Litaba Za Ku Nyakisisa Ni Lubasi Lwa Mina

Ki Lika Mañi ze Tondahala Mwa Maswaniso A?

Mu bale Liproverbia 18:10 ni 26:17, Bibele ye Kenile, Hatiso ya 1984. Cwale ha mu talime fa maswaniso a bonisizwe. Ki lika mañi ze tondahala mwa maswaniso ao? Mu ñole likalabo za mina mwa milaini ye kwatasi. Mu ngungahanye tundolindoli to tu mwa maswaniso a bonisizwe kuli mu feleleze ku swanisa maswaniso ao, mi hasamulaho mu a pende.

1. ․․․․․

2. ․․․․․

[Maswaniso]

(Mu Bone Hatiso)

LITABA ZA KU AMBOLISANA:

Mu itutañi kwa litimana ze latelela? Kana ku ziba feela libizo la Mulimu kwa kona ku tusa mutu ku amuhelwa ki yena?

TABA: Mu bale Samu 91:2; Liproverbia 3:5, 6.

Ki kabakalañi ha mu swanela ku ambuka ku ikenyanga mwa litaba za ba bañwi?

TABA: Mu bale Magalata 6:5-7; 1 Matesalonika 4:11; 1 Pitrosi 4:15.

Cwale mu bale Liproverbia 26:18, 19. Kana ku ezanga lishea le li utwisa ba bañwi maswabi ki mukwa o munde wa ku bapala ka ona?

TABA: Mu bale Liproverbia 14:13; 15:21; Mateu 7:12.

ZA KU EZA SINA LUBASI:

Mu bale hamoho Liproverbia 31:10-31. Yo muñwi mwa lubasi a likanyise misebezi ye miñwi ya musali ya sepahala ye talusizwe mwa liñolo leo, mi a eze cwalo a sa buleli. Ba bañwi kaufela mwa lubasi ba swanela ku lika ku ziba misebezi ya sweli ku likanyisa silama wa lubasi yo. Mu ambolisane ka za misebezi ye mu kona ku ituta ilikuli mu be batu ba miswalo.

 Mu Buluke Makadi A mi mu Itute

Mu pume, mu pute fahali, mi mu buluke

KADI YA BIBELE 7 PITROSI

LIPUZO

A. Ki kabakalañi Pitrosi ha naa kalile ku tiba?

B. Kana taba ye i nepahezi kamba ha i si ka nepahala? Pitrosi naa li mutu wa likwasha.

C. Ba bahulu ba bulapeli ha ne ba bulelezi baapositola kuli ba tuhele ku luta, Pitrosi ni baapositola ba bañwi ne ba alabile kuli: “Ki swanelo kuli . . . ”

[Chati]

4026 B.C.E. 1 C.E. 98 C.E.

Fa bupelwa Adama Naa pilile mwa lilimo Buka ya mafelelezo

za mwanda wa pili C.E. mwa Bibele ya fezwa ku

ñolwa

[Mapa]

Naa pilile mwa Betsaida ni mwa Kapernauma

GALILEA

Kapernauma

Betsaida

Liwate la Galilea

PITROSI

ZA BUPILO BWA HAE KA BUKUSWANI

Naa li ndui ya naa beleka ka taata ili ya naa bile yo muñwi wa balutiwa ba Jesu ba pili-pili. Jesu naa ketile Pitrosi ku ba yo muñwi wa baapositola ba hae ba 12, ili ba naa lumile mwa musebezi wa ku kutaza. Mwa Libuka za Evangeli zee ne ku na ni manzwi a mañata a Pitrosi ku fita a muapositola ufi kamba ufi. Jehova naa itusisize Pitrosi ka nzila ye makaza mwa musebezi wa ku kutaza ni ku ‘tiisa banabahabo yena,’ kamba mizwale ba hae.—Luka 22:32; Mareka 3:13-19.

LIKALABO

A. Naa kalile ku ikalelwa.—Mateu 14:28-31.

B. Ha i si ka nepahala.—Mareka 1:29-31; Joani 1:42; 1 Makorinte 9:5.

C. “. . . lu utwe Mulimu ku fita batu.”—Likezo 5:18, 27-29.

KADI YA BIBELE 8 EZEKIASI

LIPUZO

A. Ezekiasi naa na ni lilimo ze kai ka nako ya naa bile mulena wa Juda?

B. Jehova naa ezize makazo ya ku ekeza kwa mazazi a bupilo bwa Ezekiasi ka lilimo ze kai?

C. Mu ñole palo ye tondahala mwa mulaini o latelela. Kabakala litapelo za Ezekiasi ni busepahali bwa hae, Jehova naa lumile lingeloi ku yo bulaya masole ba Maasirya ba ba fita fa palo ye eza ______.

[Chati]

4026 B.C.E. 1 C.E. 98 C.E.

Fa bupelwa Adama Naa pilile mwa lilimo Buka ya mafelelezo

za ma-700 B.C.E. mwa Bibele ya fezwa ku

ñolwa

[Mapa]

Naa pilile mwa Jerusalema

ASIRYA

Jerusalema

EZEKIASI

ZA BUPILO BWA HAE KA BUKUSWANI

Naa li mulena ya sepahala ili ya naa lukisize tempele ya Mulimu ni ku i kwalulula hape, naa sinyize lika ze ne itusiswa mwa bulapeli bwa buhata, mi naa susuelize batu kuli ba eze Paseka. (2 Malena 18:4; 2 Makolonika 29:3; 30:1-6) Ku si na taba ni mutala o maswe wa ndatahe, Mulena Akazi, Ezekiasi yena “a kumalela Muñaa Bupilo.”—2 Malena 18:6.

LIKALABO

A. Naa na ni lilimo ze 25.—2 Malena 18:1, 2.

B. Ka lilimo ze 15.—2 Malena 20:1-6.

C. 185,000.—2 Malena 19:15, 19, 35, 36.

Mwa kona ku hatisa mapampili a mañwi mwa puo ya Sikuwa a na ni kalulo ya “Litaba za ku Nyakisisa ni Lubasi Lwa Mina” fa Web site ya fa Intaneti ya www.ps8318.com

● Likalabo za kalulo ya “LITABA ZA KU NYAKISISA NI LUBASI LWA MINA” li fa likepe 24

 LIKALABO ZA LIPUZO ZE FA LIKEPE 30

1. Ndu ya masabelo ye tiile.

2. Nja.