Pregunta Ku Beibel Ta Kontestá
Ta tur religion ta bini di Dios?
Ora bo skucha notisia, probablemente bo a ripará ku tin biaha hende ta usa religion komo kapa pa kometé maldat. Ma no ta tur religion ta bini di e Dios berdadero. (Mateo 7:15) De echo, gran parti di humanidat a ser engañá.—Lesa 1 Huan 5:19.
Apesar di esei, Dios ta tuma nota di hende sinsero ku ta stima loke ta bon i berdadero. (Huan 4:23) E ta invitá hende asina pa siña e bèrdat for di Beibel.—Lesa 1 Timoteo 2:3-5.
Kon bo por sa kua ta e religion berdadero?
Yehova Dios ta uni hende ku ta bini di hopi diferente religion. E ta siña nan tokante e bèrdat i e ta siña nan pa stima otro. (Mikéas 4:2, 3) Pues, bo por rekonosé hende ku ta pertenesé na e religion berdadero na e manera ku nan ta trata otro.—Lesa Huan 13:35.
Yehova Dios ta uni tur sorto di hende mediante su adorashon berdadero.—Salmo 133:1
E berdadero sirbidónan di Dios ta basa nan fe i manera di biba riba Beibel. (2 Timoteo 3:16) Tambe nan ta onra e nòmber di Dios. (Revelashon 4:11) Ademas, nan ta prediká ku e Reino di Dios ta e úniko speransa pa humanidat. (Daniel 2:44) Nan ta yuda nan próhimo i asina, meskos ku Hesus, nan ta laga nan “lus bria.” (Mateo 5:16) P’esei, ta fásil pa rekonosé e kristiannan berdadero na e trabou ku nan ta hasi di bishitá nan próhimo na kas pa kompartí e bon notisia di e Reino di Dios.—Lesa Mateo 24:14; Echonan 5:42; 20:20.
Otro Artíkulo Interesante
PREGUNTA KU BEIBEL TA KONTESTÁ
Tur Religion Ta Yuda Nos Hala Serka Dios?
Beibel ta enfatisá dos faktor ku ta duna e kontesta.
PREGUNTA KU BEIBEL TA KONTESTÁ
Kon Mi Por Haña Sa Kua Ta e Religion Berdadero?
Esaki ta e religion pa mi djis pasobra e ta hasi mi sinti bon?
