Isaías 13:1-22
13 Esaki ta un deklarashon di huisio pa Babilonia ku Isaías, yu di Ámoz, a tende den un vishon:*
2 “Pone riba un seru tur na baranka un palu komo señal pa un ehérsito reuní.
Yama e sòldánan; yama nan ku manpa nan drenta e portanan di e noblenan.
3 Mi a duna òrdu na e personanan ku mi a nombra.*
Mi a manda yama mi guereronan, kendenan ta kontentu i orguyoso,pa nan kastigá e hendenan ku ta pone mi rabia.
4 Tende! Ata un multitut den e serunan!Tin un zonido manera di un pueblo grandi!
Tende e boroto di hopi reino,sí, un desòrdu di hende di hopi nashon ku ta ser reuní!
Ta Yehova di e ehérsitonan ta mobilisando e ehérsito pa guera.
5 Nan ta bini for di un pais leu,for di e lugá di mas leu bou di shelu,i Yehova lo usa nan komo arma pa demostrá su furiapa destruí henter tera.
6 Grita yora, pasobra e dia di Yehova ta serka!
E dia ei, Dios Todopoderoso lo trese destrukshon.
7 Ta p’esei tur man lo bira slap,i tur hende lo haña miedu.
8 E hendenan ta drenta pániko.
Kram i doló ta sera nan,manera un hende muhé ku tin doló di parto.
Nan ta wak otro morto spantá;nan kara ta kòrá kòrá.
9 Ata e dia di Yehova ta bini ku hopi furia i rabia!E ta un dia teribel.Riba e dia ei, lo hasi e pais ei un ruina ku lo laga hende keda den shòk,i lo kaba ku e pekadónan ku tin den e pais.
10 E streanan di shelu i e konstelashonnan di Kesil*lo no duna klaridat.Solo lo ta skur ora e sali,i luna lo no laga su lus bria.
11 Lo mi regla kuenta ku e habitantenan di tera pa e maldat ku nan a kometé;sí, lo mi regla kuenta ku hende malbado pa nan fayonan.
Lo mi pone un fin na e orguyo di hende arogante,i lo mi humiá hende arogante ku ta oprimí otro hende.
12 Lo mi hasi hende mas skars ku oro fini;sí, hende lo bira mas skars ku oro di Ófir.
13 Ta p’esei ami, Yehova di e ehérsitonan, lo pone shelu tembla.Riba e dia di mi rabia, tera lo sagudí te sali for di su lugápa motibu di mi furia.
14 Manera biná* ta hui pa yagdó i manera tou di karné sin wardadó,asina tur hende lo bolbe na nan mes pueblo;tur hende lo hui bai nan mes pais.
15 Ken ku enemigu gara lo ser hinká mata,i ken ku nan kapturá lo muri pa medio di spada.
16 Enemigu lo masakrá nan yunan* nan dilanti,pluma nan kasnani violá nan esposanan.
17 Mi ta manda e medonan* kontra nan.E medonan ta konsiderá plata komo algu ku no tin balor,i nan no ta interesá den oro.
18 Nan bognan lo kaba ku e hóbennan;*nan lo no tene duele di nan yunan,*ni nan lo no tene miserikòrdia di e muchanan.
19 Anto Babilonia, e hoya* di e reinonan,e stat bunita ku e kaldeonan* ta masha orguyoso di dje,lo bira meskos ku Sódoma i Gomora, tempu ku Dios a destruí nan.
20 Nunka mas lo e* ser habitá,ni lo e no sirbi mas komo lugá di biba pa futuro generashon.
Niun arabir lo no pone su tènt einan,ni niun wardadó di karné lo no laga su tou di karné sosegá einan.
21 Bestia di desierto lo kai drumi einan.E kasnan ku tin einan lo ta yen di palabrua.
Abestrus lo biba einan,i kabritu di mondi* lo bula rònt einan.
22 Bestia salbahe lo grita den su torennan,i kachó di mondi* lo yora den Babilonia su palasionan luhoso.
Babilonia su kastigu ta serka, i su dianan ta kontá.”
Nota
^ Òf: “un vishon ku el a mira.”
^ Lit.: “a santifiká.” Es desir, hende ku Dios a apartá pa un propósito spesial.
^ Lit.: “i nan Kesilnan.” Kisas esei ta referí na konstelashon Orion i e konstelashonnan rònt di dje.
^ Lit.: “gazèl.”
^ Lit.: “kibra nan yunan na pida pida.”
^ Es desir, e hendenan di Media.
^ Esta, e hóbennan di Babilonia.
^ Lit.: “lo no tene duele di e fruta di barika.”
^ Òf: “e adorno.”
^ Esta, Babilonia.
^ Òf posiblemente: “i e demoñonan ku tin forma di kabritu.”
