Dz’ djolu gble bí kʉ ná ndrŭ tsɨ nanga ndoni ndó politiki dhi lo dho. 2022 na Pew Research Center survey, ne nanga ná lo dhori 19 kʉ ná ngø nǎ ro dada “65% djolu ná bbobbo ndrŭ pori ndima bbá ngø nǎ njonjo kʉ ná politiki nǎ sehemu na gba ndima thó tso ná ndrŭ ro nzɨ rrni sese maddi ndima kana ri.”

 Ni ká njari ni di ná ngana ma politiki dhi lo ndrŭ nanga ndondo i? Ri ká kʉ fø addudho? Fø lo tsotso ká ka ndi koni ddi? Anja Biblia po ná lo.

 Biblia nzingʉe ko di na ná saa “nga sini ná saa,” ndirigoti ri d’rangʉeri bí kʉ ná ndrŭ kʉ na ná nyi ka ndi lieri ri é kpakpa ndrŭ tso gbani ddi.

•   “Nga sini ná saa sie hatari kʉ ná kpakpa tsovedha o ná saa. Dhonalo ndrŭ si ndima ji ndima ro, . . . nzɨ ndima rrni ro.”​—2 Timoteo 3:1-3.

 Nì mai bí kʉ ná ndrŭ kpakpanga nji ndiro ndima kó guvernema tsotso kpa njí ndima dhó njí bblo pli ro, fø ri ro nzɨ njini ri. Njonjo dhó nganjadha kʉ ná ndrŭ rinja ri kʉ kpakpa inga ri nzá ka ndi ka le njinjí ddinga le si kpakaplo d’e ri. Fø ri nǎ ro si ná matokeo ma tso gbani gba Biblia d’rangʉe drrdrr ná lo na.

•   “Ndrŭ pinyo ndrŭ djo ndima vú ná ndrŭ ró d’e.”​—Muhubiri 8:9.

 Ro, Biblia d’ra fø lo ka ndi sini ná chu, fø ri kʉ ddikpa guvernema, i dz’ djó ndrŭ adi nzá ná lo si sisi ná ke chutso ddá ndi dho ro.

 Biblia nzi Yesu Kristo krʉ kʉ ná kpakpalo si si ná ke. Yesu kʉ kpakpanga na, bbonga na, ndirigoti ke jiri ji ndi gba ndrŭ tso ddi ndirigoti ndi bbʉ ngoi ndrŭ krʉ dho.

•   “Kedhó saa na chølo dhi ndrŭ si ddedde tsó bbai, ndirigoti ngoi sie bbo pli.”​—Zaburi 72:7.

•   “Ndrŭ tsɨ krʉ si njínji ke dho.”​—Zaburi 72:11.

 Yesu kʉ kaka chutsoddadha dho ná ke dhonalo ke adi ngaddi nì ndrŭ djo ndirigoti ke jiri ji ndi kó ndrŭ tsotso ko, bbo pli nga kʉ chø ná lo njini ró ná ndrŭ.

•   “Ke si njedha kana ndima tsotsokodha ne ná ndrŭ ma, gʉná dhó hali kʉ ná ndrŭ ma ndirigoti nga tsotso ko ná ndrŭ ro kʉ ná ndrŭ gøgø. Ke si zø be gʉná dhó hali kʉ ná ndrŭ ma, njedha dhi ndrŭ ma na djo ndirigoti ke si njedha dhi ndrŭ gøgø. Ke si kpa gø nzá kpa nzá ná ndrŭ ma, chelo nji kpa ró ná ndrŭ ma na dhó ro.”​—Zaburi 72:12-14.

 Achulo bbo Mungu dhó Pidhinga, Yesu chutso ddá dho ná ra nǎ guvernema djo. Anja ngbaribbai ma, ni ka ni ba faida ri nǎ ro ndirigoti ni ka ni kó fø Pidhinga tsotso nari.

•   Anja ɨ djǒ ri po ná video Mungu dhó Pidhinga ká kʉ addu?

•   Azø ɨ djǒ ri po ná lo “Ufalme wa Mungu​—Serikali Yenye Haina Rushwa.”