സത്യമാ​യി: ഗ്രീക്കിൽ അമീൻ. “അങ്ങനെ​യാ​കട്ടെ,” “തീർച്ച​യാ​യും” എന്നൊക്കെ അർഥമുള്ള ആമേൻ എന്ന എബ്രാ​യ​പ​ദ​ത്തി​ന്റെ ലിപ്യ​ന്ത​രണം. ഒരു പ്രസ്‌താ​വ​ന​യോ വാഗ്‌ദാ​ന​മോ പ്രവച​ന​മോ ഉച്ചരി​ക്കു​ന്ന​തി​നു മുമ്പ്‌ യേശു പലപ്പോ​ഴും ഈ പദം ഉപയോ​ഗി​ച്ചി​ട്ടുണ്ട്‌. പറയുന്ന കാര്യങ്ങൾ തികച്ചും സത്യവും ആശ്രയ​യോ​ഗ്യ​വും ആണെന്നു കാണി​ക്കാ​നാ​യി​രു​ന്നു ഇത്‌. വിശു​ദ്ധ​ലി​ഖി​ത​ങ്ങ​ളിൽ “സത്യമാ​യും” (അമീൻ) എന്ന പദം ഈ രീതി​യിൽ ഉപയോ​ഗി​ച്ചതു യേശു മാത്ര​മാ​ണെന്നു പറയ​പ്പെ​ടു​ന്നു. യോഹ​ന്നാ​ന്റെ സുവി​ശേ​ഷ​ത്തിൽ ഉടനീളം മൂലഭാ​ഷ​യിൽ ഈ പദം അടുത്ത​ടുത്ത്‌ ആവർത്തിച്ച്‌ (അമീൻ അമീൻ) ഉപയോ​ഗി​ച്ചി​രി​ക്കു​ന്നു. അതിനെ മിക്കയി​ട​ങ്ങ​ളി​ലും “സത്യം​സ​ത്യ​മാ​യി” എന്നാണു പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌.​—യോഹ 1:51.

ദാനം: കാലങ്ങ​ളാ​യി “ദാനധർമം” എന്നു പരിഭാ​ഷ​പ്പെ​ടു​ത്തി​യി​ട്ടുള്ള എലെയീ​മൊ​സു​നേ എന്ന ഗ്രീക്കു​പ​ദ​ത്തി​നു “കരുണ,” ”കരുണ കാണി​ക്കുക” എന്നിവ​യു​ടെ ഗ്രീക്കു​പ​ദ​ങ്ങ​ളു​മാ​യി ബന്ധമുണ്ട്‌. ദരി​ദ്രർക്ക്‌ ആശ്വാ​സ​മാ​യി പണമോ ആഹാര​മോ സൗജന്യ​മാ​യി കൊടു​ക്കു​ന്ന​തി​നെ​യാണ്‌ ഇതു സൂചി​പ്പി​ക്കു​ന്നത്‌.

കാഹളം ഊതുക: ഇതു ശ്രദ്ധ ആകർഷി​ക്കു​മാ​യി​രു​ന്നു. തെളി​വ​നു​സ​രിച്ച്‌ കാഹളം ഊതുക എന്ന്‌ ഇവിടെ പറഞ്ഞി​രി​ക്കു​ന്നത്‌ ആലങ്കാ​രി​കാർഥ​ത്തി​ലാണ്‌. ഒരാൾ താൻ ചെയ്യുന്ന ദാനധർമങ്ങൾ പരസ്യ​മാ​ക്ക​രുത്‌ എന്നാണ്‌ ഇതു സൂചി​പ്പി​ക്കു​ന്നത്‌.

കപടഭക്തർ: ഇവിടെ കാണുന്ന ഹുപ്പൊ​ക്രി​റ്റീസ്‌ എന്ന ഗ്രീക്കു​പദം ആദ്യം ഗ്രീക്കു​കാ​രു​ടെ (പിന്നീട്‌ റോമാ​ക്കാ​രു​ടെ​യും) നാടക​വേ​ദി​ക​ളിൽ വലിയ മുഖം​മൂ​ടി​കൾ ധരിച്ച്‌ എത്തുന്ന അഭി​നേ​താ​ക്കളെ കുറി​ക്കാ​നാണ്‌ ഉപയോ​ഗി​ച്ചി​രു​ന്നത്‌. ശബ്ദത്തിന്റെ തീവ്രത കൂട്ടാൻവേ​ണ്ടി​യു​ള്ള​താ​യി​രു​ന്നു ആ മുഖം​മൂ​ടി​കൾ. കപടഭാ​വ​ത്തി​ലൂ​ടെ​യോ നാട്യ​ത്തി​ലൂ​ടെ​യോ താൻ ശരിക്കും ആരാ​ണെ​ന്നും തന്റെ ഉദ്ദേശ്യം എന്താ​ണെ​ന്നും മറച്ചു​വെ​ക്കു​ന്ന​വരെ കുറി​ക്കാൻ ഈ പദം പിന്നീട്‌ ആലങ്കാ​രി​ക​മാ​യി ഉപയോ​ഗി​ച്ചു​തു​ടങ്ങി. യേശു ഇവിടെ “കപടഭക്തർ” എന്നു വിളി​ക്കു​ന്നതു ജൂതമ​ത​നേ​താ​ക്ക​ന്മാ​രെ​യാണ്‌.​—മത്ത 6:5, 16.

അവർക്കു പ്രതി​ഫലം മുഴുവൻ കിട്ടി​ക്ക​ഴി​ഞ്ഞി​രി​ക്കു​ന്നു: ഇവിടെ കാണുന്ന അപേഖൊ എന്ന ഗ്രീക്കു​പ​ദ​ത്തി​ന്റെ അർഥം “മുഴു​വ​നാ​യി കിട്ടുക” എന്നാണ്‌. പൊതു​വേ ബിസി​നെ​സ്സു​കാർ ഉപയോ​ഗി​ക്കുന്ന രസീതു​ക​ളിൽ, “മുഴുവൻ തുകയും അടച്ചു” എന്ന അർഥത്തി​ലാണ്‌ ഈ പ്രയോ​ഗം കണ്ടിരു​ന്നത്‌. കപടഭക്തർ ദാനം ചെയ്‌തി​രു​ന്നതു മറ്റുള്ള​വരെ കാണി​ക്കാൻവേ​ണ്ടി​യാണ്‌. അവരുടെ ദാനധർമം മറ്റുള്ളവർ കാണു​ക​യും അതിന്റെ പേരിൽ അവരെ പുകഴ്‌ത്തു​ക​യും ചെയ്‌തി​രു​ന്നു. അങ്ങനെ, കിട്ടാ​നുള്ള പ്രതി​ഫ​ല​മെ​ല്ലാം അവർക്ക്‌ അപ്പോൾത്തന്നെ കിട്ടി. അതു​കൊണ്ട്‌ അവർ ദൈവ​ത്തിൽനിന്ന്‌ ഇനി ഒന്നും പ്രതീ​ക്ഷി​ക്ക​രു​താ​യി​രു​ന്നു.

സത്യമാ​യി: മത്ത 5:18-ന്റെ പഠനക്കു​റി​പ്പു കാണുക.

നിങ്ങളു​ടെ വലതു​കൈ ചെയ്യു​ന്നത്‌ എന്തെന്ന്‌ ഇടതു​കൈ അറിയ​രുത്‌: വളരെ​യ​ധി​കം വിവേ​ക​ത്തോ​ടെ​യോ രഹസ്യ​സ്വ​ഭാ​വ​ത്തോ​ടെ​യോ ഒരു കാര്യം ചെയ്യു​ന്ന​തി​നെ സൂചി​പ്പി​ക്കുന്ന അലങ്കാ​ര​പ്ര​യോ​ഗം. യേശു​വി​ന്റെ അനുഗാ​മി​കൾ, തങ്ങൾ ചെയ്യുന്ന ദാനധർമ​ങ്ങ​ളെ​ക്കു​റി​ച്ചും ദയാ​പ്ര​വൃ​ത്തി​ക​ളെ​ക്കു​റി​ച്ചും വളരെ അടുപ്പ​മു​ള്ള​വ​രോ​ടു​പോ​ലും പരസ്യ​മാ​ക്ക​രു​താ​യി​രു​ന്നു. ഇട​ങ്കൈ​യും വല​ങ്കൈ​യും തമ്മിലു​ള്ളത്ര അടുപ്പ​മുള്ള ഉറ്റസ്‌നേ​ഹി​ത​രോ​ടു​പോ​ലും അതു പറയരു​തെ​ന്നാണ്‌ യേശു ഉദ്ദേശി​ച്ചത്‌.

ഒരേ കാര്യങ്ങൾ തന്നെയും പിന്നെ​യും ഉരുവി​ട​രുത്‌: അഥവാ “ജല്‌പനം ചെയ്യരുത്‌; അർഥശൂ​ന്യ​മാ​യി ആവർത്തി​ക്ക​രുത്‌.” ചിന്തി​ക്കാ​തെ പ്രാർഥി​ക്ക​രുത്‌ എന്നു യേശു തന്റെ അനുഗാ​മി​ക​ളോ​ടു പറയു​ക​യാ​യി​രു​ന്നു. ഒരേ കാര്യ​ത്തി​നു​വേണ്ടി പലയാ​വർത്തി അപേക്ഷി​ക്കു​ന്നതു തെറ്റാ​ണെന്നല്ല യേശു പറഞ്ഞത്‌. (മത്ത 26:36-45) മറിച്ച്‌ ജനതക​ളി​ലെ ആളുക​ളു​ടെ (അതായത്‌, ജൂതന്മാ​ര​ല്ലാ​ത്ത​വ​രു​ടെ) ആവർത്തി​ച്ചുള്ള പ്രാർഥ​നകൾ, അതായത്‌ മനഃപാ​ഠ​മാ​ക്കിയ പദപ്ര​യോ​ഗങ്ങൾ ചിന്താ​ശൂ​ന്യ​മാ​യി ‘തന്നെയും പിന്നെ​യും ഉരുവി​ടുന്ന’ പ്രാർഥ​നാ​രീ​തി, അനുക​രി​ക്കു​ന്നതു തെറ്റാ​ണെ​ന്നാ​ണു യേശു ഉദ്ദേശി​ച്ചത്‌.

നിങ്ങളു​ടെ പിതാവ്‌: ചില പുരാതന കൈ​യെ​ഴു​ത്തു​പ്ര​തി​ക​ളിൽ “നിങ്ങളു​ടെ പിതാ​വായ ദൈവം” എന്നു കാണു​ന്നുണ്ട്‌. എന്നാൽ “നിങ്ങളു​ടെ പിതാവ്‌” എന്ന ഹ്രസ്വ​രൂ​പ​മാ​ണു കൂടുതൽ കൈ​യെ​ഴു​ത്തു​പ്ര​തി​ക​ളി​ലും കാണു​ന്നത്‌.

നിങ്ങൾ: ഈ സംബോ​ധന യേശു നേരത്തേ പരാമർശിച്ച കപടഭ​ക്ത​രിൽനിന്ന്‌ യേശു​വി​ന്റെ കേൾവി​ക്കാ​രെ വേർതി​രി​ച്ചു​കാ​ണി​ക്കു​ന്നു.​—മത്ത 6:5.

ഈ രീതി: അതായത്‌, ‘ഒരേ കാര്യങ്ങൾ തന്നെയും പിന്നെ​യും ഉരുവി​ടുന്ന’ ആളുക​ളു​ടേ​തിൽനിന്ന്‌ തികച്ചും വ്യത്യ​സ്‌ത​മായ ഒരു രീതി.​—മത്ത 6:7.

ഞങ്ങളുടെ പിതാവ്‌: “ഞങ്ങളുടെ” എന്ന ബഹുവ​ച​ന​സർവ​നാ​മം ഉപയോ​ഗിച്ച്‌ പ്രാർഥി​ക്കുന്ന ഒരാൾ, തന്നെ​പ്പോ​ലെ മറ്റുള്ള​വർക്കും ദൈവ​വു​മാ​യി ഒരു അടുത്ത​ബന്ധം ഉണ്ടെന്നും അവരും സത്യാ​രാ​ധ​ക​രു​ടെ കുടും​ബ​ത്തി​ന്റെ ഭാഗമാ​ണെ​ന്നും അംഗീ​ക​രി​ക്കു​ക​യാണ്‌.​—മത്ത 5:16-ന്റെ പഠനക്കു​റി​പ്പു കാണുക.

പേര്‌: ദൈവ​ത്തി​ന്റെ വ്യക്തി​പ​ര​മായ പേര്‌. יהוה (യ്‌ഹ്‌വ്‌ഹ്‌) എന്ന നാല്‌ എബ്രായ അക്ഷരങ്ങൾ ഉപയോ​ഗിച്ച്‌ എഴുതുന്ന ഈ പേര്‌ മലയാ​ള​ത്തിൽ “യഹോവ” എന്നാണു പൊതു​വേ പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌. പുതിയ ലോക ഭാഷാ​ന്ത​ര​ത്തിൽ ഈ പേര്‌ എബ്രാ​യ​തി​രു​വെ​ഴു​ത്തു​ക​ളിൽ 6,979 പ്രാവ​ശ്യ​വും ഗ്രീക്കു​തി​രു​വെ​ഴു​ത്തു​ക​ളിൽ 237 പ്രാവ​ശ്യ​വും കാണാം. (ഗ്രീക്കു​തി​രു​വെ​ഴു​ത്തു​ക​ളിൽ ദിവ്യ​നാ​മം ഉപയോ​ഗി​ച്ചി​രി​ക്കു​ന്ന​തി​നെ​ക്കു​റിച്ച്‌ കൂടുതൽ അറിയാൻ അനു. എ5-ഉം അനു. സി-യും കാണുക.) ബൈബി​ളിൽ, “പേര്‌” എന്ന പദം ചില​പ്പോൾ ആ വ്യക്തി​യെ​ത്ത​ന്നെ​യോ സമൂഹ​ത്തിൽ അയാൾക്കുള്ള പേരി​നെ​യോ കുറി​ക്കു​ന്നു. ഇനി ആ പദത്തിന്‌, ആ വ്യക്തി തന്നെക്കു​റിച്ച്‌ വെളി​പ്പെ​ടു​ത്തുന്ന എല്ലാ കാര്യ​ങ്ങ​ളെ​യും കുറി​ക്കാ​നാ​കും.​—വെളി 3:4, അടിക്കു​റിപ്പ്‌.

പരിശു​ദ്ധ​മാ​യി​രി​ക്കേ​ണമേ: അഥവാ “പാവന​മാ​യി കണക്കാ​ക്ക​പ്പെ​ടട്ടെ.” മനുഷ്യ​രും ദൂതന്മാ​രും ഉൾപ്പെടെ ബുദ്ധി​ശ​ക്തി​യുള്ള എല്ലാ സൃഷ്ടി​ക​ളും ദൈവ​ത്തി​ന്റെ പേര്‌ പരിശു​ദ്ധ​മാ​യി കണക്കാ​ക്കാൻ ഇടവരട്ടെ എന്ന അപേക്ഷ​യാണ്‌ ഇത്‌. ഏദെൻതോ​ട്ട​ത്തിൽവെച്ച്‌ ആദ്യ മനുഷ്യ​ജോ​ടി ധിക്കാരം കാട്ടി​യ​തു​മു​തൽ ദൈവ​ത്തി​ന്റെ പേരി​ന്മേൽ കുമി​ഞ്ഞു​കൂ​ടി​യി​രി​ക്കുന്ന നിന്ദ നീക്കി​ക്കൊണ്ട്‌ ദൈവം തന്നെത്തന്നെ വിശു​ദ്ധീ​ക​രി​ക്കാൻ നടപടി എടു​ക്കേ​ണമേ എന്ന അഭ്യർഥ​ന​യും ഇതേ അപേക്ഷ​യിൽ അടങ്ങി​യി​ട്ടുണ്ട്‌.

പിതാവ്‌: യേശു, ദൈവ​മായ യഹോ​വയെ “പിതാവ്‌” എന്നു വിളി​ക്കുന്ന 160-ലധികം സന്ദർഭങ്ങൾ സുവി​ശേ​ഷ​ങ്ങ​ളി​ലുണ്ട്‌. അതിൽ ആദ്യ​ത്തേ​താണ്‌ ഇത്‌. എബ്രാ​യ​തി​രു​വെ​ഴു​ത്തു​ക​ളിൽ ദൈവ​ത്തോ​ടു ബന്ധപ്പെട്ട്‌ ഈ പദം നേരത്തേ ഉപയോ​ഗി​ച്ചി​ട്ടു​ള്ള​തു​കൊണ്ട്‌ യേശു എന്താണ്‌ ഉദ്ദേശി​ച്ച​തെന്നു കേൾവി​ക്കാർക്ക്‌ അറിയാ​മാ​യി​രു​ന്നു. അല്ലായി​രു​ന്നെ​ങ്കിൽ ഒരുപക്ഷേ യേശു അത്‌ ഉപയോ​ഗി​ക്കി​ല്ലാ​യി​രു​ന്നു. (ആവ 32:6; സങ്ക 89:26; യശ 63:16) മുൻകാ​ല​ദൈ​വ​ദാ​സ​ന്മാർ യഹോ​വയെ ‘സർവശക്തൻ,’ “അത്യു​ന്നതൻ,” ‘മഹാ​സ്ര​ഷ്ടാവ്‌ ’ എന്നിങ്ങനെ ഉന്നതമായ അനേകം പദവി​നാ​മങ്ങൾ ഉപയോ​ഗിച്ച്‌ സംബോ​ധന ചെയ്‌തി​ട്ടുണ്ട്‌. എന്നാൽ യേശു മിക്ക​പ്പോ​ഴും ഉപയോ​ഗിച്ച വളരെ ലളിത​വും സാധാ​ര​ണ​വും ആയ “പിതാവ്‌” എന്ന പദം, തന്റെ ആരാധ​ക​രു​മാ​യി ദൈവ​ത്തി​നുള്ള അടുപ്പ​മാണ്‌ എടുത്തു​കാ​ണി​ക്കു​ന്നത്‌.​—ഉൽ 17:1; ആവ 32:8; സഭ 12:1.

ഇന്നത്തേ​ക്കു​ള്ള ആഹാരം: “അപ്പം” എന്നതി​നുള്ള എബ്രായ, ഗ്രീക്ക്‌ പദങ്ങൾക്കു പല സന്ദർഭ​ങ്ങ​ളി​ലും “ആഹാരം” എന്ന അർഥമാ​ണു​ള്ളത്‌. (സഭ 10:19, അടിക്കു​റിപ്പ്‌) ദൈവത്തെ സേവി​ക്കു​ന്ന​വർക്കു ദൈവം ആഹാര​ത്തി​ന്റെ വലി​യൊ​രു ശേഖരമല്ല മറിച്ച്‌ അതതു ദിവസത്തെ ആഹാരം തരുമെന്ന ഉറച്ച ബോധ്യ​ത്തോ​ടെ പ്രാർഥി​ക്കാ​മെ​ന്നാ​ണു യേശു ഇതിലൂ​ടെ സൂചി​പ്പി​ച്ചത്‌. ദൈവം അത്ഭുത​ക​ര​മാ​യി മന്ന കൊടു​ത്ത​പ്പോൾ, ഓരോ ഇസ്രാ​യേ​ല്യ​നും ‘ദിവസ​വും പോയി അവനവന്റെ പങ്കു ശേഖരി​ക്ക​ണ​മാ​യി​രു​ന്നു.’ ആ കല്‌പ​നയെ ഓർമി​പ്പി​ക്കു​ന്ന​താണ്‌ ഈ അപേക്ഷ.​—പുറ 16:4.

ക്ഷമിക്കുക: ഈ ഗ്രീക്കു​പ​ദ​ത്തി​ന്റെ അക്ഷരാർഥം “വിട്ടു​ക​ള​യുക” എന്നാ​ണെ​ങ്കി​ലും അതിനു മത്ത 18:27, 32 വാക്യ​ങ്ങ​ളിൽ കാണു​ന്ന​തു​പോ​ലെ “ഒരു കടം എഴുതി​ത്ത​ള്ളുക” എന്ന അർഥവും വരാം.

കടങ്ങൾ: പാപങ്ങളെ കുറി​ക്കു​ന്നു. ആരോ​ടെ​ങ്കി​ലും പാപം ചെയ്യുന്ന ഒരാൾ ആ വ്യക്തിക്ക്‌ ഒരു കടം കൊടു​ത്തു​തീർക്കാ​നു​ള്ള​തു​പോ​ലെ​യാണ്‌ അല്ലെങ്കിൽ ആ വ്യക്തി​യോ​ടു കടപ്പെ​ട്ടി​രി​ക്കു​ന്ന​തു​പോ​ലെ​യാണ്‌. അതു​കൊ​ണ്ടു​തന്നെ അയാൾ ആ വ്യക്തി​യു​ടെ ക്ഷമ തേടേ​ണ്ട​തുണ്ട്‌. ഒരാൾ തന്നോടു കടപ്പെ​ട്ടി​രി​ക്കു​ന്ന​വ​രോട്‌, അതായത്‌ തന്നോടു പാപം ചെയ്‌ത​വ​രോട്‌, ക്ഷമിച്ചാൽ മാത്രമേ അയാൾക്കു ദൈവ​ത്തി​ന്റെ ക്ഷമ കിട്ടു​ക​യു​ള്ളൂ.​—മത്ത 6:14, 15; 18:35; ലൂക്ക 11:4.

പ്രലോ​ഭ​ന​ത്തിൽ അകപ്പെ​ടു​ത്ത​രു​തേ: അഥവാ “പ്രലോ​ഭ​ന​ത്തി​നു വഴി​പ്പെ​ടാൻ അനുവ​ദി​ക്ക​രു​തേ.” ചില കാര്യങ്ങൾ സംഭവി​ക്കാൻ ദൈവം അനുവ​ദി​ച്ചു എന്നതു​കൊണ്ട്‌ ദൈവം അതിന്റെ കാരണ​ക്കാ​ര​നാ​ണെന്ന രീതി​യിൽ ബൈബിൾ സംസാ​രി​ക്കു​ന്നുണ്ട്‌. (രൂത്ത്‌ 1:20, 21) അതു​പോ​ലെ, “പ്രലോ​ഭ​ന​ത്തിൽ അകപ്പെ​ടു​ത്ത​രു​തേ” എന്നു പ്രാർഥി​ക്കാൻ അനുഗാ​മി​ക​ളോ​ടു പറഞ്ഞ​പ്പോ​ഴും പാപം ചെയ്യാൻ മനുഷ്യ​രെ പ്രലോ​ഭി​പ്പി​ക്കു​ന്നതു ദൈവ​മാ​ണെന്നല്ല യേശു സൂചി​പ്പി​ച്ചത്‌. (യാക്ക 1:13) പകരം പ്രലോ​ഭനം ഒഴിവാ​ക്കാ​നോ അതിനു വഴി​പ്പെ​ട്ടു​പോ​കാ​തെ പിടി​ച്ചു​നിൽക്കാ​നോ ഉള്ള സഹായ​ത്തി​നു​വേണ്ടി ദൈവ​ത്തോ​ടു പ്രാർഥി​ക്കാ​നുള്ള പ്രോ​ത്സാ​ഹ​ന​മാ​യി​രു​ന്നു അത്‌.​—1കൊ 10:13.

തെറ്റുകൾ: “തെറ്റുകൾ” എന്നതി​നുള്ള ഗ്രീക്കു​പ​ദത്തെ ‘തെറ്റായ ഒരു ചുവടു വെക്കുക’ (ഗല 6:1) അഥവാ കാൽ ഇടറുക എന്നു പരിഭാ​ഷ​പ്പെ​ടു​ത്താം. ദൈവ​ത്തി​ന്റെ നീതി​യുള്ള നിലവാ​ര​ങ്ങൾക്കു ചേർച്ച​യിൽ നേരോ​ടെ നടക്കു​ന്ന​തി​നു നേർവി​പ​രീ​ത​മാണ്‌ ഇത്‌.

ഉപവാസം: അതായത്‌, ഒരു നിശ്ചി​ത​സ​മ​യ​ത്തേക്കു ഭക്ഷണം കഴിക്കാ​തി​രി​ക്കു​ന്നത്‌. (പദാവലി കാണുക.) യേശു ഒരിക്ക​ലും തന്റെ ശിഷ്യ​ന്മാ​രോട്‌ ഉപവസി​ക്കാൻ കല്‌പി​ച്ചില്ല, ഉപവാസം പാടേ ഒഴിവാ​ക്കാ​നും നിർദേ​ശി​ച്ചില്ല. മോശ​യി​ലൂ​ടെ കൊടുത്ത നിയമ​ത്തിൻകീ​ഴി​ലാ​യി​രുന്ന ജൂതന്മാർ ഉപവസി​ക്കാ​റു​ണ്ടാ​യി​രു​ന്നു. ശരിയായ ആന്തര​ത്തോ​ടെ​യുള്ള ഉപവാസം, യഹോ​വ​യു​ടെ മുമ്പാകെ തങ്ങളെ​ത്തന്നെ താഴ്‌ത്തു​ന്ന​തി​ന്റെ​യും തങ്ങളുടെ പാപങ്ങ​ളെ​പ്രതി പശ്ചാത്ത​പി​ക്കു​ന്ന​തി​ന്റെ​യും പ്രകട​ന​മാ​യി​രു​ന്നു.​—1ശമു 7:6; 2ദിന 20:3.

അവർ മുഖം വിരൂ​പ​മാ​ക്കു​ന്നു: അഥവാ “അവർ മുഖം ഭംഗി​യി​ല്ലാ​ത്ത​താ​ക്കു​ന്നു (തിരി​ച്ച​റി​യാൻ പറ്റാത്ത​താ​ക്കു​ന്നു).” മുഖം കഴുകാ​തി​രു​ന്നു​കൊ​ണ്ടോ മുടി​യും താടി​യും ഒക്കെ അലക്ഷ്യ​മാ​യി വിട്ടു​കൊ​ണ്ടോ തലയിൽ ചാരം വിതറു​ക​യും തേക്കു​ക​യും മറ്റും ചെയ്‌തു​കൊ​ണ്ടോ ആണ്‌ അവർ അതു ചെയ്‌തി​രു​ന്നത്‌.

തലയിൽ എണ്ണ തേക്കു​ക​യും മുഖം കഴുകു​ക​യും വേണം: പതിവാ​യി ചെയ്യാ​റു​ണ്ടാ​യി​രുന്ന ഒരുക്ക​വും മറ്റും ഉപവാ​സ​സ​മ​യത്ത്‌ ഒഴിവാ​ക്കുന്ന രീതി ആളുകൾക്കു​ണ്ടാ​യി​രു​ന്നു. മറ്റുള്ള​വരെ കാണി​ക്കാൻവേ​ണ്ടി​യുള്ള ആത്മപരി​ത്യാ​ഗ​ത്തി​ന്റെ അത്തരം പ്രകട​നങ്ങൾ തന്റെ ശിഷ്യ​ന്മാർ ഒഴിവാ​ക്ക​ണ​മെന്നു പറയു​ക​യാ​യി​രു​ന്നു യേശു.

കണ്ണാണു ശരീര​ത്തി​ന്റെ വിളക്ക്‌: കുഴപ്പ​മൊ​ന്നു​മി​ല്ലാത്ത കണ്ണു ശരീര​ത്തിന്‌, ഇരുട്ടത്ത്‌ കത്തിച്ചു​വെ​ച്ചി​രി​ക്കുന്ന വിളക്കു​പോ​ലെ​യാണ്‌. ചുറ്റു​മുള്ള കാര്യങ്ങൾ കണ്ട്‌ മനസ്സി​ലാ​ക്കാൻ അത്‌ ആ വ്യക്തിയെ സഹായി​ക്കു​ന്നു. എന്നാൽ ഇവിടെ ‘കണ്ണ്‌ ’ ആലങ്കാ​രി​കാർഥ​ത്തി​ലാണ്‌ ഉപയോ​ഗി​ച്ചി​രി​ക്കു​ന്നത്‌.​—എഫ 1:18.

ഒരു കാര്യ​ത്തിൽ കേന്ദ്രീ​ക​രി​ക്കു​ന്നെ​ങ്കിൽ: അഥവാ “വ്യക്തമാ​യി കാണാ​നാ​കു​ന്നെ​ങ്കിൽ; ആരോ​ഗ്യ​മു​ള്ള​തെ​ങ്കിൽ.” ഇവിടെ ഉപയോ​ഗി​ച്ചി​രി​ക്കുന്ന ഹാപ്‌ളൗസ്‌ എന്ന ഗ്രീക്കു​പ​ദ​ത്തി​ന്റെ അടിസ്ഥാ​നാർഥം “ഒന്നു മാത്രം; ലളിതം” എന്നൊ​ക്കെ​യാണ്‌. മനസ്സ്‌ ഒരു കാര്യ​ത്തിൽ മാത്രം കേന്ദ്രീ​ക​രി​ക്കുക, ഒറ്റ ലക്ഷ്യത്തിൽ അർപ്പി​ത​മാ​യി​രി​ക്കുക എന്നും അതിന്‌ അർഥം വരാം. ഒറ്റ വസ്‌തു​വിൽ മാത്രം കാഴ്‌ച കേന്ദ്രീ​ക​രി​ക്കാൻ കഴിയു​ന്നെ​ങ്കിൽ മാത്രമേ ഒരു കണ്ണു നന്നായി പ്രവർത്തി​ക്കു​ന്നു എന്നു പറയാ​നാ​കൂ. ഒരു വ്യക്തി​യു​ടെ ആലങ്കാ​രി​ക​മായ കണ്ണ്‌, ശരിയായ കാര്യ​ത്തിൽ മാത്രം ‘കേന്ദ്രീ​ക​രി​ച്ച​താ​ണെ​ങ്കിൽ’ (മത്ത 6:33) അതിന്‌ അദ്ദേഹ​ത്തി​ന്റെ വ്യക്തി​ത്വ​ത്തെ മുഴുവൻ നല്ല രീതി​യിൽ സ്വാധീ​നി​ക്കാ​നാ​കും.

അസൂയ​യു​ള്ള: അക്ഷ. “ചീത്ത; ദുഷിച്ച.” ഒരു കണ്ണു ‘ചീത്തയാ​ണെ​ങ്കിൽ’ അഥവാ ആരോ​ഗ്യ​മി​ല്ലാ​ത്ത​താ​ണെ​ങ്കിൽ അതിനു വ്യക്തമാ​യി കാണാ​നാ​കില്ല. സമാന​മാ​യി അസൂയ​യുള്ള ഒരു കണ്ണിന്‌, ശരിക്കും പ്രാധാ​ന്യ​മുള്ള കാര്യ​ത്തിൽ ശ്രദ്ധ കേന്ദ്രീ​ക​രി​ക്കാ​നാ​കില്ല. (മത്ത 6:33) അങ്ങനെ​യുള്ള ഒരു കണ്ണ്‌ അസംതൃ​പ്‌തി നിറഞ്ഞ​തും അത്യാ​ഗ്ര​ഹ​മു​ള്ള​തും ആണ്‌; അതു ശ്രദ്ധാ​ശൈ​ഥി​ല്യ​മു​ള്ള​തും വഞ്ചകവും ആയിരി​ക്കും. അത്തരം കണ്ണുള്ള ഒരാൾ കാര്യ​ങ്ങളെ ശരിയാ​യി വിലയി​രു​ത്താൻ പറ്റാതെ സ്വാർഥ​ല​ക്ഷ്യ​ങ്ങ​ളു​ടെ പിന്നാലെ പോകും.​—മത്ത 6:22-ന്റെ പഠനക്കു​റി​പ്പു കാണുക.

ഒരു കാര്യ​ത്തിൽ കേന്ദ്രീ​ക​രി​ക്കു​ന്നെ​ങ്കിൽ: അഥവാ “വ്യക്തമാ​യി കാണാ​നാ​കു​ന്നെ​ങ്കിൽ; ആരോ​ഗ്യ​മു​ള്ള​തെ​ങ്കിൽ.” ഇവിടെ ഉപയോ​ഗി​ച്ചി​രി​ക്കുന്ന ഹാപ്‌ളൗസ്‌ എന്ന ഗ്രീക്കു​പ​ദ​ത്തി​ന്റെ അടിസ്ഥാ​നാർഥം “ഒന്നു മാത്രം; ലളിതം” എന്നൊ​ക്കെ​യാണ്‌. മനസ്സ്‌ ഒരു കാര്യ​ത്തിൽ മാത്രം കേന്ദ്രീ​ക​രി​ക്കുക, ഒറ്റ ലക്ഷ്യത്തിൽ അർപ്പി​ത​മാ​യി​രി​ക്കുക എന്നും അതിന്‌ അർഥം വരാം. ഒറ്റ വസ്‌തു​വിൽ മാത്രം കാഴ്‌ച കേന്ദ്രീ​ക​രി​ക്കാൻ കഴിയു​ന്നെ​ങ്കിൽ മാത്രമേ ഒരു കണ്ണു നന്നായി പ്രവർത്തി​ക്കു​ന്നു എന്നു പറയാ​നാ​കൂ. ഒരു വ്യക്തി​യു​ടെ ആലങ്കാ​രി​ക​മായ കണ്ണ്‌, ശരിയായ കാര്യ​ത്തിൽ മാത്രം ‘കേന്ദ്രീ​ക​രി​ച്ച​താ​ണെ​ങ്കിൽ’ (മത്ത 6:33) അതിന്‌ അദ്ദേഹ​ത്തി​ന്റെ വ്യക്തി​ത്വ​ത്തെ മുഴുവൻ നല്ല രീതി​യിൽ സ്വാധീ​നി​ക്കാ​നാ​കും.

സേവി​ക്കു​ക: ഇതിന്റെ ഗ്രീക്കു​ക്രി​യാ​പദം, ഒരു അടിമ​യാ​യി ജോലി ചെയ്യു​ന്ന​തി​നെ കുറി​ക്കു​ന്നു. അങ്ങനെ​യുള്ള ഒരു അടിമ​യ്‌ക്ക്‌ ഒരൊറ്റ യജമാ​നനേ ഉണ്ടായി​രി​ക്കൂ. ഒരു ക്രിസ്‌ത്യാ​നിക്ക്‌ ഒരേ സമയം ദൈവം അർഹി​ക്കുന്ന സമ്പൂർണ​ഭക്തി കൊടു​ക്കാ​നും ഒപ്പം വസ്‌തു​വ​കകൾ വാരി​ക്കൂ​ട്ടു​ന്ന​തിൽ മുഴു​കാ​നും സാധി​ക്കി​ല്ലെന്നു പറയു​ക​യാ​യി​രു​ന്നു യേശു.

ധനം: പലപ്പോ​ഴും “മാമോൻ” എന്നു തർജമ ചെയ്‌തി​രി​ക്കുന്ന മാമ്മോ​നാസ്‌ (സെമി​റ്റിക്ക്‌ ഉത്ഭവമു​ള്ളത്‌) എന്ന ഗ്രീക്കു​പ​ദത്തെ “പണം” എന്നും പരിഭാ​ഷ​പ്പെ​ടു​ത്താം. ധനത്തെ ഒരു യജമാനൻ, അല്ലെങ്കിൽ ഒരു വ്യാജ​ദൈവം ആയി, ആളത്വം കല്‌പിച്ച്‌ പറഞ്ഞി​രി​ക്കു​ക​യാണ്‌ ഇവിടെ. എന്നാൽ ഈ പദം ഒരു പ്രത്യേ​ക​ദേ​വ​ത​യു​ടെ പേരായി എന്നെങ്കി​ലും ഉപയോ​ഗി​ച്ചി​രു​ന്നെന്നു തറപ്പി​ച്ചു​പ​റ​യാൻ സാധി​ക്കുന്ന തെളി​വു​ക​ളൊ​ന്നും ലഭ്യമല്ല.

ജീവ​നെ​ക്കു​റി​ച്ചും . . . ജീവ​നെ​ന്നാൽ: കാലങ്ങ​ളാ​യി “ദേഹി” എന്നു പരിഭാ​ഷ​പ്പെ​ടു​ത്തി​യി​ട്ടുള്ള സൈക്കി എന്ന ഗ്രീക്കു​പദം ഇവിടെ ജീവനെ കുറി​ക്കു​ന്നു. അതു​കൊണ്ട്‌ ഇവിടെ ജീവനും (ദേഹി​യും) ശരീര​വും ചേരു​ന്ന​താണ്‌ ഒരു വ്യക്തി.

ഇനി ഉത്‌ക​ണ്‌ഠ​പ്പെ​ട​രുത്‌: അഥവാ “ആകുല​പ്പെ​ടു​ന്നതു നിറു​ത്തുക.” ഇവിടെ ഉപയോ​ഗി​ച്ചി​രി​ക്കുന്ന ഗ്രീക്കു​ക്രി​യ​യു​ടെ കാലം, ഇപ്പോൾത്തന്നെ ചെയ്‌തു​കൊ​ണ്ടി​രി​ക്കുന്ന ഒരു കാര്യം നിറു​ത്തു​ന്ന​തി​നെ​യാ​ണു സൂചി​പ്പി​ക്കു​ന്നത്‌. ‘ഉത്‌കണ്‌ഠ’ എന്നതിന്റെ ഗ്രീക്കു​പ​ദ​ത്തിന്‌, ഒരാളു​ടെ മനസ്സിനെ കലുഷി​ത​മാ​ക്കുന്ന, അയാളു​ടെ ശ്രദ്ധ പതറി​ക്കുന്ന തരം ആകുല​തയെ കുറി​ക്കാ​നാ​കും. ഇത്‌ അയാളു​ടെ സന്തോഷം കവർന്നെ​ടു​ക്കും. മത്ത 6:27, 28, 31, 34 വാക്യ​ങ്ങ​ളി​ലും ഇതേ പദം കാണാം.

ആയുസ്സ്‌: സാധ്യ​ത​യ​നു​സ​രിച്ച്‌ യേശു ഇവിടെ ജീവി​തത്തെ ഒരു യാത്ര​യോട്‌ ഉപമി​ക്കു​ക​യാണ്‌. ഉത്‌ക​ണ്‌ഠ​പ്പെ​ടു​ന്ന​തി​ലൂ​ടെ ആയുസ്സി​നോട്‌ അഥവാ ജീവി​ത​ത്തി​ന്റെ നീള​ത്തോട്‌ അൽപ്പം​പോ​ലും കൂട്ടാ​നാ​കി​ല്ലെ​ന്നാ​ണു യേശു പറയു​ന്നത്‌.

ഒരു മുഴം: നീളത്തി​ന്റെ ഒരു ചെറിയ അളവിനെ കുറി​ക്കുന്ന വാക്കാണു യേശു ഇവിടെ ഉപയോ​ഗി​ച്ചി​രി​ക്കു​ന്നത്‌ (അക്ഷ. “ഒരു മുഴങ്കൈ.”). അത്‌ ഏകദേശം 44.5 സെ.മീ. (17.5 ഇഞ്ച്‌) വരും.​—പദാവ​ലി​യിൽ “മുഴം” എന്നതും അനു. ബി14-ഉം കാണുക.

പറമ്പിലെ ലില്ലി​ച്ചെ​ടി​കൾ: ഇത്‌ അനെമണി പൂവാ​ണെ​ന്നാ​ണു ചിലരു​ടെ അഭി​പ്രാ​യം. എന്നാൽ ഇതു ടൂലിപ്പ്‌, ഹൈയാ​സിന്ത്‌, ഐറിസ്‌, ഗ്ലാഡി​യോ​ലസ്‌ എന്നിവ​പോ​ലെ ലില്ലി​പ്പൂ​ക്ക​ളോ​ടു സാമ്യ​മുള്ള മറ്റേ​തെ​ങ്കി​ലും പൂക്കളും ആകാം. ആ പ്രദേ​ശത്ത്‌ കാണ​പ്പെ​ടുന്ന വിവി​ധ​തരം കാട്ടു​പൂ​ക്ക​ളെ​ക്കു​റി​ച്ചാ​ണു യേശു പറഞ്ഞ​തെന്ന്‌ അഭി​പ്രാ​യ​പ്പെ​ടുന്ന ചിലർ അതിനെ “പറമ്പിലെ പൂക്കൾ” എന്നാണു പരിഭാ​ഷ​പ്പെ​ടു​ത്തി​യി​രി​ക്കു​ന്നത്‌.

പഠിക്കുക: ഇവിടെ ഉപയോ​ഗി​ച്ചി​രി​ക്കുന്ന ഗ്രീക്കു​ക്രി​യാ​രൂ​പത്തെ “നന്നായി, സമഗ്ര​മാ​യി പഠിക്കുക” എന്നും പരിഭാ​ഷ​പ്പെ​ടു​ത്താ​നാ​കും.

തീയി​ലി​ടു​ന്ന ചെടികൾ: ഇസ്രാ​യേ​ലിൽ നല്ല ചൂടുള്ള വേനൽക്കാ​ല​മാ​സ​ങ്ങ​ളിൽ വെറും രണ്ടു ദിവസം​കൊണ്ട്‌ ചെടികൾ വാടി​പ്പോ​കാ​റുണ്ട്‌. ഉണങ്ങിയ അത്തരം പൂക്കളും അവയുടെ തണ്ടുക​ളും പുല്ലും മറ്റും പറമ്പിൽനിന്ന്‌ ശേഖരിച്ച്‌ അടുപ്പിൽ തീ കത്തിക്കാൻ ഉപയോ​ഗി​ച്ചി​രു​ന്നു.

അൽപ്പം വിശ്വാ​സ​മു​ള്ള​വരേ: ശിഷ്യ​ന്മാ​രെ​ക്കു​റി​ച്ചുള്ള യേശു​വി​ന്റെ ഈ വാക്കുകൾ അവരുടെ വിശ്വാ​സം അഥവാ ആശ്രയം ശക്തമല്ലാ​യി​രു​ന്നെന്നു സൂചി​പ്പി​ച്ചു. (മത്ത 8:26; 14:31; 16:8; ലൂക്ക 12:28) അവർക്കു വിശ്വാ​സം ഇല്ലായി​രു​ന്നെന്നല്ല മറിച്ച്‌ അതു കുറവാ​യി​രു​ന്നെ​ന്നാണ്‌ ആ വാക്കുകൾ സൂചി​പ്പി​ച്ചത്‌.

ദൈവ​നീ​തി: ദൈവ​നീ​തിക്ക്‌ ഒന്നാം സ്ഥാനം കൊടു​ക്കു​ന്നവർ ഒരു മടിയും​കൂ​ടാ​തെ ദൈവ​ത്തി​ന്റെ ഇഷ്ടം ചെയ്യു​ന്ന​വ​രും ശരി​തെ​റ്റു​ക​ളെ​ക്കു​റി​ച്ചുള്ള ദൈവ​ത്തി​ന്റെ നിലവാ​ര​ങ്ങ​ള​നു​സ​രിച്ച്‌ ജീവി​ക്കു​ന്ന​വ​രും ആയിരി​ക്കും. എന്നാൽ നീതി​യു​ടെ കാര്യ​ത്തിൽ സ്വന്തം നിലവാ​രങ്ങൾ വെക്കാൻ ശ്രമിച്ച പരീശ​ന്മാ​രു​ടെ ഉപദേ​ശ​ത്തിൽനിന്ന്‌ തികച്ചും വ്യത്യ​സ്‌ത​മാ​യി​രു​ന്നു ഇത്‌.​—മത്ത 5:20.

എപ്പോ​ഴും ഒന്നാം സ്ഥാനം കൊടു​ക്കുക: തുടർച്ച​യായ പ്രവൃ​ത്തി​യെ സൂചി​പ്പി​ക്കുന്ന ഇതിന്റെ ഗ്രീക്കു​ക്രി​യാ​രൂ​പം, “തുടർച്ച​യാ​യി ഒന്നാം സ്ഥാനം കൊടു​ക്കുക” എന്നും പരിഭാ​ഷ​പ്പെ​ടു​ത്താം. യേശു​വി​ന്റെ യഥാർഥാ​നു​ഗാ​മി​കൾ കുറച്ച്‌ നാള​ത്തേക്കു ദൈവ​രാ​ജ്യ​ത്തിന്‌ ഒന്നാം സ്ഥാനം കൊടു​ത്തിട്ട്‌ പിന്നീടു മറ്റു കാര്യ​ങ്ങ​ളി​ലേക്കു തിരി​യില്ല. അവർ ജീവി​ത​ത്തിൽ ഏറ്റവും അധികം പ്രാധാ​ന്യം കൊടു​ക്കു​ന്നത്‌ എപ്പോ​ഴും അതിനാ​യി​രി​ക്കും.

അടുത്ത ദിവസത്തെ ഓർത്ത്‌ ഒരിക്ക​ലും ഉത്‌ക​ണ്‌ഠ​പ്പെ​ട​രുത്‌: കാര്യങ്ങൾ നന്നായി ആസൂ​ത്രണം ചെയ്യാൻ അഥവാ നന്നായി പദ്ധതികൾ തയ്യാറാ​ക്കാൻ തിരു​വെ​ഴു​ത്തു​കൾ പ്രോ​ത്സാ​ഹി​പ്പി​ക്കു​ന്നു. (സുഭ 21:5) എന്നാൽ ഭാവി​യിൽ സംഭവി​ക്കാൻ സാധ്യ​ത​യുള്ള കാര്യ​ങ്ങ​ളെ​ക്കു​റിച്ച്‌ അനാവ​ശ്യ​മാ​യി ഉത്‌ക​ണ്‌ഠ​പ്പെ​ടു​ന്നതു ദൈവ​വു​മാ​യുള്ള ഒരാളു​ടെ ബന്ധത്തെ മോശ​മാ​യി ബാധി​ച്ചേ​ക്കാം. അങ്ങനെ അയാൾ ദൈവ​ത്തിൽ ആശ്രയി​ക്കു​ന്ന​തി​നു പകരം സ്വന്തം ജ്ഞാനത്തിൽ ആശ്രയി​ക്കാൻതു​ട​ങ്ങും.​—സുഭ 3:5, 6.