Il­lit qanoq isumaqar­pit?

•   Horoskopit, paakor­tar­tut imaluun­niit siulit­tuisar­tut isumasior­nerat ajoqutaasin­naava?

•   Anersaapiluit pil­lugit oqalut­tuat oqalut­tualiaan­naap­pat – ajun­ngitsut ajor­tul­lu akiuun­neran­nut as­sersuutaan­naap­pat – imaluun­niit piviusuup­pat ulorianar­tut?

 Al­laaserisami matumani anersaarsior­neq sooq pis­sanganarsin­naasoq aam­ma sooq mianersorfigisariaqarit misis­sus­savar­put.

•  Sooq pissanganarsinnaava?

•  Sooq mianersorfigisariaqarpa?

•  Qanoq iliorsinnaasutit

•  Inuusuttoqativit isumaat

 Aliik­kutas­sanik suliaqar­tut anersaarsior­nermut tun­ngasunik isigin­naagas­sior­nermik­kut, aal­lakaatitas­sior­nermik­kut, spil­lilior­nermik­kut atuak­kior­nermik­kul­lu aningaasar­pas­suar­nik iluanaar­tar­put. Tamatuma kingunerisaanik inuusut­tor­pas­suit ul­loris­sat najoq­qutaralugit siulit­tuiniar­tar­neq, anersaapiluit, vampyrit angak­kuar­tar­nerlu soqutigilersimavaat. Sooq? Ilaatigut mak­ku pis­sutigalugit:

•   Alapernaanneq: Anersaat silarsuaata ilumut piuneranik paasiniaarusun­neq

•   Isumaalunneq: Siunis­sami qanoq pisoqar­nis­saanik paasiniaarusun­neq

•   Maqaasineq: Asasamik toqusimasumik at­taveqaqateqarusun­neq

 Taak­ku ajor­tuun­ngik­kaluar­put. As­sersuutigalugu siunis­sap eq­qarsaatigisar­nera imaluun­niit asasap toqusimasup maqaasinera pis­susis­samisoor­poq. Ulorianar­toqar­porli mianersorfigisariaqak­kan­nik.

 Anersaarsior­nermut at­tuumas­sutil­lit suul­luun­niit Biibilimi sak­kor­tuumik mianersoq­qus­sutigineqar­put. As­sersuutigalugu al­las­simavoq:

 “Ilinni ... [siulit­tuisar­toqas­san­ngilaq] angak­kuar­niar­toqas­sananiluun­niit, pisus­sanik ilimasaarisoqas­sanani ilisiin­niar­tar­toqas­sananiluun­niit. Angak­kuar­niutaasunik oqalut­toqar­tas­san­ngilaq, timaajagar­sior­tunik sukuiaasar­tunil­luun­niit aper­suisoqar­tas­sanani toqoreersunil­lu siuner­siuisoqar­tas­sanani. Taamaalior­tut kik­kul­luun­niit Naalak­kap maajugai.” – 5 Mosesi 18:10-12.

 Sooq Biibilimi anersaarsior­neq sak­kor­tuumik as­suarineqar­pa?

•   Anersaarsior­nik­kut anersaapiluit tapersersor­neqar­tar­put. Biibilimi ilin­niar­titsis­sutigineqar­poq in­ngilit ilaat Guutimut pikitsitsisut im­min­nul­lu Guutimut akeran­ngor­tit­tut. (1 Mosesi 6:2; Judasi 6) Siulit­tuisar­tut, ul­loris­sat najoq­qutaralugit siulit­tuiniar­tar­tut, angak­kuar­tar­tut toqusimasunil­lu at­taveqar­tar­tut aq­qutigalugit in­ngilipiluit – anersaapilun­nik taaneqar­tar­tut – inun­nik uukapaatitsisar­put. Taamaat­tut sam­misarutsigit Guutimut akeran­ngus­saagut.

•   Inuit aalajangersimasut siunis­sami pisus­sanik siulit­tuisin­naaneran­nik up­perisaq eq­qun­ngitsoq anersaarsior­nermi taperser­neqar­poq. Guutili kisimi ima oqarsin­naavoq: “Pileq­qaar­neran­nit qanoq pisoqar­nis­saa nalunaarutigaara, itsaanil­li suli pin­ngitsut oqaatigaak­ka.” – Esaja 46:10; Jaaku 4:13, 14.

•   Toqusimasut inun­nik at­taveqaqatigineqarsin­naaneran­nik up­perisaq eq­qun­ngitsoq anersaarsior­nermi taperser­neqar­poq. Biibilimili al­las­simavoq: “[Toqungasut] sun­nguamil­luun­niit ilisimasaqan­ngil­lat ... toqusut inaan­ni or­nitan­ni sulias­saqan­ngim­mat ataqatigiin­neqaraniluun­niit ilisimasas­sanik ilisimas­susermil­luun­niit peqar­nani.” – Oqaluus­sisar­tup oqaasii 9:5, 10.

 Tamak­ku pis­sutigalugit Jehovap Nalunaajaasuisa anersaarsior­nermut at­tuumas­sutil­lit sam­min­ngil­luin­nar­tar­paat. Aam­ma aliik­kutas­sat zombienut, vampyrinut anersaarsior­ner­nul­lu tun­ngasut al­lat sam­mineq ajor­paat. Ar­naq inuusut­toq Mariamik atilik ima oqar­poq: “Anersaarsior­nermut tun­ngasor­taqar­pat isigin­naas­san­ngilara.” a

•   Iliuutsinik aliik­kutas­sanil­luun­niit anersaarsior­nermut tun­ngasunik sam­misaqan­ngin­nik­kut Jehovamut ‘ilerasuuteqan­ngin­nis­sat’ aalajangiusimajuk. – Apustilit Suliaat 24:16.

•   Anersaarsior­nermut tun­ngasoq pigisat suugaluar­torluun­niit igiuk. Apustilit Suliaat 19:19, 20-lu atuak­kit kristumiul­lu siul­liit tamatumun­nga tun­ngatil­lugu maligas­siuil­luar­nerat maluginiarlugu.

 Eq­qaamajuk: Iliuutsinik aliik­kutas­sanil­luun­niit anersaarsior­nermut tun­ngasunik sam­misaqan­ngin­nik­kut ersaris­sumik takutit­tar­pat Jehova tapersersorlugu. Taman­nalu uum­mataanik nuan­naar­titsisar­poq! – Us­satit 27:11.