Ɔwɔ Kɛ Yɛsɛlɛ Gyisɛse Ɔ?
NRENYA bie mɔɔ yɛ neɛnleanu la bizale mgbavolɛ nee mbɛlɛra 800 mɔɔ bɛkɔ asɔne ngakyile la kenlensa ye ala kɛ, saa bɛdie bɛdi kɛ Gyisɛse a bua nzɛlɛlɛ a. Bɛ nuhua ɛya ko ngyɛnu 60 nee ɔ nzi hanle kɛ bɛdie bɛdi bɔkɔɔ kɛ ɔle zɔ. Noko, bɛlɛra ko pɛle Gyisɛse duma nu na ɔhɛlɛle “Nyamenle” wɔ ɛkɛ.
Kɛzi ɛdwenle nwo ɛ? Ɔwɔ kɛ yɛfa yɛ nzɛlɛlɛ yɛto Gyisɛse anzɛɛ Nyamenle anyunlu ɔ? * Amaa yɛabua la, maa yɛlumua yɛzuzu kɛzi Gyisɛse hilele ye ɛdoavolɛma kɛ bɛyɛ asɔne la anwo.
NWANE A GYISƐSE HILELE KƐ YƐZƐLƐ YE A?
Gyisɛse hilele yɛ na ɔmanle yɛnwunle ahenle mɔɔ ɔwɔ kɛ yɛsɛlɛ ye la.
YE NGILEHILELƐ: Mekɛ mɔɔ Gyisɛse ɛdoavolɛ ne mɔ ko bizale ye kɛ, “Awulae, kile yɛ kɛ bɛsi bɛyɛ nzɛlɛlɛ la,” Gyisɛse buale kɛ: “Saa bɛyɛ nzɛlɛlɛ a bɛha ɛhye: ‘Egya.’” (Luku 11:1, 2) Bieko, wɔ ye Boka Zo Edwɛkɛhanlɛ ne mɔɔ ɛlie duma la anu, Gyisɛse dule ye tievolɛma folɛ kɛ bɛyɛ asɔne. Ɔhanle kɛ: “Bɛyɛ nzɛlɛlɛ bɛvɛlɛ bɛ Ze.” Eza ɔhanle ɛhye ɔmanle bɛ anwosesebɛ kɛ: “Bɛ Ze mɔɔ wɔ anwuma la ze mɔɔ bɛhyia nwolɛ la amuala kolaa na bɛabiza ye.” (Mateyu 6:6, 8) Nɔe ne mɔɔ aleɛ kye a Gyisɛse bawu la, ɔzele ye ɛdoavolɛ ne mɔ kɛ: “Debie biala mɔɔ bɛkɛbiza Selɛ ne wɔ me duma nu la, ɔkɛva ɔkɛmaa bɛ.” (Dwɔn 16:23) Yemɔti Gyisɛse hilele yɛ kɛ yɛva asɔneyɛlɛ yɛdo ahenle ne mɔɔ le ɔ Ze nee yɛ Ze, Gyihova Nyamenle anyunlu.
YE NEAZO: Gyisɛse mumua ne zɛlɛle manle ɔ nee adenle mɔɔ ɔhilele awie mɔ kɛ bɛyɛ asɔne la yɛle ko kɛ: “Egya, anwuma nee aze Awulae, meyɛ wɔ mo.” (Luku 10:21) Wɔ mekɛ fofolɛ nu, “Gyisɛse nleanle anwuma na ɔhanle kɛ, ‘Egya, meyɛ wɔ mo somaa kɛ wɔdie me a.’” (Dwɔn 11:41) Mekɛ mɔɔ Gyisɛse bawu la, ɔzɛlɛle kɛ: “Egya! Me ɛkɛla wɔ ɛ sa nu!” (Luku 23:46) Gyisɛse luale ye anwuma Selɛ ne mɔɔ ɔzɛlɛle ye kɛ
ALUMUA KELESEƐNEMA ZƐLƐLE NWANE?
Mekɛ mɔɔ Gyisɛse hɔle anwuma la, yeangyɛ dwazotiama vale ngyegyelɛ rale ye ɛdoavolɛma anwo zo na bɛnwunlonwunlanle bɛ. (Gyima ne 4:18) Nɔhalɛ nu, bɛyɛle asɔne bɛkpondɛle moalɛ
Ɛvolɛ dɔɔnwo pɛle nu la, ɛzoanvolɛ Pɔɔlo hilele adenle mɔɔ ɔ nee ɔ gɔnwo mɔ vale zo yɛle asɔne la. Ɔhɛlɛle ɔmanle ɔ gɔnwo mɔ Keleseɛnema kɛ: “Dahuu yɛsɛlɛ yɛmaa bɛ, yɛyɛ Gyisɛse Kelaese ɔ Ze Nyamenle ne mo.” (Kɔlɔsaema 1:3) Pɔɔlo eza hɛlɛle ɔ gɔnwo mɔ diedima kɛ “bɛlua yɛ Awulae Gyisɛse Kelaese duma nu bɛyɛ Nyamenle Selɛ ne mo dahuu wɔ debie biala anu.” (Ɛfɛsɛsema 5:20) Wɔ edwɛkɛ ɛhye anu, yɛnwu ye kɛ Pɔɔlo manle awie mɔ anwosesebɛ kɛ bɛzɛlɛ ye ‘Nyamenle Selɛ ne wɔ debie biala anu’
Kɛmɔ alumua Keleseɛnema yɛle la, yɛbahola yɛala ye ali kɛ yɛkulo Gyisɛse ɔlua ye asɔneyɛlɛ nwo adehilelɛ mɔɔ yɛbali zolɛ la azo. (Dwɔn 14:15) Mekɛ mɔɔ yɛlɛsɛlɛ yɛ anwuma Selɛ ne angomekye la, yɛbade Edwɛndolɛ 116:1, 2 ne abo kpalɛ kɛ: ‘Mekulo Gyihova, ɔboalekɛ yede me ne. Mebavɛlɛ ye wɔ mekɛ tendenle mɔɔ mede ngoane nu la.’ *
^ ɛden. 3 Ngɛlɛlera ne kile kɛ, Nyamenle nee Gyisɛse ɛnzɛ. Ɛkpondɛ nwolɛ edwɛkɛ dɔɔnwo a, nea buluku ɛhye, Duzu A Baebolo ne Kilehile Amgba A? mɔɔ Gyihova Alasevolɛ ɛyɛ la tile 4.
^ ɛden. 11 Amaa Nyamenle adie yɛ nzɛlɛlɛ la, ɔwɔ kɛ yɛbɔ mɔdenle yɛyɛ mɔɔ ɔkulo la. Saa ɛkpondɛ nwolɛ edwɛkɛ dɔɔnwo a, nea buluku ɛhye, Duzu A Baebolo ne Kilehile Amgba A? mɔɔ Gyihova Alasevolɛ ɛyɛ la tile 17.