គេហទំព័JW.ORG
របៀបប្រើJW.ORGក្នុងទូរស័ព្ទដៃនិងកុំព្យូទ័របន្ទះស្តើង
គេហទំព័រនិងលក្ខណៈពិសេសទាំងអស់ដែលអាចឃើញតាមកុំព្យូទ័រ ក៏អាចឃើញក្នុងទូរស័ព្ទដៃទំនើបៗ និងកុំព្យូទ័របន្ទះស្តើងដែរ។ ប៉ុន្តែ បញ្ជីរាយនាមទំព័រផ្សេងៗបានត្រូវរៀបចំខុសគ្នាទៅតាមទំហំទូរស័ព្ទដៃ។ ការរៀបចំនេះគឺដើម្បីឲ្យលោកអ្នកប្រើបានស្រួលបំផុត។ ជំនួយក្នុងអត្ថបទខាងក្រោមនេះនឹងជួយលោកអ្នកឲ្យរកឃើញនូវអ្វីដែលលោកអ្នកត្រូវការក្នុងគេហទំព័រjw.org។
ប្រើបញ្ជីរាយនាមទំព័រក្នុងទូរស័ព្ទដៃ
នៅលើអេក្រង់ទំហំធំ ទំព័រដើមតែងតែបង្ហាញបញ្ជីរាយនាមនៅខាងលើបំផុត ហើយពេលចុចលើបញ្ជីរាយនាមទាំងនោះ ទំព័របន្ទាប់នឹងបង្ហាញបញ្ជីរាយនាមទំព័រឯទៀតពីលើចុះក្រោមនៅខាងឆ្វេងនៃអេក្រង់។
ប៉ុន្តែ ចំពោះអេក្រង់ដែលមានទំហំតូចជាង បញ្ជីរាយនាមទំព័រទាំងអស់បង្ហាញពីលើចុះក្រោម។ ម្យ៉ាងទៀត បញ្ជីរាយនាមទាំងនោះបានត្រូវលាក់ ដើម្បីឲ្យលោកអ្នកអាចមើលឃើញព័ត៌មានក្នុងគេហទំព័រកាន់តែច្រើន។
ចុចប្រអប់បញ្ជីរាយនាមដែលនៅខាងឆ្វេងលើអេក្រង់ ដើម្បីបើកឬបិទបញ្ជីរាយនាមទំព័រទាំងនោះ។ រួចចុចឈ្មោះនៃទំព័រណាមួយដើម្បីចូលទៅទំព័រនោះតែម្ដង។
ចុចសញ្ញាព្រួញពង្រីកបញ្ជីដើម្បីបើកបញ្ជីរាយនាមទំព័រនោះ។ រួចចុចឈ្មោះនៃទំព័រណាមួយដើម្បីចូលទៅទំព័រនោះតែម្ដង។
ចុចសញ្ញាព្រួញបង្រួមបញ្ជីដើម្បីបិទបញ្ជីរាយនាមទំព័រនោះ។
ចុចប្រអប់JW.ORGដើម្បីត្រឡប់ទៅទំព័រដើមវិញ។
ចុចសញ្ញាជម្រើសភាសាដើម្បីឃើញបញ្ជីរាយនាមភាសា។
ចុចសញ្ញាស្វែងរកដើម្បីលោកអ្នកអាចប្រើប្រអប់ស្វែងរកក្នុងគេហទំព័រ។
ស្វែងរកអត្ថបទឬជំពូកក្នុងសៀវភៅណាមួយ
នៅលើអេក្រង់ទំហំធំ លោកអ្នកនឹងឃើញបញ្ជីអត្ថបទជានិច្ច ពេលដែលលោកអ្នកអានអត្ថបទឬជំពូកនៃសៀវភៅណាមួយ។ ប៉ុន្តែ នៅលើអេក្រង់ទំហំតូច បញ្ជីអត្ថបទនឹងមិនបង្ហាញនោះទេ។
ចុចប្រអប់សញ្ញាព្រួញចេញដែលនៅខាងក្រោមដើម្បីឃើញបញ្ជីអត្ថបទ។ រួចចុចលើចំណងជើងមួយដើម្បីបើកអត្ថបទឬជំពូកនោះ។
ចុចសញ្ញាព្រួញថយដើម្បីបើកទៅអត្ថបទឬជំពូកមុន។
ចុចសញ្ញាព្រួញបន្ទាប់ដើម្បីបើកទៅអត្ថបទឬជំពូកបន្ទាប់។
ចុចសញ្ញាព្រួញចូលដែលនៅខាងក្រោមដើម្បីបិទបញ្ជីអត្ថបទ ហើយបន្តអានអត្ថបទឬជំពូកដែលលោកអ្នកកំពុងអាន។
ប្រើគម្ពីរតាមអ៊ីនធឺណិត
ចូលទៅ កាន់បណ្ណាល័យ ▸ គម្ពីរតាមអ៊ីនធឺណិតហើយចុចគម្ពីរ។ ឬលោកអ្នកអាចចុចអានគម្ពីរតាមរយៈតំណភ្ជាប់ដែលមាននៅទំព័រដើម។ កំណត់សម្គាល់៖ សូមមើលអត្ថបទ «សម្រាប់សិក្សាគម្ពីរ» បើសិនជាលោកអ្នកប្រើ សេចក្ដីបកប្រែពិភពលោកថ្មីពីបទគម្ពីរបរិសុទ្ធ (សម្រាប់សិក្សា)។
នៅក្នុងប្រអប់ជ្រើសរើសបទគម្ពីរ សូមរើសសៀវភៅមួយនិងជំពូកមួយពីបញ្ជីឈ្មោះសៀវភៅ រួចចុចប្រអប់បើក។
ចុចប្រអប់សញ្ញាព្រួញចេញដែលនៅខាងក្រោមដើម្បីឃើញបញ្ជីអត្ថបទក្នុងគម្ពីរ ព្រមទាំងសេចក្ដីផ្ដើមនិងសេចក្ដីពន្យល់បន្ថែម។
ចុចសញ្ញាព្រួញថយដើម្បីបើកជំពូកមុន។
ចុចសញ្ញាព្រួញបន្ទាប់ដើម្បីបើកជំពូកបន្ទាប់។
ចុចសញ្ញាព្រួញចូលដែលនៅខាងក្រោមដើម្បីបិទបញ្ជីអត្ថបទក្នុងគម្ពីរ។
ស្ដាប់អត្ថបទណាមួយជាសំឡេង
បើអត្ថបទដែលអ្នកកំពុងអានមានជាសំឡេង ទំព័រនោះនឹងបង្ហាញប្រអប់ចាក់សំឡេង។
ចុចសញ្ញាលេងដើម្បីឮអំណានអត្ថបទនោះ។
ចុចសញ្ញាផ្អាកដើម្បីផ្អាកអំណានអត្ថបទ។ រួចចុចសញ្ញាលេងម្ដងទៀតដើម្បីបន្តស្ដាប់អំណានអត្ថបទនោះ។
នៅលើប្រអប់ចាក់សំឡេង មានដុំមូលតូចដែលអាចខារទៅមុខឬទៅក្រោយបាន។
ពេលលោកអ្នកចុចសញ្ញាលេងលើអត្ថបទ ហើយដំណាលគ្នានោះសម្រូតអត្ថបទចុះក្រោម នោះប្រអប់ចាក់សំឡេងនឹងនៅជាប់ខាងលើទំព័រ។ ប្រអប់នោះជួយឲ្យអ្នកស្រួលចុចផ្អាកអត្ថបទនិងចុចស្ដាប់អត្ថបទបន្ត ដោយមិនបាត់កន្លែងដែលលោកអ្នកកំពុងអាន។
