अरूले जुनसुकै धर्म माने पनि “हरप्रकारका मानिसहरूको आदर गर” भनेर बाइबलले दिएको सल्लाह हामी पालन गर्छौं। (१ पत्रुस २:१७) उदाहरणको लागि, कुनै-कुनै देशमा लाखौं यहोवाका साक्षीहरू छन्‌। तैपनि हामी राजनैतिक नेताहरू वा सरकारलाई अरू धर्मका क्रियाकलापमा रोक लगाउन दबाब दिंदैनौं। अथवा हाम्रा मूल्यमान्यता र धार्मिक विचारधारा अरूले पनि स्वीकार्नैपर्ने नियम-कानुन बनाउनलाई नारा लगाउँदैनौं। बरु हामी अरूको विश्‍वासप्रति आदर देखाउँछौं र अरूले पनि हाम्रो विश्‍वासप्रति आदर देखाउँदा खुसी हुन्छौं।—मत्ती ७:१२.