ယဟိဝၤ​ပှၤအုၣ်​အသး​တဖၣ် ဘၣ်​တၢ်​သ့ၣ်ညါ​အီၤ​လၢ အ​တၢ်​စံၣ်တဲၤ​တဲလီၤ​တၢ်မၤ​အဃိ​လီၤ. ဘၣ်ဆၣ်​အဝဲသ့ၣ်​အိၣ်ဒီး တၢ်​မၤလိ​လံာ်စီဆှံ အ​တၢ်ရဲၣ်​တၢ်ကျဲၤ​န့ၣ် မ့ၢ်​န​သ့ၣ်ညါ​စ့ၢ်ကီး​ဧါ.

ဖဲ ၂၀၁၄ နံၣ်​န့ၣ် ယဟိဝၤ​ပှၤအုၣ်​အသး​အဂၤ ၈,၀၀၀,၀၀၀ ဘျဲၣ်​အိၣ်​လၢ​ထံကီၢ် ၂၄၀ ဘ့ၣ်​အ​ပူၤ​န့ၣ်​တလါ​အတီၢ်ပူၤ မၤဝဲ​တၢ်​မၤလိ​လံာ်စီဆှံ​အခါ ၉,၅၀၀,၀၀၀ ဃၣ်ဃၣ်​ကိးလါဒဲး​န့ၣ်​လီၤ. * နီၢ်နီၢ်​န့ၣ် ပှၤ​မၤလိ​လံာ်စီဆှံ​ဒီး​ပှၤ​တဖၣ် အ​နီၣ်ဂံၢ်​န့ၣ်​အါန့ၢ်ဒံး ထံဖိ​ကီၢ်ဖိ​အ​ပှၤ​နီၣ်ဂံၢ်​လၢ ထံကီၢ်​အဘ့ၣ် ၁၄၀ အ​ပူၤ​န့ၣ်​လီၤ.

ဒ်သိး​ပ​က​မၤ တၢ်ဒုး​နၢ်ပၢၢ်​လံာ်စီဆှံ​တၢ်မၤ​အံၤ​အဂီၢ် ကိးနံၣ်ဒဲး​ယဟိဝၤ​ပှၤအုၣ်​အသး​တဖၣ် ထုးထီၣ်​လံာ်​အ​ကကွဲၢ် တ​ကထိ​ယဲၢ်​ကယၤ​လၢ​အမ့ၢ် လံာ်စီဆှံ, လံာ်လဲၢ်, မဲးကစံ ဒီး​လံာ်လဲၢ်​တဖၣ်​လၢ က​ကဲထီၣ်​တၢ်မၤစၢၤ လၢ​တၢ်​မၤလိ​လံာ်စီဆှံ​အဂီၢ်​လီၤ. ဒီး​ပ​ထုးထီၣ်​လံာ်​တဖၣ်​အံၤ​လၢ​ကျိာ် ၇၀ဝ ဃၣ်ဃၣ်​လီၤ. တၢ်​ထုးထီၣ်​လံာ်လဲၢ်​အါ​ထဲ​အံၤန့ၣ် မ့ၢ်​ဒ်သိး​က​မၤစၢၤ ပှၤအဂၤ​လၢ​မၤလိ​လံာ်စီဆှံ လၢ​အ​နီၢ်ကစၢ်​အကျိာ်​က​သ့​အဂီၢ်​လီၤ.

တၢ်​မၤလိ​လံာ်စီဆှံ တၢ်ရဲၣ်​တၢ်ကျဲၤ​န့ၣ် ဘၣ်​တၢ်မၤ​အီၤ​ဒ်လဲၣ်

ပ​ဃုထၢ​တၢ်ဂ့ၢ်​အါမံၤ​လၢ လံာ်စီဆှံ​ပူၤ ဒီး​သမံသမိး​လံာ်စီဆှံ​အဆၢ​လၢ ဘၣ်ထွဲ​ဒီး​တၢ်ဂ့ၢ်​အဝဲ​န့ၣ်​လီၤ. အဒိ လံာ်စီဆှံ​စံးဆၢ တၢ်​သံကွၢ်​တဖၣ်​လၢ​အမ့ၢ်- ယွၤ​မ့ၢ်​မတၤ​တဂၤ​လဲၣ်. ကစၢ်​ယွၤ​မ့ၢ်​ပှၤ​ဒ်လဲၣ်​တဂၤ​လဲၣ်. ကစၢ်​ယွၤ​န့ၣ်​အ​မံၤ​အိၣ်ဧါ. ကစၢ်​ယွၤ​အိၣ်​ဖဲလဲၣ်. ပ​သုးဘူး​ပ​သး​ဆူ ယွၤ​အ​အိၣ်​သ့ဧါ. ပှၤ​ထံၣ်န့ၢ်​တၢ်​စံးဆၢ​တဖၣ်​အံၤ​လၢ လံာ်စီဆှံ​ပူၤ​က​သ့​ဒ်လဲၣ်.

ပှၤ​က​ထံၣ်န့ၢ်​တၢ်​စံးဆၢ​အဂီၢ် အါတက့ၢ်​ပ​သူ​လံာ်​လၢ​အမ့ၢ် လံာ်စီဆှံ သိၣ်လိ​တၢ် နီၢ်နီၢ် မ့ၢ်​မနုၤ​လဲၣ် လၢ​အ​ကဘျံးပၤ​အိၣ်ဝဲ ၂၂၄ န့ၣ်​လီၤ. * လံာ်​အံၤ​ဘၣ်​တၢ်​ကတဲာ်​ကတီၤ​အီၤ​လၢ က​မၤစၢၤ​ပှၤဂၤ ဒ်သိး​ပှၤ​က​နၢ်ပၢၢ်​လံာ်စီဆှံ အ​တၢ်​သိၣ်လိ​တဖၣ်​အဂီၢ်​လီၤ. တၢ်​မၤလိ​တဖၣ်​ပၣ်ဃုာ်ဒီး တၢ်ဂ့ၢ်​လၢ​ဘၣ်ဃး​ဒီး​ယွၤ, ယ့ၣ်ၡူး​ခရံာ်, ပှၤ​ဟီၣ်ခိၣ်​ဖိ တူၢ်ဘၣ်​တၢ်နး​တၢ်ဖှီၣ်​အဂ့ၢ်, တၢ်​ဂဲၤဆၢထၢၣ်​သမူထီၣ်​က့ၤ​အဂ့ၢ်, တၢ်​ထုကဖၣ်​အဂ့ၢ် ဒီး​တၢ်ဂ့ၢ်​အဂၤ​သ့ၣ်​တဖၣ်​န့ၣ်​လီၤ.

 တၢ်​မၤလိ​လံာ်စီဆှံ​န့ၣ် ဘၣ်​တၢ်မၤ​အီၤ လၢ​တၢ်​ဆၢကတီၢ်​ဒီး​တၢ်လီၢ်​ဖဲလဲၣ်

တၢ်​မၤလိ​လံာ်စီဆှံ​န့ၣ် က​ဘၣ်​တၢ်မၤ​အီၤ လၢ​တၢ်​ဆၢကတီၢ်​ဒီး​တၢ်လီၢ် လၢ​ညီ​လၢ​နဂီၢ်​န့ၣ်​လီၤ.

တၢ်​မၤလိ လံာ်စီဆှံ​အဆၢ​ကတီၢ် က​ယံာ်ဝဲ​ထဲလဲၣ်

ပှၤ​အါဂၤ​န့ၣ် မၤလိ​လံာ်စီဆှံ တနွံ​တ​နၣ်ရံၣ်​န့ၣ်​လီၤ. ဘၣ်ဆၣ် တၢ်​မၤလိ​က​ဘၣ်​ယံာ်​ထဲလဲၣ်​န့ၣ် တၢ်​ပာ်ပနီၣ် တၢ်​ဆၢကတီၢ်​တအိၣ်​ဘၣ်. န​မၤလိ​က​ယံာ်ဝဲ​ထဲလဲၣ်​န့ၣ် န​ဃုထၢ​သ့​လီၤ. ပှၤ​တနီၤ မၤလိ​လံာ်စီဆှံ တနွံ​န့ၣ်​ယံာ်ဝဲ​ထဲ ၁ဝ မံးနံး တုၤ ၁၅ မံးနံး​လီၤ.

တၢ်​မၤလိ​လံာ်စီဆှံ​န့ၣ် ဘၣ်​ဟ့ၣ်​အဘူး​အလဲ​ထဲလဲၣ်

တၢ်​မၤလိ​လံာ်စီဆှံ​ဒီး လံာ်လဲၢ်​လၢ​တၢ်​မၤလိ​အဂီၢ်​န့ၣ် တ​လိၣ်​လၢ​န​ဟ့ၣ်​အပှ့ၤ​ဘၣ်. တၢ်အံၤ​လီၤပလိာ်​လိာ်အသး​ဒီး ကစၢ်​ခရံာ် အ​တၢ်ကတိၤ​လၢ​အမ့ၢ် “သု​ဒိးန့ၢ်​က​လီတၢ်​လံ, ဟ့ၣ်ကလီတၢ်​တက့ၢ်” န့ၣ်​လီၤ.—မးသဲ ၁၀:၈.

တၢ်​မၤလိ​န့ၣ် က​ယံာ်​ပှဲၤ​နံၣ် ပှဲၤ​လါ​လဲၣ်

န​က​မၤလိ​ပှဲၤ​နံၣ်​ပှဲၤ​လါ​လဲၣ်န့ၣ် န​ဃုထၢ​သ့​လီၤ. လံာ်​လၢ​အမ့ၢ် လံာ်စီဆှံ သိၣ်လိ​တၢ် နီၢ်နီၢ် မ့ၢ်​မနုၤ​လဲၣ် တဘ့ၣ်​န့ၣ်​တၢ်နီၤဖး​အိၣ်ဝဲ ၁၉ ခါလီၤ. န​မၤလိ​တၢ်နီၤဖး​ခဲလၢာ် မ့တမ့ၢ် တနီၤ​သ့ဝဲ ဖဲ​တၢ်​ဆၢကတီၢ်​လၢ​န​ဟ့ၣ်​သ့​န့ၣ်​လီၤ.

မ့ၢ်​လၢ​ယ​မၤလိ​တၢ်​အဃိ ယ​က​ဘၣ်​ကဲ ယဟိဝၤ​ပှၤအုၣ်​အသး​စ့ၢ်ကီး​ဧါ

တမ့ၢ်​ဘၣ်. ပ​နၢ်ပၢၢ်​လၢ​ပှၤ​တဂၤ​စုာ်စုာ် အိၣ်ဒီး​တၢ်ခွဲး​တၢ်ယာ်​လၢ က​ဃုထၢ​တၢ်​လၢ​က​ဘၣ်​နာ်ဝဲ​န့ၣ်​လီၤ. ဘၣ်ဆၣ်​ပှၤလၢ​အ​သ့ၣ်ညါ​နၢ်ပၢၢ်​အါထီၣ် လံာ်စီဆှံ​န့ၣ် ကြၢး​နာ်ဝဲ​တၢ်မနုၤ​လဲၣ်န့ၣ် ဃုထၢ​ဝဲ​သ့​လီၤ.

 ယ​ဃု​သ့ၣ်ညါ​အါထီၣ် တၢ်ဂ့ၢ်​တၢ်ကျိၤ​က​သ့​ဖဲလဲၣ်

www.ps8318.com/ksw ပှာ်ယဲၤသန့ (Web site) အိၣ်ဒီး​တၢ်ဂ့ၢ်​တၢ်ကျိၤ လီၤတံၢ်​လီၤဆဲး ဘၣ်ဃး​ဒီး ယဟိဝၤ​ပှၤအုၣ်​အသး​တဖၣ် အ​တၢ်နာ်​ဒီး​အ​တၢ်ဖံး​တၢ်မၤ​အဂ့ၢ်​န့ၣ်​လီၤ.

ယ​က​မၤလိ လံာ်စီဆှံ​အဂီၢ် ယ​က​ဘၣ်​ဃ့​ဒ်လဲၣ်

• ကွဲး​တီၣ်ထီၣ်​လံာ်​ဖဲ www.ps8318.com/ksw န့ၣ်​တက့ၢ်.

•  

• န​က​ဆဲးကျိး​ဒီး ယဟိဝၤ​ပှၤအုၣ်​အသး​တဖၣ် လၢ​အ​အိၣ်ဘူး​ဒီး​နၤ​အဂီၢ် န​ကွၢ်ဃု “Jehovah’s Witnesses” ဖဲ​လီတဲစိ​နီၣ်ဂံၢ်​စရီ​သ့ဝဲ​န့ၣ်​လီၤ.