5 JOLAY 2019
PORTOGALY
Lisbonne, Portogaly: Fivoriambe Iraisam-pirenena 2019 hoe “Tsy ho Levona Mandrakizay ny Fitiavana”!
Daty: 28-30 Jona 2019
Toerana: Kianja Sport Lisboa e Benfica any Lisbonne, any Portogaly
Fiteny: Anglisy, espaniola, portogey (Portogaly), tenin’ny tanana portogey
Tampon’isan’ny mpanatrika: 63390
Tontalin’ny natao batisa: 451
Solontena avy any ivelany: 5300
Sampana nasaina: Amerika Afovoany, Angola, Aostralazia, Brezila, Espaina, Etazonia, Ghana, Inde, Kanada, Mozambika, Sénégal, Venezoelà
Fitantarana: Anisan’ny mpamily ny bisy nitondra an’ireo vahiny nitsangantsangana Atoa Santos. Nanasa azy hanatrika fivoriambe ilay mpitarika ny vahiny. Namaly izy hoe: “Ho avy aho! Milamin-tsaina be mihitsy aho hatramin’izay niarahako niasa taminareo izay. Tsy haiko hoe inona no mahatonga an’izany fa tena milamin-tsaina aho miaraka aminareo. Efa any amin’ilay kianja ihany aho mandritra ny andro, dia aleoko manatrika an’ilay fivoriambe.” Nilaza Atoa Santos hoe tiany be ilay fandaharana. Mipetraka any ambanivohitr’i Lisbonne izy, ary nifankahita tamin’ny rahalahy mipetraka any akaikin-dry zareo, tao amin’ilay fivoriambe. Nanaiky izy hoe hotsidihin’io rahalahy io rehefa tafody.
Mpiara-manompo miarahaba tonga soa an’ireo vahiny vao tonga eny amin’ny seranam-piaramanidina
Vahiny manao fitsidihana manokana ao amin’ny biraon’ny sampan’i Portogaly
Manao ny lahateny famaranana ny zoma ny Rahalahy Geoffrey Jackson, anisan’ny Filan-kevi-pitantanana
Mpanatrika manao hira amin’ny tenin’ny tanana portogey
Anabavy iray anisan’ireo natao batisa
Ankizivavikely maka sary eo akaikin’ny sarin’i Kaleba sy Sofia
Manao ny hira farany amin’ny fivoriambe ny vahiny
Manofahofa tanana amin’ny mpanatrika ny mpanompo manontolo andro manokana avy any an-tany hafa, eo am-pifaranan’ny fivoriambe
Miaraka manao fampirantiana amin’ny rahalahy eo an-toerana ny vahiny
Dihy nentim-paharazana ho an’ny vahiny
Manofahofa tanana amin’ny mpanatrika ny rahalahy sy anabavy nanao fampisehoana tamin’ny korana takariva