Segun ku e fin di e sistema akí ta yega mas i mas serka, nos ta ferwagt ku lo tin mas tantu disturbio di órden públiko, terorismo i guera. (Rev 6:4) Kon nos por prepará pa difikultat ku por presentá?

• Prepará spiritualmente: Identifiká prinsipio di Beibel i relato bíbliko ku por fortalesé bo konfiansa den Yehova i su organisashon i ku por yuda bo keda neutral. (Pro 12:5; jr-S 125-126 §23-24) Awor ta e momento pa fortalesé nos amistatnan den kongregashon.—1Pe 4:7, 8

• Hasi sigur ku bo tin tur loke bo mester di dje: Sòru pa bo tin un plan pa keda safe i sufisiente awa i kuminda si bo no por sali for di kas pa un tempu. Ademas, hasi sigur ku bo tin un plan di evakuashon. Kontrolá bo tas di emergensia, òf go bag, i hasi sigur ku bo tin hanskun, tapaboka i plaka den dje. Ta bon pa sa kon pa tuma kontakto ku e ansianonan, i hasi sigur ku nan tambe sa kon pa tuma kontakto ku bo.—Isa 32:2; g17.5 3-7

Ora tin disturbio di órden públiko, mantené bo rutina spiritual. (Flp 1:10) Evitá di bai di un lugá pa otro a ménos ku esei ta nesesario. (Mat 10:16) Kompartí kuminda i otro kos ku ta nesesario.—Rom 12:13

WAK E VIDIO ABO TA PREPARÁ? I DESPUES KONTESTÁ E SIGUIENTE PREGUNTANAN:

• Kon Yehova por yuda nos ora di kalamidat?

• Kiko ta algun kos práktiko ku nos por hasi pa prepará?

• Kon nos por yuda esnan ku a ser afektá ora di kalamidat?