Yehova haavaha apinaatamu ilapo. Iyo itthokweehu. Coo, nlopwana ni nthiyana oopacera uthelana, Atamu ni Hawa, khayumpiye wiira akhale wiirimu—Nluku ahumpa malaikha wiira akhale wiirimu. (Jó 38:4, 7) Nluku ahoweesa apinaatamu oopacera wapeephoni woorera yeehaniya ijardim yo Eden. (Uphattuwaca 2:15-17) Yehova ahaavaha ayo ni ucuulwaaya wohoolo nroromelo nookhalana ukumi woohimala nlaponi.​—Usome Isaalimu 37:29; 115:16.

Wowancera, ijardim yo Eden paahi phaari Ipheephoni. Nlopwana ni nthiyana yaapacenre uthelana yahaana acarihaka ucuulwaaya nlaponi moothene. Nuuhoolo, yaarwa utafiti ilapo yoothene, mpaka waakookhalaaya Ipeephoni. (Uphattuwaca 1:28) Ilapo khinhala utankuliya hataa vakani. Iyo inhala ukhala itthoko yaapinaatamu mpaka.​—Usome Isaalimu 104:5.

Atamu ni Hawa khaamwiwelenle Nluku, phimaana Yehova ahoomola ujardim. Ipeephoni ihorimeelihiya ni khaavo nkhitiri urehelelaca. Ibiiblya inhimya: “Ilapo vahiyee ntakhali mmatataniwawe.”​—Jó 9:24.​—Usome Uphattuwaca 3:23, 24.

Niireke wiira Yehova hovonya yaapheelenlyaawe waapankela apinaatamu? Mena! Uyo nakuru-coothene; Khanoocela. (Isaiya 45:18) Nluku naahala upanka wiira khula ikhapila yaapinaatamu ihokoleele ukhala caapheenlyaawe.​—Usome Isaalimu 37:11, 34.

Ipeephoni inhala ureheleliya nlaponi uwakathi Yesu nhalaawe ukhala Mwene oothanliya ni Nluku. Ukhottoni uneehaniya Harmacetom, Yesu nhala uhoolela malaikha  wiira aatankanye atthu oothene anontapanana Nluku, Yesu naahala untthuka Sotwani myakha 1.000. Nloko na Nluku nnaarwaa woopwa nlattu wiira Yesu nkookhala naayo ni nokowaasunka. Ayoca ankoolawa ukumi woohimala upeephoni wa laponi vaava.​—Usome Apokalipise 20:1-3; 21:3, 4.

Nluku nkoomaliha yaakhani cootakhala nlaponi? Yesu ahovaha “nthoonyihero” naahala uthoonyera wiira ukhicera urii wakhiviru. Makhalelo arivo ntuniyani phiyaru, anawoopopiha ukumi waapinaatamu ni anthoonyera wiira nirii “wuumaleloni wo ulumwenku wo citthu.”​—Unsome Matewus 24:3, 7-14, 21, 22.

Ukathi umwenyaawe wo wiirimu unhalaaya uhoolela ilapo myakha 1.000, Yesu naahala umaliha uhuva woothene. (Isaiya 9:6, 7; 11:9)Hataa akhalaka Mwene, Yesu nkookhala-tho Namakukuttha Muulupale otampi ni naarwa umaliha matampi aatthu anonfenta Nluku. Coo, Nluku nkonvaha Yesu ikuru yoomaliha iretta, wuuluvala ni ukhwa.​—Unsome Isaiya 25:8; 33:24.

Atthu anontthunela Nluku phankokhala upeephoni. (1 Joau 2:17) Yesu ahaaruma eetthucyaawe waapheelaca atthu ootthuna uhimeriya wiira yeetthucihe upanka impheelaawe Nluku. Mahuku olelo, Yehova nawaatthenkaca atthu imiliyawucene anrwaa ukhala upeephoni watuniyani. (Sofoniya 2:3) Nsalaoni co Umwene co Masaahiti a Yehova, atthu anawiitthuca ukhala atheli, anantheliya, ni anamayara omaana. Asaana ananlompa Nluku wamoca naasipaapaaya ni anawiitthuca mananna oophwanyera ifaita ihapari comaana ca Nluku.​—Unsome Mikeya 4:1-4.