အခန်း ၄၄
ဘုရားသခင်ကို ချစ်တဲ့သူတွေနဲ့ မိတ်ဖွဲ့သင့်တယ်
မိတ်ဆွေဆိုတာ တို့တစ်တွေ ပေါင်းချင်သင်းချင် စကားပြောချင်တဲ့ လူတွေ ဖြစ်တယ်။ ဒါပေမဲ့ မိတ်ကောင်းဆွေကောင်း ဖြစ်ဖို့တော့ အရေးကြီးတယ်။ တို့တစ်တွေရဲ့ အကောင်းဆုံး မိတ်ဆွေဟာ ဘယ်သူ ဖြစ်မယ် ထင်သလဲ။— ဟုတ်တာပေါ့၊ ယေဟောဝါဘုရားပဲပေါ့။
တို့တစ်တွေဟာ ဘုရားသခင်ရဲ့ မိတ်ဆွေ တကယ်ဖြစ်နိုင်သလား။— ဟိုးရှေးရှေးတုန်းက အသက်ရှင်ခဲ့တဲ့ အာဗြဟံလို့ခေါ်တဲ့ လူတစ်ယောက်ဟာ “ယေဟောဝါရဲ့ မိတ်ဆွေ” ဖြစ်တယ်လို့ ကျမ်းစာက ဆိုတယ်။ (ယာကုပ် ၂:၂၃) ဘာကြောင့် ယေဟောဝါရဲ့ မိတ်ဆွေ ဖြစ်ရသလဲ သိသလား။— အာဗြဟံဟာ ဘုရားသခင်ကို နာခံလို့ဆိုပြီး ကျမ်းစာက အဖြေပေးထားတယ်။ အင်မတန် ခက်တဲ့အလုပ်ကို လုပ်ခိုင်းတာတောင် နာခံခဲ့တယ်။ ဒါကြောင့် ယေဟောဝါရဲ့ မိတ်ဆွေ ဖြစ်ဖို့ဆိုရင် အာဗြဟံ လုပ်ခဲ့သလို၊ ကြီးမြတ်တဲ့ဆရာ အမြဲတမ်း လုပ်သလို ဘုရားသခင် အလိုတော်အတိုင်း လုပ်ရမှာဖြစ်တယ်။—ကမ္ဘာဦး ၂၂:၁-၁၄။ ယောဟန် ၈:၂၈၊ ၂၉။ ဟီဘရူး ၁၁:၈၊ ၁၇-၁၉။
ယောဟန် ၁၅:၁၄) လူတွေကို ယေရှု ပြောဟောသမျှဟာ ယေဟောဝါဆီက လာတာတွေ ဖြစ်တဲ့အတွက် ယေရှုရဲ့ မိတ်ဆွေဆိုရင် ဘုရားလုပ်ခိုင်းတာ မှန်သမျှကို လုပ်တဲ့လူတွေလို့ ယေရှု ပြောနေတာ။ ဟုတ်ပါတယ်၊ ယေရှုရဲ့ မိတ်ဆွေအားလုံးဟာ ဘုရားသခင်ကို ချစ်တဲ့သူတွေချည်းပဲ။
“ကျွန်တော့်ပညတ်ကို လိုက်နာမယ်ဆိုရင် ခင်ဗျားတို့ဟာ ကျွန်တော့်မိတ်ဆွေတွေပဲ” လို့ တမန်တော်တို့ကို ယေရှု ပြောခဲ့တယ်။ (ကြီးမြတ်တဲ့ဆရာရဲ့ အရင်းနှီးဆုံး မိတ်ဆွေတချို့ဟာ တမန်တော်တွေ ဖြစ်ကြတယ်၊ သူတို့ရဲ့ပုံကို ဒီစာအုပ် စာမျက်နှာ ၇၅ မှာ တွေ့နိုင်တယ်။ သူတို့တစ်တွေဟာ ယေရှုနဲ့အတူ ခရီးသွားကြတယ်၊ ဟောပြောခြင်းလုပ်ငန်းမှာ ကူညီပေးကြတယ်။ ယေရှုဟာ ဒီလူတွေနဲ့ အချိန်အများကြီး ပေးပြီး ပေါင်းဖော်ခဲ့တယ်။ အတူတူ စားသောက်ကြတယ်။ ဘုရားသခင်အကြောင်း အတူတူ ပြောကြတယ်။ ပြီးတော့ တခြားအလုပ်တွေကိုလည်း အတူတူ လုပ်ကြတယ်။ ဒါပေမဲ့ ယေရှုမှာ တခြားမိတ်ဆွေတွေလည်း အများကြီး ရှိသေးတယ်။ ယေရှုဟာ သူတို့အိမ်မှာ သွားတည်းပြီး သူတို့နဲ့ ပျော်ပျော်ပါးပါး နေခဲ့တယ်။
ဂျေရုဆလင်မြို့ကြီးရဲ့ အပြင်ဘက်မှာရှိတဲ့ ဗေသနိရွာလေးမှာ မိသားစုတစ်စု ရှိတယ်။ ယေရှုဟာ သူတို့နဲ့အတူတူ နေထိုင်ရတာ သိပ်ပျော်တယ်။ သူတို့နာမည်ကို မှတ်မိသလား။— မာရိ၊ ယောဟန် ၁၁:၁၊ ၅၊ ၁၁) ယေရှုက ဒီမိသားစုကို ချစ်ပြီး သူတို့နဲ့ပေါင်းရတာ ပျော်တယ်ဆိုတာ သူတို့က ယေဟောဝါကို ချစ်ပြီး ဝတ်ပြုတဲ့အတွက်ကြောင့်ပေါ့။
မာသနဲ့ သူတို့ရဲ့မောင် လာဇရုတို့ပေါ့။ ယေရှုက လာဇရုကို မိတ်ဆွေလို့ ခေါ်တယ်။ (ယေရှုက ဘုရားသခင်ကို ဝတ်မပြုတဲ့ လူတွေကို မကြင်နာဘူးလို့ မဆိုလိုပါဘူး။ သူတို့ကိုလည်း ကြင်နာခဲ့ပါတယ်။ သူတို့အိမ်ကို သွားပြီး သူတို့နဲ့အတူတူတောင် စားသောက်တယ်။ ဒီလိုလုပ်လို့ တချို့လူတွေက ယေရှုဟာ “အခွန်ခံတွေ၊ အပြစ်သားတွေနဲ့ မိတ်ဖွဲ့သူ” ဖြစ်တယ်လို့တောင် ပြောကြတယ်။ (မဿဲ ၁၁:၁၉) အမှန်ဆိုရင် ယေရှုဟာ ဒီလူတွေရဲ့ ဘဝပုံစံကိုကြိုက်လို့ သူတို့အိမ်ကိုသွားတာ မဟုတ်ပါဘူး။ သူတို့ကို ယေဟောဝါအကြောင်း ပြောပြချင်လို့ သွားလည်တာ ဖြစ်တယ်။ မကောင်းတဲ့ ဘဝအသက်တာကို ပြုပြင်ပြောင်းလဲပြီး ဘုရားသခင်ကို ဝတ်ပြုလာအောင် ကြိုးစားကူညီပေးခဲ့တယ်။
တစ်နေ့သောအခါ ယေရိခေါမြို့မှာ ဒီအတိုင်းပဲ ဖြစ်ခဲ့တယ်။ ယေရှုဟာ ဂျေရုဆလင်မြို့ကိုအသွား ယေရိခေါမြို့ကို ဖြတ်သွားတယ်။ အဲဒီမြို့မှာ လူအုပ်တစ်အုပ်ကို တွေ့ရတယ်။ အဲဒီထဲမှာ ဇက်ခဲ ဆိုတဲ့လူတစ်ယောက်လည်း ပါတယ်။ သူက ယေရှုကို သိပ်မြင်ချင်တယ်။ ဒါပေမဲ့ ဇက်ခဲဟာ အရပ်ပုတော့ ရှေ့က လူအုပ်ကြောင့် ယေရှုကို မမြင်နိုင်ဘူး။ ဒါနဲ့ သူက ယေရှု လာမယ့်လမ်းအတိုင်း ရှေ့ကနေ ပြေးသွားပြီး ယေရှု ဖြတ်သွားတဲ့အခါ ကောင်းကောင်း မြင်နိုင်အောင်ဆိုပြီး သစ်ပင်တစ်ပင်ပေါ် တက်သွားတယ်။
ယေရှု အဲဒီအပင်နားကို ရောက်တော့ မော့ကြည့်ပြီး ‘မြန်မြန်ဆင်းခဲ့။ ဒီနေ့ ခင်ဗျားအိမ်မှာ ကျွန်တော် တည်းမယ်’
ဆိုပြီး ပြောလိုက်တယ်။ ဒါပေမဲ့ ဇက်ခဲဟာ မကောင်းတာတွေ အများကြီးလုပ်ခဲ့တဲ့ သူဌေးတစ်ယောက် ဖြစ်တယ်။ ဒီလိုဆိုးတဲ့ လူတစ်ယောက်ရဲ့ အိမ်ကို ယေရှု ဘာကြောင့် သွားချင်တာလဲ။—ယေရှုဟာ ဇက်ခဲရဲ့ ဘဝလမ်းစဉ်ကို ကြိုက်လို့သွားတာ မဟုတ်ပါဘူး။ ဘုရားသခင်အကြောင်း ပြောပြချင်လို့ သွားတာ။ ဇက်ခဲဟာ သူ့ကိုမြင်ဖို့ ဘယ်လောက်ကြိုးစားခဲ့မှန်း ယေရှု တွေ့လိုက်လို့ သူ့စကားကို နားထောင်မယ်ဆိုတာ သိလိုက်တယ်။ ဒီအချိန်ဟာ ဘုရားသခင်က လူတွေကို ဘယ်လို အသက်ရှင်စေချင်တဲ့အကြောင်း ပြောပြဖို့ အချိန်အခါကောင်းပဲလေ။
ဒါနဲ့ ဘယ်လို အကျိုးရလဒ် ရခဲ့သလဲ။— ဇက်ခဲဟာ ယေရှုရဲ့ သင်ကြားပေးမှုကို နှစ်သက်လက်ခံတယ်။ သူများအပေါ် လိမ်လည်မိခဲ့တဲ့အတွက် အရမ်းစိတ်မကောင်းဖြစ်ပြီး သူများဆီက မတရား တောင်းယူထားတဲ့ငွေတွေကို ပြန်ပေးပါ့မယ်လို့ ကတိပေးတယ်။ အဲဒီနောက် သူဟာ ယေရှုရဲ့ နောက်လိုက်တစ်ယောက် ဖြစ်လာတယ်။ အဲဒီတော့ကျမှ ယေရှုနဲ့ ဇက်ခဲတို့ဟာ မိတ်ဆွေတွေ ဖြစ်လာကြတယ်။—လုကာ ၁၉:၁-၁၀။
ကြီးမြတ်တဲ့ဆရာရဲ့ စံနမူနာကို လိုက်ပြီး တို့တစ်တွေလည်း မိတ်ဆွေ မဟုတ်တဲ့သူတွေဆီ သွားလည်ကြမလား။— သွားကြမယ်။ ဒါပေမဲ့ သူတို့ရဲ့ ဘဝပုံစံကို နှစ်သက်သဘောကျလို့ သူတို့အိမ်ကို သွားလည်တာ မဟုတ်ပါဘူး။ ပြီးတော့ သူတို့နဲ့ ပေါင်းပြီး မကောင်းတာတွေ လုပ်မှာ မဟုတ်ပါဘူး။ ဘုရားသခင်အကြောင်း ပြောပြနိုင်ဖို့သာ သူတို့ဆီ သွားလည်ရမှာ။
ဒါပေမဲ့လည်း တို့တစ်တွေ အထူးသဖြင့် အချိန်ပေးပြီး ပေါင်းသင်းချင်တဲ့ သူတွေကတော့ ရင်းနှီးတဲ့မိတ်ဆွေတွေပဲ။ တို့တစ်တွေ ပေါင်းသင့်ပေါင်းထိုက်တဲ့ မိတ်ဆွေတွေဆိုတာ ဘုရားသခင် နှစ်သက်တဲ့သူတွေ ဖြစ်ရမယ်။ တချို့ဆိုရင် ယေဟောဝါကိုတောင် မသိကြဘူး။ သူတို့က ဘုရားသခင်အကြောင်း သိချင်ရင်တော့ သူတို့ကို ကူညီပေးနိုင်တယ်။ သူတို့ဟာ တို့တစ်တွေလိုပဲ ယေဟောဝါကို ချစ်လာပြီဆိုရင် တို့ရဲ့ ရင်းနှီးတဲ့မိတ်ဆွေတွေ ဖြစ်လာနိုင်တယ်။
လူတစ်ယောက်ဟာ မိတ်ဆွေကောင်း ဟုတ်မဟုတ် သိနိုင်တဲ့နည်းတစ်နည်း ရှိသေးတယ်။ အဲဒါကတော့ သူတို့လုပ်တာတွေကို ဂရုစိုက်ကြည့်ဖို့ပါပဲ။ သူများပေါ်မှာ မညှာမတာ ပြုမူဆက်ဆံပြီးတော့ ဒီအတွက် သဘောကျပြီး ဟားတိုက်တတ်သလား။ ဒီလိုမျိုး မလုပ်သင့်ဘူး မဟုတ်လား။— ဒီလူဟာ အမြဲတမ်း ပြဿနာ ရှာတတ်သလား။ သူ့အတွက်ကြောင့် အမှုပတ်ခံရတာမျိုး မလိုချင်ဘူး မဟုတ်လား။— ဒါမှမဟုတ် အဲဒီလူဟာ မကောင်းတာတွေကို တမင်တကာလုပ်ပြီး မမိအောင် ရှောင်နိုင်တဲ့အတွက် ကိုယ့်ကိုယ်ကိုယ် ဟုတ်လှပြီဆိုပြီး လက်မထောင်တတ်သလား။ သူ့ကို လူတွေက မမိရင်တောင်မှ သူဘာလုပ်တယ်ဆိုတာ ဘုရားသခင် မြင်တယ်၊ ဟုတ်တယ် မဟုတ်လား။— အဲဒီလိုမျိုး လုပ်တဲ့သူတွေဟာ တို့တစ်တွေအတွက် မိတ်ကောင်းဆွေမွန်တွေ ဖြစ်နိုင်ပါ့မလား။—
ကဲ ကျမ်းစာ ယူလိုက်ပါဦး။ အပေါင်းအသင်းတွေက တို့တစ်တွေရဲ့ အသက်တာအပေါ် ဘယ်လိုသက်ရောက်တယ်ဆိုတာ ကြည့်ကြရအောင်။ ကျမ်းချက်ကတော့ ၁ ကောရိန္သု အခန်းကြီး ၁၅၊ အခန်းငယ် ၃၃ ပါ။ တွေ့ပြီလား။— “လှည့်စားမခံကြပါနဲ့။ မကောင်းတဲ့ အပေါင်းအသင်းဟာ ကောင်းတဲ့အကျင့်ကို ပျက်စီးစေတတ်တယ်” လို့ပြောထားတယ်။ မကောင်းတဲ့သူတွေနဲ့ပေါင်းရင် တို့တစ်တွေလည်း မကောင်းတဲ့သူတွေ ဖြစ်သွားနိုင်တာကို ဆိုလိုတာ။ ပြီးတော့ ကောင်းတဲ့သူတွေနဲ့ ပေါင်းရင် ကောင်းတဲ့အကျင့်တွေ မွေးမြူနိုင်ဖို့ အထောက်အကူ ရနိုင်မယ်။
တို့တစ်တွေရဲ့ အသက်တာမှာ အရေးအကြီးဆုံး ပုဂ္ဂိုလ်ဟာ ယေဟောဝါ ဖြစ်တယ်ဆိုတာကို ဘယ်တော့မှ မမေ့ပါနဲ့။ ဘုရားသခင်နဲ့ မိတ်ပျက်မှာကို တို့တစ်တွေ မလိုချင်ဘူး၊ ဟုတ်တယ်မဟုတ်လား။— ဒီတော့ ဘုရားသခင်ကို ချစ်တဲ့ လူတွေနဲ့ပဲ မိတ်ဆွေ ဖွဲ့ဖို့ သတိထားပြီး ရွေးချယ်ရမယ်နော်။
ကောင်းတဲ့အပေါင်းအသင်းရဲ့ အရေးကြီးမှုကို ဆာလံ ၁၁၉:၁၁၅။ ပညာအလိမ္မာ ၁၃:၂၀။ ၂ တိမောသေ ၂:၂၂။ ၁ ယောဟန် ၂:၁၅ တို့မှာ ဖော်ပြထားတယ်။