شىنايى ٴدىندى قالاي انىقتاۋعا بولادى؟
كيەلى كىتاپتىڭ جاۋابى
شىنايى ٴدىندى ۇستاناتىندار مەن ۇستانبايتىنداردىڭ ايىرماشىلىعى كيەلى جازبالاردا كەلەسى مىسالمەن تۇسىندىرىلگەن: «ولاردى جەمىستەرىنەن تانيسىڭدار. تىكەننەن ٴجۇزىم، تۇيەتىكەننەن ٸنجىر جينامايدى، سولاي ەمەس پە؟» (ماتاي 7:16). ٴجۇزىم مەن تىكەندى جەمىستەرىنەن ايىرۋعا بولاتىنىنداي، جالعان ٴدىن مەن شىنايى ٴدىندى دە ايىرۋعا بولاتىن بەلگىلەر بار.
شىنايى ٴدىندى ۇستاناتىندار ادامداردىڭ ٴپالساپاسىن ەمەس، كيەلى كىتاپتاعى شىندىقتى ۇيرەتەدى (جوحان 4:24؛ 17:17). بۇعان ارۋاقتارعا جانە جەر بەتىندەگى جۇماقتا ماڭگى ٶمىر سۇرۋگە قاتىستى ىلىمدەر جاتادى (ٴزابۇر 37:29؛ يشايا 35:5، 6؛ ەزەكيەل 18:4). سونىمەن قاتار ولار جالعان ىلىمدەردى اشكەرەلەۋدەن تارتىنبايدى (ماتاي 15:9؛ 23:27، 28).
ولار ادامداردى قۇدايمەن تانىستىرىپ، ونىڭ ەسىمى ەحوبا ەكەنىن اشادى (ٴزابۇر 83:18؛ يشايا 42:8؛ جوحان 17:3، 6). سونىمەن قاتار قۇدايدىڭ بىزدەن الىس ەمەس ەكەنىن، ونى تانىپ-ٴبىلىپ، ونىمەن دوس بولا الاتىنىمىزدى تۇسىندىرەدى (جاقىپ 4:8).
قۇدايدىڭ يسا ٴماسىح ارقىلى قۇتقارىلۋعا جول اشقانىنا ايرىقشا كوڭىل بولەدى (ەلشىلەردىڭ ىستەرى 4:10، 12). ولار يسانىڭ وسيەتتەرىن ۇستانادى، ٵرى ونىڭ ۇلگىسىنە ەلىكتەۋگە تىرىسادى (جوحان 13:15؛ 15:14).
ادامزاتتىڭ بارلىق قيىندىقتارىن تەك قۇداي پاتشالىعى شەشەتىنىنە سەنەدى. سونداي-اق سول پاتشالىق تۋرالى حاباردى وزگەلەرگە جەتكىزەدى (ماتاي 10:7؛ 24:14).
ولار رياسىز سۇيىسپەنشىلىك تانىتادى (جوحان 13:35). ناسىلىنە، ۇلتىنا، مادەنيەتى مەن تىلىنە، سونداي-اق شىققان ورتاسىنا قاراماي، ادامداردىڭ ٴبارىن قۇرمەتتەۋ كەرەك دەپ ۇيرەتەدى (ەلشىلەردىڭ ىستەرى 10:34، 35). بارلىق ادامداردى جاقسى كورەتىندىكتەن ەشقانداي سوعىسقا قاتىسپايدى (ميحا 4:3؛ جوحاننىڭ 1-حاتى 3:11، 12).
ولاردىڭ اراسىندا قىزمەتىنە اقى الاتىن نە جوعارى لاۋازىمدى ٴدىنباسىلار جوق (ماتاي 23:8—12؛ پەتىردىڭ 1-حاتى 5:2، 3).
ولار ساياسي ىستەردە بەيتاراپتىق ساقتايدى (جوحان 17:16؛ 18:36). دەسە دە كيەلى كىتاپتاعى: «پاتشانىكىن پاتشاعا، ال قۇدايدىكىن قۇدايعا بەرىڭدەر»،— دەگەن تالاپقا ساي، جەرگىلىكتى بيلىك باسىنداعىلاردى قۇرمەتتەيدى، ٵرى ولارعا مويىنسۇنادى (مارقا 12:17؛ ريمدىكتەرگە 13:1، 2).
شىنايى ٴدىندى ۇستانۋ — بەلگىلى ٴبىر داستۇرلەردى ۇستانۋ نە عيباداتتىڭ ىرىمىن جاساي سالۋ ەمەس، ٶمىر سالتى. سوندىقتان شىنايى ٴدىندى ۇستاناتىندار ٵرقاشان كيەلى كىتاپتىڭ جوعارى تالاپتارىنا ساي ٶمىر سۇرەدى (ەفەستىكتەرگە 5:3—5؛ جوحاننىڭ 1-حاتى 3:18). «باقىتتى قۇدايعا» عيبادات ەتەتىندىكتەن ولار مۇنى قاباق شىتىپ ەمەس، قۋانا ىستەيدى (تىموتەگە 1-حات 1:11).
شىنايى ٴدىندى ۇستاناتىندار كوپ بولمايدى (ماتاي 7:13، 14). جۇرت ولاردى كەمسىتەدى، مازاق قىلادى، قۇدايدىڭ ەركىن ورىنداپ جۇرگەندەرى ٷشىن قۋدالايدى (ماتاي 5:10—12).
شىنايى ٴدىن — وزىمىزگە ۇنايتىن ٴدىن ەمەس
ٴدىندى تەك سەزىمگە عانا جۇگىنىپ تاڭداۋ قاۋىپتى. كيەلى كىتاپتا: «[ادامدار] قۇلاقتارىنا جاعاتىندى ايتاتىن [ٴدىني] ۇستازداردى اينالاسىنا جينايدى»،— دەلىنگەن. بۇل — وسىنداي ادامداردىڭ پايدا بولاتىنىنا قاتىستى ايتىلعان پايعامبارلىق (تىموتەگە 2-حات 4:3). سونىمەن قاتار وندا، وزگەلەرگە ۇنامايتىنىنا قاراماي، «قۇدايىمىز ٵرى اكەمىزدىڭ كوز الدىنداعى تازا دا ارامدالماعان عيباداتتى» ۇستانۋ كەرەكتىگى ايتىلعان (جاقىپ 1:27؛ جوحان 15:18، 19).
قىزىقتى بولار مالىمەتتەر
ESSENTIAL BIBLE TEACHINGS
اللا تاعالانىڭ ەسىمى بار ما؟
قۇدايدىڭ كوپ لاۋازىمى بار. مىسالى، قۇدىرەتتى، جاراتۋشى، راببى. ٴبىراق كيەلى كىتاپتا ونىڭ دارا ەسىمى 7000 نان استام رەت كەزدەسەدى.
ESSENTIAL BIBLE TEACHINGS
قۇداي پاتشالىعى دەگەن نە؟
يسا پايعامبار جەردە بولعاندا، باسقا تاقىرىپتارعا قاراعاندا قۇداي پاتشالىعى جايلى وتە كوپ ٴتالىم بەرگەن.
كيەلى كىتاپ تالىمدەرى
كيەلى كىتاپ كۋرسىن باستاپ كورىڭىز
قۇداي ٴسوزى — كيەلى كىتاپتى جەكە تالىمگەرمەن تالقىلاپ كورىڭىز. كۋرس تەگىن.