28 AOGOSITRA 2020
KOREA ATSIMO
Izay Vao Nisy Oram-be Hoatr’izany Tany Korea Atsimo, ary Tena Nandravarava Ilay Izy
Toerana
Korea Atsimo
Zava-nitranga
Avy be ny orana tany Korea, sady izay vao nisy orana naharitra ela be hoatr’izany tany
Nahatonga tondra-drano ilay izy, ka be dia be ny zavatra simba sy ny tany nihotsaka
Vokatr’ilay izy tamin’ny mpiara-manompo
Mpitory 16 no nafindra toerana vonjimaika
Zavatra Simba
Trano 30 no simba
Efitrano Fanjakana 19 no simba
Fanampiana Tra-boina
Nanangana Komitin’ny Vonjy Rano Vaky (KVRV) telo ny sampan’i Korea
Miara-miasa amin’ny anti-panahin’ny fiangonana ny KVRV sy ny mpiandraikitra ny faritra mba hanampiana ny mpiara-manompo tra-boina
Efa mandeha izao ny fanadiovana sy ny fanamboarana ny trano sy ny Efitrano Fanjakana simba
Fitantarana
Mipetraka any Gurye ny Rahalahy Min-seong Lee sy ny vadiny. Anisan’ny tanàna be tra-boina indrindra izy io. Tondraky ny rano ny tranon’izy mivady, dia tsy maintsy niala tao haingana ry zareo. Tavela tao daholo ny fananany. Rehefa nanomboka ny fanampiana tra-boina, dia nisy solontenan’ny KVRV nanadio ny tranon-dry zareo. Nomen’izy ireo an’izay tena nilainy koa izy mivady. Niezaka koa ny rahalahy anisan’ny KVRV mba hampionona sy hampahery azy mivady tamin’ny alalan’ny Baiboly. Izao no nolazain’ny Ranabavy Lee momba ny fanampiana rehetra azony: “Tena mankasitraka an-dry zareo aho. Nahavariana ny zavatra nataony. Nataony hoatran’ny hoe ny tranony mihitsy ilay simba sy nila nokarakaraina. Marina hoe be dia be ny fananako very, fa mbola be dia be lavitra noho izany izao ny zavatra azoko.”
Faly isika fa mbola mikarakara an’ireo rahalahy sy anabavintsika any Korea foana i Jehovah, ilay “Andriamanitry ny fampiononana rehetra,” amin’izao fotoan-tsarotra izao.—2 Korintianina 1:3, 4.