق وقۋعا كەلەسىڭ عوي. ەگەر جالعىز وتىرىپ ساباق وقيتىن بولمەڭ بولماسا، اس ىشەتىن نە جاتىن بولمەدە وقىساڭ دا بولادى.
كيەلى كىتاپ كەڭەسى: «ىنتالىنىڭ جوسپارلارى تابىسقا جەتەلەر» (ناقىل سوزدەر 21:5).
«دوبىڭدى، ويىندارىڭدى كوزگە كورىنبەيتىن جەرگە قوي، تەلەفوننىڭ دىبىسىن ٶشىر، گيتاراڭدى قابىنا سالىپ قوي. سەنى ەشنارسە الاڭداتپاۋ كەرەك» (ەليزابەت).
ويلاپ كورشى: وقيتىن ورنىڭ ىڭعايلى بولۋ ٷشىن تاعى نە ىستەي الاسىڭ؟
زەيىن قويىپ وقۋدى ۇيرەن. ساباعىڭدى بار زەيىنىڭدى سالىپ وقى. باسقا ىستەرگە الاڭداما. ەگەر ٴبىر ۋاقىتتا بىرنەشە ىسپەن اينالىسساڭ، قاتەلەر جىبەرۋىڭ مۇمكىن، سودان ساباعىڭدى اياقتاۋعا كوبىرەك ۋاقىتىڭ كەتەدى.
كيەلى كىتاپ كەڭەسى: «ۋاقىتتارىڭدى بارىنشا ٴتيىمدى پايدالانىڭدار» (ەفەستىكتەرگە 5:16).
«تەلەفونىم قاسىمدا بولعاندا، سوعان الاڭداي بەرەتىنمىن. ٴسۇيتىپ، كوپ ۋاقىتىمدى قاجەتسىز نارسەلەرگە جوعالتاتىن ەدىم» (وليۆيا).
ويلاپ كورشى: ٴبىر ٸستى نەعۇرلىم ۇزاق ۋاقىت زەيىن قويىپ اتقارۋ ٷشىن نە ىستەي الاسىڭ؟
ٷزىلىس جاساپ وتىر. سەرۋەندە، ۆەلوسيپەد ايدا نە جاتتىعۋ جاسا. سۇيىكتى حوببيىڭمەن اينالىسساڭ دا، سەرىگىپ قالاسىڭ. ٴبىر كىتاپتا ايتىلعانداي، «الدىمەن جۇمىسىڭدى ٴبىتىرىپ ال. اياقتالماعان ىستەرىڭ بولماسا عانا، دەمالىسىڭ ناعىز دەمالىس بولادى» («School Power»).
كيەلى كىتاپ كەڭەسى: «تىنىمسىز ەڭبەكتەنىپ، جەلدىڭ سوڭىنان قۋعانشا، ازىراق تىنىعىپ العان ارتىق» (ۋاعىزداۋشى 4:6).
«مەكتەپتە مۋزىكالىق اسپاپتا ويناۋدى نە قانداي دا ٴبىر ونەردى ۇيرەنۋگە بولادى. سول كەزدەردى ساعىنامىن دەپ ويلاماپپىن. ساباق وقىپ جۇرگەن كەزدە، اراسىندا قانداي دا ٴبىر ونەردى ۇيرەنگەن جاقسى ەكەن» (تەيلور).
ويلاپ كورشى: ساباق وقۋعا كۇشىڭ بولۋ ٷشىن اراسىندا ٷزىلىس جاساپ، نەمەن اينالىسساڭ بولادى؟
a قاشىقتان وقۋدىڭ تۇرلەرى كوپ. وسى ماقالاداعى سەنىڭ جاعدايىڭا ساي كەلەتىن ۇسىنىستاردى قولدانىپ كور.
قىزىقتى بولار مالىمەتتەر
قۇرداستارىڭ نە دەيدى؟
كەيىنگە قالدىرۋ ادەتى جايلى قۇرداستارىڭ نە دەيدى؟
كەيىنگە قالدىرۋ ادەتىنىڭ زيانى مەن ۋاقىتتى اقىلمەن قولدانۋدىڭ پايداسى جايلى جاستار نە دەيتىنىن تىڭداپ كورىڭىز.
جاستاردىڭ ساۋالدارى
زەرىكسەم نە ىستەۋگە بولادى؟
ەلەكتروندىق قۇرىلعىلار قانشالىقتى كومەكتەسەدى؟ زەرىكپەۋ ٷشىن تاعى نە امال جاساۋعا بولادى؟
