Bumbaki bwa mfumu za guvernema musamu wena wa mu nza yayansoni, wutulumunaka misamu miakaka mia mpasi. a Mu tifwani, mu ntangu ya timbevo coronavirus, mfumu za nsi zazingi bayizi ba kwisila ti mbongo zi beri bukilaka coronavirus beri labaka. Bumbaki bwawu bwakabakasa bantu mu tomo bukusu, mpe bwanata mpasi na lufwa lwa bantu.

 Mpasi zinata bumbaki bwa guvernema zazingi zena. Buna, David Cameron, mfumu ya ntama ya ku Royaume-Unis, watâ: “Bumbaki bwe ntiana musinga wa nkangalabomi—nsi zazansoni ni mô zihatamane.”

 Kâ, tulendi bâ na lukwikulu ti ntamana bumbaki bwabwansoni bwa guvernema mbo buwa. Mu bungu dia nti? Tala misamu mi tâka Bibila, mi yirika Nzambi.

 Bibila, nzonzolo yi ya Nzambi dizonzelaka: “Meno, Yehova, buderede nzololo; bwivi niyinaka na kondo kwa buderede.” b (Izaya 61:8) Bantu bu bamonaka mpasi mu bungu dia bumbaki bwa bantu bakaka, Nzambi wa kamonaka. (Bingana 14:31) Yandi kanisini: “Mu bungu ti bantu bamonaka mpasi baniekonaka, [. . .] Mmeno mbo nitela mu sa tima.”—Mikunga 12:5.

 Ngano Nzambi nti kasa? Kani kasa ti misamu mi yirikaka guvernna miatoma, Yandi mbo kayingasa zo mu guvernema ya Yandi beni, ya ku zulu, yi batâka “Timfumu tia Nzambi.” (Marke 1:14, 15; Matie 6:10) Bibila ditêle: “Nzambi ya ku zulu mbo yizakasa timfumu [. . .] ti tikosakasa bimfumu bio biabiansoni [biakaka] mpe mbo tisukisa bio, mpe tiawu kaka kwa tiyâla ntangu zazansoni.” (Daniele 2:44) Nzambi mbo kasukisa bumbaki bu tumonaka bawu bu.

 Bwe tuzabiri ti guvernema ya Timfumu tia Nzambi ka yisarila bumbaki ko? Tala misamu mita landa.

1.  1. Lutumu. Lutumu lwa Timfumu tia Nzambi kwe Nkwa Ngolo Zazansoni lutûkiri.—Nzabukusu 11:15.

    Mu bungu dia nti we mfunu: Mu sala bubote, guvernema bantu zisikirilaka mu ba baka mbongo. Vula vula, bwivi wutulumunaka, bumbaki, na mayuya. Kâ, Timfumu tia Nzambi, Nzambi ya Nkwa Ngolo Zazansoni yikaka tio moko; buna, ntangu zazansoni mbo tibâ na lenda dia lungisa nsatu za bantu.—Mikunga 145:16.

2.  2. Ntwarisi. Nzambi watumba Yezu Kristo mu bâ Ntwarisi ya Timfumu.—Daniele 7:13, 14.

    Mu bungu dia nti we mfunu: Ni yibâ ntwarisi yiyôkele bubote, mu lutumu lwa ndiatulu ya mbi kwa kabwaka. (Ekleziaste 7:20) Kâ, Yezu wasongla ti ka balendi’â bamuhuna ko. (Matie 4:8-11) Mpe, ntangu zazansoni nkatika luzolo mu bungu dia bantu bandi lumutwarisaka, mpe mbote ya bawu kadingaka.—Mikunga 72:12-14.

3.  3. Misiku. Misiku mia Timfumu tia Nzambi mia lunga miena, mpe mia mitindisaka.—Mikunga 19:7, 8.

    Mu bungu dia nti we mfunu: Misiku mia bantu mpasi miena, dema, mpe ka basarilaka mio bubote ko, ntiangu bumbaki bumonekaka. Ku lweka lwakaka, misiku mia Nzambi salu miena mpe ndandu minataka. (Izaya 48:17, 18) Misiku mio mpe, nsalulu mitalaka na misamu mitulumunaka zo. (Matie 22:37, 39) Diangana, Nzambi lendi zaba misamu mie mu mitima mpe lendi sa ti misiku miango basarila mio na tiari tia mutima.—Yeremi 17:10.

 Tukulombele mu longoka misamu miakaka mitariri kani dia Bibila dia guvernema yikondolo bumbaki yita kwiza.

•   Tanga mutu-diambu wa “Timfumu tia Nzambi—Guvernema ya lembo bumbaki” mu tomo zaba mu bungu dia nti Timfumu tia nzambi tilembo sarila bumbaki.

•   Tala video ya Ngano Timfumu tia Nzambi ni nti? mu tomo zaba misamu mitariri guvernema ya Nzambi, mpe nti yisa mu bungu dia mutoto.

•   Yêla ndongokolo’eto ya Bibila mu mona bwe lendi bakila ndandu mu makani ma Bibila.