Psalme 60:1-12
Ditaelo tšeo di yago go mohlahli: Diriša modumo wa koša yeo e rego, “Lili ya Kgopotšo.” Miktame.* Koša ya Dafida. E dirišetšwe go ruta. Nakong ya ge Dafida a elwa le mašole a Arama-naharaima le a Arama-Tsoba, gomme Joaba a boa go tlo bolaya Baedomo ba 12 000 (dikete tše lesomepedi) Moeding wa Letswai.
60 Wena Modimo, o re lahlile, o re fentše,
E bile o re galefetše kudu. Re kgopela o re amogele gape.
2 O šikintše lefase gomme wa le bula ka bogare.
Thiba mašoba a lona, gobane le a wa.
3 O dirile gore batho ba gago ba welwe ke mathata.
Wa re nweša beine yeo e dirago gore re thekesele.
4 Nea* bao ba go boifago leswao la gore ba tšhabeE le gore ba pheme bora. (Selah)
5 Anke o re phološe ka matla a gago o be o re arabe,E le gore o phološe bao o ba ratago.
6 Modimo yo mokgethwa* o boletše a re:
“Ke tla thaba ge ke efa batho ba ka Shikeme e le bohwa.Ke tla aroganya Moedi wa Sukothe.
7 Gileada ke ya ka le Manase ke ya ka,Gomme Efuraime ke kefa yeo e ntšhireletšago hlogo.Juda e swantšhetša matla ao ke nago le ona.
8 Moaba ke sekotlelo sa ka sa go hlapela.
Ke tla foša Edomo ka ramphašane ya ka.
Ke tla goeletša ke thabile ka gobane ke tlo fenya Filisita.”
9 Ke mang a tlago go nthuša gore ke fenye motse wo o dikaneditšwego?
Ke mang a tlago go nketa pele gore ke yo fenya Edomo?
10 Ke wena Modimo wa rena yo a tlago go re thuša gore re fenye,Eupša gona bjale o re lahlile, e bile ga o sa thuša mašole a rena, wena Modimo wa rena.
11 Re thuše ge re tlaletšwe,Ka gobane re ka se holege ka selo ge re ka letela gore batho ba re phološe.
12 Wena Modimo o tla re nea matla,Gomme o tlo fenya manaba a rena.
Mengwalo ya tlase
^ Bona Tlhaloso ya Mantšu.
^ Goba mohlomongwe, “O neile.”
^ Goba mohlomongwe, “Modimo o boletše a le lefelong la gagwe le lekgethwa.”
