LEKCIJA 15
Koj tano o Isus?
O Isus tano jekh taro najpendžarde manuša ki istorija. But džene džanena samo leskoro anav, ama na džanena javera bukja baši leste. Isto agjaar, but manuša isi len različno mislenje bašo adava koj čače tano o Isus. So vakerela i Biblija baši leste?
1. Koj tano o Isus?
O Isus tano mokjno angeli kova so živinela ko nebo. O Jehova stvoringja le angleder te kerel sa o javera bukja. Adaleske ki Biblija pišinela baši leste kaj ov tano „prvobijamo taro sa soj tano kerdo“ (Kološanite 1:15). Isto agjaar, i Biblija vakerela kaj o Isus tano e Devleskoro edinstveno bijamo Čhavo a soske ov sine o edinstveno so sine stvorimo direktno taro Jehova (Jovan 3:16). O Isus kergja buti ple Dadea e Jehovaja, agjaar so pomožingja leske te stvorinel sa o javera bukja. (Čitin Izreki 8:30.) O Isus ponadari da tano but paše e Jehovaja. Ov verno vakerela e javerenge e Devleskere lafija hem upatstvija hem adaleske baši leste vakerela pe kaj tano „o Lafi“ (Jovan 1:14).
2. Soske o Isus alo ki Phuv?
Angleder okolu 2.000 berša o Jehova kergja jekh čudo. Ov koristingja plo sveti duh hem lelja e Isuseskoro životo taro nebo hem čhivgja le ko vogi jekhe čhajake so vikinela pe sine Marija. Agjaar o Isus bijandilo sar manuš. (Čitin Luka 1:34, 35.) O Jehova bičhalgja e Isuse ki Phuv te ovel o vetimo Mesija, ili Hristos, hem te spasinel e manušen. b Sa o proroštvija so dengja o Jehova te oven pišime ki Biblija bašo Mesija ispolningje pe upro Isus. Adava pomožingja e manušenge te džanen kaj o Isus sine „o Hristos, o Čhavo e dživde Devleskoro“ (Matej 16:16).
3. Kote tano o Isus akana?
Otkeda o Isus mulo sar manuš, o Devel voskresningja le sar angeli hem irangja le ko nebo. Adathe o Devel dengja le jekh but bari položba (Filipjanite 2:9). Akana, o Isus tano jekh but mokjno angeli. Samo o Jehova tano pomokjno taro Isus.
DOZNAJN POVIŠE
Sikljov poviše bašo Isus hem soske tano važno pošukar te zapoznajne le.
4. O Isus nane o Semokjno Devel
I Biblija sikavela kaj o Isus, iako tano mokjno angeli ko nebo, podložno tano e Jehovaske, kova soj leskoro Devel hem Dad. Kotar džanaja adava? Dikh o VIDEOKLIPI kova so sikavela so vakerela i Biblija bašo adava koj tano o Isus hem savo odnos isi le e Semokjno Devlea.
O stihija soj tane dende potele pomožinena amenge te haljova o odnos hem i razlika maškar o Jehova hem o Isus. Čitinen sekova stiho, a palo adava keren lafi bašo akala pučiba:
Čitin Luka 1:30-32.
-
Sprema adava so vakergja o angeli, soj tano o Isus e Jehovaske, e Najbareske?
Čitin Matej 3:16, 17.
-
So vakergja o glaso taro nebo keda krstingja pe o Isus?
-
So mislinea, kaskoro glaso sine adava?
Čitin Jovan 14:28.
-
Koj tano pophuro hem isi le pobaro avtoriteti — o dad ili o čhavo?
-
So sikljovaja taro adava so o Isus vakergja kaj o Jehova tano leskoro Dad?
Čitin Jovan 12:49.
-
So mislinea, dali o Isus mislingja kaj ov hem leskoro Dad tane jekh ličnost?
5. Dokazija so sikavena kaj o Isus sine o Mesija
Ki Biblija isi but proroštvija kola so valjangje te pomožinen e manušenge te pendžaren e Mesija. Dikh o VIDEOKLIPI te šaj te dikhe nesave proroštvija kola so o Isus ispolningja len keda alo ki Phuv.
Čitin o bibliska proroštvija, a palo adava keren lafi bašo akala pučiba:
Čitin Mihej 5:2 te šaj te doznajne kote o Mesija valjangja te bijangjovel. c
-
Dali akava ispolningja pe upro Isus? (Matej 2:1)
Čitin Psalm 34:20 hem Zaharija 12:10 te šaj te dikhe nesave detalija kola so sine prorokujme bašo e Mesijaskoro meribe.
-
Dali ispolningje pe akala proroštvija? (Jovan 19:33-37)
-
So mislinea, dali o Isus šaj sine te vlijajnel upro adava te ispolninen pe akala proroštvija?
-
So sikavela amenge akava bašo Isus?
6. Soske tano važno te zapoznajne e Isuse?
I Biblija sikavela kaj tano but važno te sikljova bašo Isus hem baši leskiri uloga. Čitin Jovan 14:6 hem 17:3, a palo adava keren lafi bašo akava pučibe:
-
Soske tano but važno te sikljove bašo Isus?
O Isus phravgja o drumo te šaj te ova e Devleskere amala. Ov sikavgja o čačipe bašo Jehova hem preku leste šaj te dobina večno životo
NESAVE ŠAJ VAKERENA: „E Jehovaskere svedokija verujnena kaj o Isus tano e Devleskoro Čhavo. Ama, e Devle našti te oven le čhave“.
-
Sar ka odgovorine?
SO SIKLILEM
O Isus tano mokjno angeli. Ov tano e Devleskoro Čhavo hem o Mesija.
Sar ka odgovorine?
-
Soske vakerela pe e Isuseske kaj ov tano „prvobijamo taro sa soj tano kerdo“?
-
So kergja o Isus angleder te avel ki Phuv?
-
Kotar džanaja kaj o Isus tano o Mesija?
ISTRAŽIN
Doznajn panda javera bukja so sikavena kaj o Isus sine o Mesija.
„Dali o proroštvija bašo Mesija dokažinena kaj o Isus sine o Mesija?“ (internet statija)
So značinela adava so o Isus tano e Devleskoro Čhavo? Dali o Devel dobinela čhave ko isto način sar so dobinena o manuša?
„Soske e Isuseske vakerela pe kaj tano e Devleskoro Čhavo?“ (internet statija)
Dikh soske o trojstvo nane biblisko sikljojbe.
Čitin sar jekhe džuvljakoro životo meningja pe, otkeda istražingja so vakerela i Biblija bašo e Isuseskoro životo.
„Evrejka objasnuva zošto rešila da gi preispita svoite veruvanja“ (Razbudete se! taro maj 2013)
Šaj isto ka interesinel tut
NAJČESTA PUČIBA
Sar izgledinela o biblisko kursi so nudinena e Jehovaskere svedokija?
Džikote ikerela pe o besplatno biblisko kursi, šaj te koristine bilo kova prevod tari Biblija. Ko kursi šaj te kanine nekas tari tli familija ili nesave amale.
