Ko e Heigoa ne Talahau he Tohi Tapu?
Tali kia he Atua e tau liogi oti?
TO PEHĒ KIA A KOE NA TALI E IA E TAU LIOGI . . .
He tau tagata oti
He falu tagata
Ne nakai mai he ha tagata
TALAHAU HE TOHI TAPU
“Kua tata mai a Iehova kia lautolu oti kana . . . ne ui kia ia mo e fakamoli.”—Salamo 145:18.
KO E HEIGOA FOKI HA TAUTOLU KA FAKAAKO MAI HE TOHI TAPU?
Nakai fanogonogo e Atua ke he tau liogi he tau tagata ne totoko ki a ia. (Isaia 1:15) Ka kua lata a lautolu ke pulega mo ia ke fakahako e tuaga he hiki e tau puhala ha lautolu.—Isaia 1:18.
Ke tali he Atua e liogi, kua lata ke lagotatai ai mo e tau poakiaga haana he Tohi Tapu.—1 Ioane 5:14.
Lata kia a tautolu ke liogi he tau puhala kehekehe pauaki?
TALITONU FALU TAGATA kua lata ni a lautolu ke fakatokotui, tukutukuhifo e ulu, po ke fakapikiua e tau lima ka liogi. Fēfē e manatu haau?
TALAHAU HE TOHI TAPU
Talia he Atua e tau liogi he tau tagata ne ‘nonofo’ po ke ‘tutū’ po ko lautolu ne “fakaveli fakafohifo” po ke “fakatokotui.” (1 Nofoaga he Tau Patuiki 17:16; 2 Nofoaga he Tau Patuiki 30:27; Esera 10:1; Gahua 9:40) Nakai poaki a ia ke fai puhala pauaki a tautolu ka taute e liogi.
KO E HEIGOA FOKI HA TAUTOLU KA FAKAAKO MAI HE TOHI TAPU?
Fanogonogo e Atua ke he tau tagata fakatokolalo.—Salamo 138:6.
Maeke a koe ke liogi he ha vagahau, po ke liogi foki ke he loto.—2 Nofoaga he Tau Patuiki 6:32, 33; Nehemia 2:1-6.