Ек тэрно мануш, савэс ақарэн Уилл, ԥэнэн: «Можэт тэ здэлпэ, кай и Библия скучно книӷа, если кати ту на ӷанэс, сар ла тэ адинос».

 Камэс тэ уӷанэс, сар тэ стерэс, кай и Библия тэ авэл интересно тэ адинос? Тоди кадэя статья важ тутэ!

•  Представь кода, со адинос

•  Уӷан май бут

•  Со ԥэнэн тирэ ровэсникоря

 Кала адинос, прилэ када каринг оди. Можэш тэ стерэс акэ сар.

1.   Витидэ, со адиноса анда Библия. Када можэт тэ авэл варисаво случаё или кода, со сас андэ лэ Иисусостири жызня. Ай можэт ту витидэса дэсо анда Библия, со можно тэ проашунэс анда «Аудио, кай розинтересно адинон и Библия» по сайто jw.org.

2.   Проадиносар кода, со витидян. Ту можэш тэ проадинос вся екжэно или вмести лэ ереса и лэ друӷонэнца. Варико можэт тэ адиной пала авторо, ай варико пала авэр библейски персонажоря.

3.   Витидэ дэсавэ анда кадэла советоря.

   •   Тер картинки. Например, нарисуй прости картинки, кай тэ дицол, сар жанас кодэла событии. Понад кажно рисунко пистросар, со пэр лэстэ нарисовано.

   •   Нарисуй схемы. Например, кала адинос пала варисаво верно лэ Дэвлэско служытелё, сыкав пэ схема, со ек машкар лэстирэ качестворя, дила и кодэлэса, сар о Иегова лэс блаӷословил.

   •   Стер «новости». Росԥэн варисо, со пистромэ андэ Библия, кабута ту кодэва мануш, пала саво котэ пистромэ. Лэ «интэрвью» кай и мануша, савэ сас андэ кодэя история и савэ када диқлэ.

   •   Придумай, сар када вся закончилось бы па аврятэ. Если варико анда кодэла, пала кастэ адинос, приля нэправильно ришэния, представь, со авелоп, если во стердоп па аврятэ. Например, шон сама, кала о Пётро отԥэнделя лэ Иисусостар (Марка 14:66—72). Сар о Пётро моӷ бы тэ улэл и дар англа мануша?

   •   Пистросар пэстири история. Если ту закамэса, придумай па библейско история авэр ситуацыя. На бистэр, кай андэр латэ тэ авэн полезни урокоря, савэ ту лян важ пэстэ анда кадэя история (Римлянам 15:4).

 Май драго уӷан пала дэсавэ алава, када дэла помощь тути тэ арақэс загарадо сомнак. Дэкала ек, дуй алава сыкавэн о смысло кай о вся тексто, саво адинос андэ Библия.

 Например, сыстосар Матфея 28:7 и Марка 16:7.

•  Васо о Марко росԥэнэн пала кода, кай о Иисусо камэл тэ сыкадёл пэстирэ учениконэнди «и лэ Петрости»?

•  Подсказка. о Марко на диқля кодэла события, лэсти пала када росԥэндя о Пётро.

•  Загарадо сомнак. Васо лэ Петрости ашэля май вушэро, кала во уӷангля, кай лэса камэл тэ диқэлпэ о Иисусо? (Марка 14:66—72). Андар со дицол, кай о Иисусо сас лашэ друӷоса лэ Петрости? Сар ту можэш, сар и о Иисусо тожэ тэ авэс чачуно друӷо?

 Кала представляешь кода, со адинос и уӷанэс май драго, тоди май интересно тэ адинос и Библия!