LEKCIJA 18
Koj tane o čačutne hristijanja?
Milijarde manuša vakerena kaj tane hristijanja. Ama, ola nane len o ista veruvanja hem na ikerena pe ko ista merilija. Tegani, kotar šaj te džana kola tane o čačutne hristijanja?
1. So značinela te ove hristijani?
Hristijanja tane e Isus Hristoseskere učenikija ili sledbenikija. (Čitin Dela 11:26.) Sar nekoj sikavela kaj tano e Isuseskoro učeniko? O Isus vakergja: „Ako ačhovena mle lafende, čače sien mle učenikija“ (Jovan 8:31). Adava značinela kaj o čačutne hristijanja ikerena pe ko adava so sikavgja o Isus. Ov sekogaš sikavgja adava so vakerela i Biblija. O čačutne hristijanja džana palo leskoro primer. (Čitin Luka 24:27.)
2. Sar o čačutne hristijanja sikavena mangipe?
O Isus vakergja ple sledbenikonge: „Mangen tumen jekh jekhea sar so mangljum tumen me“ (Jovan 15:12). Sar o Isus sikavgja kaj mangela ple učenikon? Ov nakhavgja but vreme lencar, ohrabringja len hem pomožingja lenge. Ov čak dengja plo životo lenge (1. Jovanovo 3:16). Isto sar o Isus, o čačutne hristijanja da na kerena samo lafi bašo mangipe, nego ola sikavena ple ljubezna lafencar hem postapkencar kaj mangena jekh jekhe.
3. Savi zadača kerena o čačutne hristijanja?
O Isus dengja jekh zadača ple učenikonge. „Ov bičhalgja len te propovedinen e Devleskoro Carstvo“ (Luka 9:2). O prva hristijanja na propovedinena sine samo ko pumare thana kote so obožavinena sine e Devle, nego isto agjaar ko prometna thana hem taro kher ko kher. (Čitin Dela 5:42; 17:17.) Isto agjaar, avdive da o čačutne hristijanja propovedinena o čačipe tari Biblija segde kote so isi manuša. Ola mangena e manušen, adaleske koristinena pumaro vreme hem sila te vakeren o haberi tari Biblija so dela nadež hem uteha (Marko 12:31).
DOZNAJN POVIŠE
Dikh koja tani i razlika maškar o čačutne hristijanja hem o manuša kola so samo vakerena kaj tane hristijanja, ama na ikerena pe ko e Isuseskere sikljojba hem na džana palo leskoro primer.
4. Ola rodena o čačipe tari Biblija
O prva hristijanja ceninena sine e Devleskoro Lafi
Nesave manuša so vakerena kaj tane hristijanja na ikerena pe ko čačipe tari Biblija. Dikh o VIDEOKLIPI, a palo adava keren lafi bašo akava pučibe:
-
Sar nesave crkve čhinavgje e manušen te aven dži ko čačipe tari Biblija?
O Isus sikavela sine o čačipe taro e Devleskoro Lafi. Čitin Jovan 18:37, a palo adava keren lafi bašo akava pučibe:
-
Sprema e Isuseskere lafija, sar šaj te džana koj tano „tari strana e čačipaskiri“?
5. Ola propovedinena o čačipe tari Biblija
O prva hristijanja propovedinena sine o šukar haberi
Angleder te džal ko nebo, o Isus dengja jekh zadača ple sledbenikonge koja so važinela avdive da. Čitin Matej 28:19, 20 hem Dela 1:8, a palo adava keren lafi bašo akava pučibe:
-
Dži ki koja mera valjani te propovedinel pe?
6. Ola živinena sprema adava so propovedinena
Soske jekh manuš so vikinela pe Tom sine sigurno kaj arakhlja e čačutne hristijanen? Dikh o VIDEOKLIPI, a palo adava keren lafi bašo akala pučiba:
-
Soske o Tom otkažingja pe tari religija?
-
Soske tano akana sigurno kaj arakhlja o čačipe?
O postapke vakerena poviše taro lafija. Čitin Matej 7:21, a palo adava keren lafi bašo akava pučibe:
-
Soj tano považno e Isuseske, adava so vakeraja ili adava so keraja?
7. Ola mangena jekh jekhe
O prva hristijanja sikavena sine mangipe jekh jekheske
Dali o čačutne hristijanja čače ka den plo životo jekh jekheske? Dikh o VIDEOKLIPI, a palo adava keren lafi bašo akala pučiba:
-
Soske o Lojd sine spremno te del plo životo e phraleske Johanson?
-
So mislinea, dali ov postapingja sar čačutno hristijani?
Čitin Jovan 13:34, 35, a palo adava keren lafi bašo akala pučiba:
-
Sar valjani o čačutne hristijanja te ponašinen pe e manušencar tari javer nacija ili rasa?
-
Dali akava važinela hem keda isi vojna?
NESAVE ŠAJ VAKERENA: „Sar šaj o hristijanstvo te ovel i čačutni religija keda o hristijanja kergje but strašna bukja?“
-
Kova stiho ka koristine te šaj te sikave kola tane o čačutne hristijanja?
SO SIKLILEM
O čačutne hristijanja ikerena pe ko adava so sikavela i Biblija, sikavena samopožrtvuvano mangipe hem propovedinena o čačipe tari Biblija.
Sar ka odgovorine?
-
Ko so temelinela pe adava so verujnena o čačutne hristijanja?
-
Koja osobina valjani te ovel e čačutne hristijanen?
-
Koja zadača kerena o čačutne hristijanja?
ISTRAŽIN
Sikljov poviše bašo manuša so ikerena pe ko e Isuseskere sikljojba hem so trudinena pe te džan palo leskoro primer.
Čitin sar jekh kalugjerka arakhlja „i čačutni duhovno familija“.
„Na sekoe prašanje mi odgovorija so Biblijata“ (Stražarska kula taro 1 april 2014)
Dikh sar o čačutne hristijanja sikavena mangipe pumare phralenge keda valjani lenge pomoš.
Pomožinaja amare phralenge keda isi katastrofe — izvadok (3:57)
Dikh so kerena sine o čačutne hristijanja taro prvo veko hem koj avdive kerela o isto.
„Po što se prepoznavaat vistinskite hristijani?“ (Stražarska kula taro 1 mart 2012)
Šaj isto ka interesinel tut
NAJČESTA PUČIBA
Sar izgledinela o biblisko kursi so nudinena e Jehovaskere svedokija?
Džikote ikerela pe o besplatno biblisko kursi, šaj te koristine bilo kova prevod tari Biblija. Ko kursi šaj te kanine nekas tari tli familija ili nesave amale.
