“ປະກາດຂ່າວດີ!”
ການປະຊຸມໃຫຍ່ຂອງພະຍານພະເຢໂຫວາປີ 2024
ເຂົ້າຮ່ວມຟຣີ • ບໍ່ມີການແຜ່ເງິນ
ຈຸດເດັ່ນໃນລາຍການ
ວັນສຸກ: ເຮົາຈະໄດ້ເຫັນວ່າຂ່າວດີກ່ຽວກັບພະເຢຊູມີການຂຽນຢ່າງຖືກຕ້ອງແນວໃດໃນປຶ້ມຂ່າວດີທີ່ພວກອັກຄະສາວົກຂຽນ ແລະຈະໄດ້ຮູ້ວ່າເລື່ອງເຫຼົ່ານີ້ເປັນປະໂຫຍດກັບເຮົາໃນທຸກມື້ນີ້ແນວໃດ.
ວັນເສົາ: ມີຄຳພະຍາກອນຫຍັງແດ່ທີ່ເວົ້າເຖິງການເກີດຂອງພະເຢຊູແລະຕອນທີ່ເພິ່ນຍັງນ້ອຍ? ແລະຄຳພະຍາກອນເຫຼົ່ານີ້ເກີດຂຶ້ນແທ້ແນວໃດ?
ວັນອາທິດ: ຄຳບັນລະຍາຍເລື່ອງ “ເປັນຫຍັງເຮົາຈຶ່ງບໍ່ຢ້ານຂ່າວຮ້າຍ!” ຈະຊ່ວຍໃຫ້ເຫັນເຫດຜົນທີ່ຫຼາຍລ້ານຄົນຍັງສາມາດຮູ້ສຶກປອດໄພແລະໝັ້ນຄົງໄດ້ທັງໆທີ່ໂລກນີ້ກຳລັງຊົ່ວຮ້າຍຂຶ້ນເລື້ອຍໆ.
ລະຄອນ
ຂ່າວດີທີ່ພະເຢຊູປະກາດ: ຕອນ 1
ຄວາມສະຫວ່າງແທ້ຂອງໂລກ
ການມາເກີດຢ່າງອັດສະຈັນຂອງພະເຢຊູເປັນເຫດການທີ່ໜ້າຕື່ນເຕັ້ນແທ້ໆແລະບໍ່ພຽງແຕ່ເທົ່ານັ້ນ ຕອນທີ່ພະເຢຊູຍັງນ້ອຍກໍຍັງມີເຫດການອື່ນໆທີ່ໜ້າສົນໃຈນຳອີກ. ພໍ່ແມ່ຂອງພະເຢຊູຕ້ອງພາເພິ່ນໜີໄປເອຢິບຍ້ອນກະສັດທີ່ໂຫດຮ້າຍຕ້ອງການຈະຂ້າເພິ່ນ. ຕໍ່ມາ ເພິ່ນກໍເຮັດໃຫ້ພວກອາຈານທີ່ໃຫຍ່ທີ່ສຸດໃນສະໄໝນັ້ນຮູ້ສຶກງຶດຫຼາຍ. ເຮົາຈະໄດ້ເບິ່ງເຫດການເຫຼົ່ານີ້ແລະເຫດການອື່ນໆຈາກວິດີໂອ 2 ສ່ວນໃນການປະຊຸມວັນສຸກແລະວັນເສົາ.
ເບິ່ງວິດີໂອທີ່ກ່ຽວກັບປະຊຸມໃຫຍ່ປີນີ້
ພວກເຮົາເຮັດຫຍັງຢູ່ການປະຊຸມພາກ?
ເບິ່ງວ່າເຈົ້າຈະໄດ້ປະໂຫຍດຫຍັງແດ່ຈາກການປະຊຸມໃຫຍ່ຂອງພະຍານພະເຢໂຫວາ.
ການປະຊຸມໃຫຍ່ຂອງພະຍານພະເຢໂຫວາປີ 2024: “ປະກາດຂ່າວດີ!”
ເບິ່ງວ່າເຮົາຈະໄດ້ຮັບປະໂຫຍດຫຍັງແດ່ຈາກການປະຊຸມປີນີ້.
ຕົວຢ່າງລະຄອນ: ຂ່າວດີທີ່ພະເຢຊູປະກາດ
ຫຼາຍຄົນຮູ້ດີກ່ຽວກັບການມາເກີດຢ່າງອັດສະຈັນຂອງພະເຢຊູ. ແຕ່ເຫດການທີ່ໜ້າຕື່ນເຕັ້ນກ່ອນໜ້ານັ້ນແລະຫຼັງຈາກນັ້ນເດເປັນແນວໃດ?