គេហទំព័រJW.ORG
ការស្វែងរកអត្ថបទជាភាសាផ្សេងៗ
បើលោកអ្នកកំពុងរៀនភាសាមួយ ឬចង់បង្ហាញព័ត៌មានពីគេហទំព័រjw.orដល់អ្នកណាម្នាក់ដែលនិយាយភាសាផ្សេង សូមប្រើវិធីមួយក្នុងចំណោមវិធីបីយ៉ាងដូចខាងក្រោមនេះ ដើម្បីរកអត្ថបទក្នុងភាសាដែលលោកអ្នកចង់រក។
ប្ដូរគេហទំព័រទៅភាសាផ្សេង
ចុចប្រអប់ជម្រើសភាសាដើម្បីឃើញបញ្ជីភាសាដែលមានក្នុងjw.org។
នៅខាងឆ្វេងភាសានីមួយៗមានសញ្ញាខ្លះដូចខាងក្រោម៖
គេហទំព័រនេះឬផ្នែកខ្លះបានត្រូវបកប្រែជាភាសានេះ។ ចុចលើភាសាដើម្បីប្ដូរគេហទំព័រទៅជាភាសានោះ។
ភាសានេះមិនទាន់បកប្រែក្នុងគេហទំព័រនៅឡើយទេ។ ប៉ុន្តែ សៀវភៅផ្សេងៗក្នុងភាសានេះមានសម្រាប់ថតចម្លង។ ចុចលើភាសានេះ ដើម្បីឃើញសៀវភៅផ្សេងៗ។
នេះជាភាសាសញ្ញា។ ភាសាសញ្ញាភាគច្រើននៅក្នុងផ្នែកវីដេអូ។
ចុចលើប្រអប់ដែលមានពាក្យថាបង្ហាញតែភាសាសញ្ញាប៉ុណ្ណោះ។
ដោយសារមានភាសារាប់រយក្នុងបញ្ជីភាសា សូមធ្វើតាមវិធីណាមួយក្នុងចំណោមវិធីដូចតទៅនេះ ដើម្បីលោកអ្នកស្រួលរកឃើញភាសាសញ្ញាដែលលោកអ្នកចង់មើល៖
ជ្រើសរើសភាសាដែលអ្នកចូលចិត្ត៖ នៅផ្នែកខាងលើក្នុងបញ្ជីភាសា លោកអ្នកនឹងឃើញបួនភាសា ដែលលោកអ្នកធ្លាប់បើកពីមុន។
វាយឈ្មោះភាសា វាយតួអក្សរខ្លះនៃឈ្មោះភាសានោះ ជាភាសារបស់លោកអ្នកឬជាភាសានោះតែម្ដង។ ជាឧទាហរណ៍ បើគេហទំព័ររបស់លោកអ្នកជាភាសាខ្មែរ ហើយលោកអ្នកចង់ប្ដូរឲ្យទៅជាភាសាអង់គ្លេស លោកអ្នកអាចវាយ «English»។ កាលដែលលោកអ្នកវាយតួអក្សរនីមួយៗ បញ្ជីភាសានឹងបង្ហាញតែឈ្មោះភាសាដូចអ្វីដែលលោកអ្នកបានវាយចូលប៉ុណ្ណោះ។
បើកគេហទំព័រជាភាសាផ្សេង
វិធីទី១៖ សូមប្រើវិធីនេះក្នុងទំព័រដែលមានភាសាអត្ថបទ។
ដំបូង រកអត្ថបទដែលលោកអ្នកចង់អានឬចង់បង្ហាញដល់អ្នកណាម្នាក់។ បន្ទាប់មក ជ្រើសរើសភាសាណាមួយក្នុងបញ្ជីភាសាអត្ថបទ រួចលោកអ្នកនឹងអាចឃើញអត្ថបទជាភាសានោះ (បើភាសាដែលលោកអ្នកចង់រកមិនមានក្នុងបញ្ជីភាសាអត្ថបទទេ នោះបញ្ជាក់ថាអត្ថបទនោះមិនទាន់បានត្រូវបោះពុម្ពជាភាសានោះនៅឡើយទេ)។
យោបល់៖ ក្នុងបញ្ជីភាសាអត្ថបទ សញ្ញាកាសតូចដែលនៅជាប់ខាងឆ្វេងឈ្មោះភាសា បញ្ជាក់ថាអត្ថបទនោះអាចស្ដាប់ជាសំឡេងបានក្នុងភាសានោះ។
ពេលលោកអ្នកបើកអត្ថបទទៅជាភាសាផ្សេងដោយប្រើបញ្ជីភាសាអត្ថបទ គឺមានតែអត្ថបទនោះប៉ុណ្ណោះដែលបង្ហាញជាភាសានោះ។ ក្រៅពីអត្ថបទនោះ អ្វីផ្សេងៗទៀតនៅតែបង្ហាញជាភាសារបស់លោកអ្នកដដែល។
វិធីទី២៖ បើអត្ថបទដែលលោកអ្នកកំពុងអានគ្មានក្នុងបញ្ជីភាសាអត្ថបទទេ សូមប្រើជម្រើសភាសាដើម្បីប្ដូរគេហទំព័រទៅជាភាសាដែលលោកអ្នកចង់រក។ បើអត្ថបទដែលលោកអ្នកកំពុងអានមានជាភាសាដែលលោកអ្នកបានជ្រើសរើស នោះលោកអ្នកនឹងឃើញអត្ថបទនោះតែម្ដង។ ប៉ុន្តែ បើមិនមានអត្ថបទនោះទេ គេហទំព័រនឹងប្ដូរទៅទំព័រដើមជាភាសាដែលលោកអ្នកបានជ្រើសរើសដោយស្វ័យប្រវត្ដិ។
រកអត្ថបទជាភាសាផ្សេង
ចុចបណ្ណាល័យ។ រួចចុចជ្រើសរើសភាសាក្នុងបញ្ជីភាសា។
ដោយសារមានភាសាជាច្រើននៅក្នុងបញ្ជីភាសា ដូច្នេះដើម្បីងាយស្រួលរកភាសាដែលអ្នកចង់ស្វែងរក សូមវាយឈ្មោះភាសានោះក្នុងភាសាអត្ថបទ។
បើភាសាដែលលោកអ្នកបានជ្រើសរើសមានសៀវភៅជាច្រើន ទំព័របណ្ណាល័យនឹងបង្ហាញសៀវភៅខ្លះៗប៉ុណ្ណោះ។ ដើម្បីរកសៀវភៅបន្ថែមទៀតជាភាសាដែលអ្នកបានជ្រើសរើស សូមចូលទៅទំព័រនៃសៀវភៅផ្សេងៗ (ជាឧទាហរណ៍សៀវភៅផ្សេងៗ ឬទស្សនាវដ្ដី) ដើម្បីរកសៀវភៅផ្សេងៗដែលអ្នកចង់រកជាភាសាដែលអ្នកបានជ្រើសរើស។
បើគ្មានសៀវភៅផ្សេងៗជាភាសាដែលលោកអ្នកបានជ្រើសរើសទេ ទំព័រនោះនឹងបង្ហាញអក្សរពណ៌ខៀវដែលនឹងនាំទៅសៀវភៅផ្សេងៗដែលមានក្នុងភាសានោះ។
