Naamerluin­naq!

 Ilumoor­toq: Amerlaner­tigut anguteqam­mut a pileris­suseqar­neq qaangiut­tar­poq.

 Taman­na Lisettep 16-inik ukiul­lip niviarsiaraqatiminut pileris­suseqarsimasup paasivaa. Ima oqar­poq: “Atuarfim­mi uumas­susilerinermi paasivara inuusut­tun­nguler­nermi hormonit al­lan­ngoraqat­taar­tar­tut. Ilimagivara inuusut­tor­pas­suit timer­tik pil­lugu ilisimasaqar­nerusuugunik ar­naqam­mut anguteqam­mul­luun­niit pileris­suseqar­nerup ataavar­tuusariaqan­ngin­nera paasis­sagaat aam­ma ar­naqatinoor­taler­nis­samut anguteqatinoor­taler­nis­samul­luun­niit tatineqar­tutut misigis­san­ngitsut.”

 Taavami ar­naqam­mut anguteqam­mul­luun­niit pileris­suseqar­nerit ataavar­toor­pasip­pat? Guutip ar­naqam­mut anguteqam­mul­luun­niit pileris­suseqar­tup ar­naqatiminik anguteqatiminil­luun­niit atoqateqan­ngin­nis­saanik piumasaqar­nera ingasap­pal­laar­pa?

 Apeq­qut kingul­leq angeruk­ku ilisimas­savat atoqateqar­nis­samik pileris­suseqar­neq tamatigut malil­lugu ilior­nis­samik oqar­tar­neq eq­qun­ngitsumik tun­ngaveqarmat. Biibilimi inuit naleq­qutin­ngitsumik atoqateqar­nis­samik pileris­sutsimin­nut nak­kaan­nar­niar­natik aalajangiisin­naasutut al­laatigineqar­put. – Kolos­semiut 3:5.

 Biibilimi al­las­simasut ingasap­pal­laan­ngil­lat. Inuit tamarmik qanoq pileris­suseqar­nerat apeq­qutaatin­nagu ima as­sigiim­mik kajumis­saar­neqar­put: “Kinguaas­siuutitigut inuunerlun­neq nigorsimaniarsiuk!” (1 Korinthimiut 6:18) Tas­sa inuit mil­lionil­lit ar­naqatigin­ngisamin­nik imaluun­niit anguteqatigin­ngisamin­nik atoqateqarusut­tar­tut Biibilip najoq­qutas­siaanik maleruaarusut­tut qanorluun­niit us­ser­nar­torsioraluarlutik im­minut naalak­kersin­naasar­put. Ar­naqatimin­nik anguteqatimin­nil­luun­niit atoqateqarusut­tar­tut qaman­nga pisumik Guuti nuan­naar­tik­kusuk­kunik­ku aam­ma im­minut naalak­kersin­naas­sap­put. – 5 Mosesi 30:19.