Paykunajina ruwanaykipaq: Asaf

Asafqa, juk kuti mana kusisqachu kawsachkarqa. Imaraykuchus, achkha runasta, Diospa kamachiykunasninta pʼakichkaspapis, kusisqas kawsachkasqankuta rikurqa. Chayraykutaq, Dios kamachisqanmanjina kawsayqa may allin kasqanmanta iskaychakuyta qallarirqa. Juk takiyninpi jinata nirqa: “Llinphu sonqo kawsakusqayqa yanqhalla, jinallataj makisniyta tukuy sajramanta mayllakusqaypis”, nispa. Chantá, sumaqta tʼukuriytawan imatachus yuyasqanta tikrachirqa. Entienderqataq, saqra runap kusikuynin juk tiempollapaq kasqanta. Chayrayku, Jehovaman nirqa: “Qanwan kaspaqa, kay pachapi mana imatawampis munaniñachu”, nispa (Salmo 73:3, 13, 16, 25, 27.

¿Qamri? Dios kamachisqanmanjina kawsay may allin kasqanmanta, ¿maykʼaqllapis iskaychakurqankichu? Jina kaptinpis, manapis, Asafjina sumaqta tʼukuriy. Imaynatachus Diospa kamachiykunasninta pʼakiqkuna kawsachkasqankutapis qhawariy. ¿Chiqamantachu astawan kusisqas kawsachkanku, Diospa kamachisninmanta nisqaqa? Kay tapuypi tʼukurispaqa, Asafjina ninki: “Noqari Diosman qayllakusaj. Noqapajqa chaymin aswan sumajqa”, nispa (Salmo 73:28)