Ohabolana 21:1-31
21 Hoatran’ny renirano eo an-tanan’i Jehovah ny fon’ny mpanjaka,+
Ka aviliny hankany amin’izay tiany.+
2 Heverin’ny olona hoe mety daholo izay ataony,+Fa i Jehovah kosa mandinika ny fo.*+
3 Ny manao ny rariny sy ny hitsiny,No tian’i Jehovah kokoa noho ny manao sorona.+
4 Ny maso mianjonanjona* sy ny fo mirehareha no jiro manazava ny ratsy fanahy,Ary fahotana daholo izany.+
5 Mandamina mialoha an’izay hataony ny mazoto, ka mahomby,*+Fa hahantra kosa izay rehetra maimaika.+
6 Ny harena azo amin’ny lainga,Dia toy ny zavona miserana sy fandrika mahafaty.*+
7 Ny herisetra ataon’ny ratsy fanahy no haharingana azy,+Satria tsy mety manao ny rariny izy.
8 Miolakolaka ny lalan’ny olo-meloka,Fa manao izay mahitsy kosa ny olona tsy manan-tsiny.+
9 Aleo mipetraka eny an-joron’ny tafontrano,Toy izay miray trano amin’ny vehivavy tia ady.*+
10 Ny ratsy foana no tian’ny ratsy fanahy,+Ary tsy mba mangoraka ny namany izy.+
11 Ho hendry kokoa izay mbola tsy dia nahita fiainana,* rehefa sazina ny mpanesoeso,Ary hahazo fahalalana* ny hendry rehefa lasa lalin-tsaina.+
12 Dinihin’Ilay Marina ny ankohonan’ny ratsy fanahy,Ka ataony mahita loza.+
13 Izay manampin-tsofina tsy hihaino ny fitarainan’ny mahantra,Dia tsy hohenoina koa rehefa miantso.+
14 Mampitony hatezerana ny fanomezana omena mangingina,+Ary mampitony an’izay tezitra be ny kolikoly atao ao amin’ny miafina.*
15 Mahafaly ny olo-marina ny manao ny rariny,+Fa maharikoriko an’izay zatra manao ratsy kosa izany.
16 Izay miala amin’ny lalan’ny fahiratan-tsaina,Dia hiala sasatra miaraka amin’ireo maty tsy mahavita na inona na inona.+
17 Hahantra izay tia miala voly,*+Ary tsy hanan-karena izay tia divay sy menaka.
18 Ny ratsy fanahy no omena hanavotana ny olo-marina,Ary ny mpivadika no hatao solon’ny olo-marina.+
19 Aleo mipetraka any an-tany efitra,Toy izay miray trano amin’ny vehivavy tia ady* sady kizitina.+
20 Harena sarobidy sy menaka no hita ao an-tranon’ny hendry,+Fa ny adala kosa mandanilany* ny fananany.+
21 Izay miezaka hanao ny marina foana sy ho be fitiavana ary tsy hivadika,Dia hahazo fiainana sy fahamarinana ary voninahitra.+
22 Vitan’ny hendry ny mananika* ny tanànan’ny olona matanjaka,Sy mamotika ny fiarovana mafy itokisan’izy ireny.+
23 Miaro ny tenany tsy hidi-kizoNy olona mitandrina an’izay lazain’ny vavany.+
24 Olona mirehareha sy sahisahy ratsy ary mizahozahoNo iantsoana an’izay tsy mba mandinika fa sahisahy loatra.+
25 Ny zavatra irin’ny kamo no hahafaty azy,Satria tsy mety miasa izy.+
26 Mitsiriritra foana izy tontolo andro,Fa ny olo-marina kosa manome foana sady tsy kahihitra.+
27 Efa maharikoriko ny sorona ataon’ny ratsy fanahy,+
Mainka moa raha hoe mitetika hanao ratsy izy* rehefa manolotra an’izany!
28 Ho faty ny vavolombelona mandainga,+Fa izay mihaino kosa no hahomby rehefa mijoro ho vavolombelona.*
29 Sahisahy ratsy ny ratsy fanahy,+Fa ny olona manao izay mahitsy kosa no mandeha amin’ny lalana* azo antoka.+
30 Tsy misy fahendrena na fahaiza-mandinika na torohevitra mahatohitra an’i Jehovah.+
31 Voaomana hampiasaina amin’ny andron’ny ady ny soavaly,+Fa avy amin’i Jehovah kosa ny famonjena.+
Fanamarihana
^ Na: “antony anaovany zavatra.”
^ Na: “miavonavona.”
^ Na: “mahazo tombony.”
^ Na mety hoe “zavona miserana ho an’izay te ho faty.”
^ Na: “vady mimenomenona lava.”
^ Na: “izay tanora fanahy.”
^ Na: “hahafantatra an’izay tokony hataony.”
^ Abt: “kolikoly eo an-tratra.”
^ Na: “tia fahafinaretana.”
^ Na: “vady mimenomenona lava.”
^ Abt: “mitelina.”
^ Na: “mandresy.”
^ Na: “hoe mahamenatra ny fitondran-tenany.”
^ Abt: “no hiteny mandrakizay.”
^ Na: “no manao ny lalany ho.”
