TANY SY MPONINA
Fitsidihana An’i Indonezia
FITAMBARANA nosy 17 000 eo ho eo i Indonezia. Miavaka ny mponina eto satria tena sariaka, manam-paharetana, mahalala fomba, ary tia mandray vahiny.
Vary sy laoka ary voankazo no sakafon’izy ireo. Asiany zavamanitra mampahatsiro sakafo ny laoka matetika. Eo ambony tsihy ny mpianakavy any amin’ny faritra sasany no misakafo, ary mihinam-bary amin’ny tanana ry zareo. Maro ny Indonezianina milaza fa matsiro kokoa ny sakafo hanina amin’ny tanana.
Be mpitia ny voankazo durione (karazana ampalibe kely) na dia mahery fofona aza. Malemilemy mantsy ny nofony sady matsiro be
Tia zava-kanto sy dihy ary mozika ny Indonezianina. Mampiavaka an-dry zareo ny zavamaneno antsoina hoe anklong. Volotsangana maromaro alahatra sy ahantona amin’ny tsivalan-kazo izy io, ary mamoaka feo isan-karazany rehefa ahetsiketsika. Tsy maintsy mahay manetsiketsika ny azy ara-potoana ny mpilalao maromaro mba hamoahana mozika mahafinaritra.
Io no lehibe indrindra amin’ny karazana rajako mipetraka eny ambony hazo. Fahita any amin’ny ala tropikalin’i Sumatra sy Bornéo izy ireo. Mety hahatratra 90 kilao ny lahy ary mety hahatratra roa metatra sy sasany latsaka kely ny halavan’ny tanany roa raha atambatra
Nanjaka teto Indonezia ny Hindoisma sy ny Bodisma, talohan’ny taonjato faha-15. Nahazo vahana indray ny Silamo taloha kelin’ny taonjato faha-16. Tonga nitady zavamanitra mampahatsiro sakafo ny Eoropeanina tamin’ny taonjato faha-16, ary nitondra ny Fivavahana Kristianina.
Ny asa fampianarana Baiboly no ahafantarana ny Vavolombelon’i Jehovah eran-tany. Nitory teto izy ireo nanomboka tamin’ny 1931. Misy Vavolombelona 22 000 mahery izao eto, ary miezaka mitory amin’ny marenina izy ireo. Nanao fivoriana manokana tamin’ny tenin’ny tanana ny Vavolombelon’i Jehovah, vao haingana, mba hahatsiarovana ny nahafatesan’i Jesosy Kristy. Nisy 500 mahery ny mpanatrika.
Avoaka amin’ny fiteny 98 izao ny Mifohaza! ary anisan’izany ny teny bahasa indonezia
Mety ho Tianao Koa
MIFOHAZA!
Fitsidihana An’i Nouvelle-Zélande
Mahatratra telo tapitrisa isan-taona ny mpizaha tany any, na dia mitokana aza ilay firenena. Fa inona no mahaliana azy ireo any?
MIFOHAZA!
Fitsidihana An’i Kazakhstan
Mpifindrafindra monina ny Kazakh fahiny, ary nipetraka tao anaty tranolay yourte. Mbola hita amin’ny fomba fiainan’ny olona any ny fomba amam-panaon’ny razambeny.
MIFOHAZA!
Fitsidihana An’i Espaina
Misy faritra samihafa sy olona isan-karazany any Espaina. Misy karazan-tsakafo iray koa tena mampiavaka azy, satria izy no firenena mpamokatra azy io eran-tany.
MIFOHAZA!
Fitsidihana An’i Kirghizistan
Malaza ho tia mandray vahiny sy manaja olona ny mponina any Kirghizistan. Ho hitanao ato ny fombafomban’izy ireo.
MIFOHAZA!
Fitsidihana An’i Liechtenstein
Inona no itiavan’ny mpizaha tany mankany amin’io firenena kely io, na fahavaratra na ririnina?
MIFOHAZA!
Fitsidihana An’i Ouzbékistan
Fantaro bebe kokoa ny momba an’i Ouzbékistan. Anisan’izany ny hoe niovaova foana ny abidy nampiasaina tany.
