Weneʼ e cinco mil millones winaq kkil ri Copa Mundial re ri FIFA, che xmajix pa 20 re noviembre kekʼis pa 18 re diciembre 2022. E kʼi kkichomaj che ri fútbol xaq xiw ta keʼutoʼ ri winaq rech kkimulij kibʼ xaneʼ kuya chi nikʼaj utzilal.

•   «Xaq xiw ri deporte kukʼex ri kikʼaslemal ri winaq, keʼutoʼ rech más kkibʼan utzilal y kkachilaj kibʼ» (Nelson Mandela, expresidente re Sudáfrica).

•   «Ri fútbol [...] kubʼan jun chke ri winaq, rumal che kukubʼsaj kikʼuʼx, kekikotik y kkiloqʼoqʼej kibʼ» (Gianni Infantino, presidente re ri FIFA). a

 ¿La qas kkun ri mundial o jun chi uwach etzʼanem kubʼan wariʼ chke ri winaq? ¿La qas kʼo kyaʼow jamaril y junamil chkixoʼl ri winaq?

 Ri mundial re wajun junabʼ ukʼexom ri kichomanik ri winaq. Uyakom chʼoj chkixoʼl ri winaq y ri políticos rumal ri kiderechos, ri kitinamit, ri kekaʼyik y ri kiqʼinomal.

 Are kʼu e kʼi winaq kkichomaj che ri deportes junam rukʼ ri mundial kubʼan jun chke ri winaq. Are kʼu wariʼ qastzij taj, xaneʼ rukʼ wariʼ ri winaq kkikʼut ri qas kʼo pa kanimaʼ y ri qas kibʼantajik che kubʼan kʼax chke ri nikʼaj chik. Ri Biblia chʼawinaq chi chrij ri e bʼantajik riʼ, che are laʼ ri kkikʼut ri winaq pa «ri kʼisbʼal taq qʼijol» (2 Timoteo 3:1-5).

 Ri Biblia kubʼij che konojel ri winaq kkukʼaj na kibʼ. Kubʼij che «ri rajawbʼal ri Dios» are kbʼanow wariʼ chke (Lucas 4:43; Mateo 6:10).

 Ri Qʼatal tzij che are ri Jesucristo are ri kkʼamow lo jamaril cho ri uwach Ulew. Ri Biblia kubʼij:

•   «Ri jamaril xuqujeʼ ri kolomal pa taq ri qʼij ri kqʼatan tzij» (Salmo 72:7).

•   «Are kʼu kyoʼw na ri tobʼanik che ri mebʼaʼ ri ktzʼononik [...]. Keresaj pa ri latzʼ xuqujeʼ pa ri riqoj kʼax» (Salmo 72:12, 14).

 Kimik rumal ri xukʼut kan ri Jesús ubʼanom jun chke ri winaq pa 239 tinamit y territorios, y e utoʼm rech qas kkaj kibʼ. Rech kawetaʼmaj más, chasikʼij ri jupuq kʼutunem «Rompamos el ciclo del odio».