Hinkwezru hi zrandzra vanghanu va ku dumbeka. Na yene Yehovha a yimela leswaku vanghanu vake va dumbeka. Kambe a swi nabyali hikusa hi hanya a misaveni leyi vanyingi va kalaka va nga dumbekanga. He wani mabindzru ya ku dumbeka ka mintxhumu hinkwayu?

1. He xini xivangelo xa lisima ngopfu xa kuva hi dumbeka?

Loko hi dumbeka ka vambeni, hi komba Yehovha leswaku ha mu zrandzra nakone ha mu hlonipha. Yanakanya hi leswi: Yehovha a tiva hinkwaswu leswi hi swi pimisaka ni leswi hi swi yentxaka. (Ba-Heberu 4:13) Yene awa hi vona loko hi hlawula ku dumbeka nakone awa swi tlangela. Zritu dzrake dzri li: ‘Hikusa a mhunu wa ku somboloka i likasi ku Yehovha, lava lulamiki va ni vunakulobye byakwe.’—Amaproverbia 3:32.

2. He tini tindlela timbeni leti hi nga dumbekaka ha tone a wuton’wini byezru bya siku ni siku?

Yehovha a djula leswaku ‘hi hlaya xihlayelamfuzri ku walekwezru’. (Zekariya 8:16, 17) Swi tlhamuxela yini leswo? Leswo swi tlhamuxela leswaku a hi fanelanga ku hemba kumbe ku hlaya ntiyiso lowu kalaka wu nga helelanga loko hi vulavula ni va ndangu wezru, lava hi tizraka na vone, vamakwezru kumbe vatizreli va mfumu. Vhanu va ku dumbeka a va yiveli vhanu vambeni kumbe ku va kanganyisa. (Dondzra Amaproverbia 24:28 ni Ba-le-Efesa 4:28.) Nakone va hakela tinemba hinkwatu leti va koxiwaka tone. (Ba-le-Roma 13:5-7) Hi tindlela leti ni timbeni, hi djula ku ‘famba hi ku dumbeka ka mintxhumu hinkwayu’.—Ba-Heberu 13:18.

3. Ha yini swi li swinene ku dumbeka?

Loko hi tiviwa hi ku dumbeka, vambeni va ta hi dumba. Hi yentxa leswaku a bandleni ku va mbangu lowu sizrelelekiki ku tlhela ku va ni moya lowunene ku fana ni le ndangwini. Leswo swi hi siya ni lipfalu ledzri basiki. Ku dumbeka kwezru ku nga tlhela ku ‘khensisa ku hinkwavu a dondzro ya Xikwembu Nkulukumba Muhuluxi wezru’, nakone ku kokela lava nga handle ka nhlengeletanu akuva va buya a wugandzrelini bya ntiyiso.—Tito 2:10.

 KELISISA

5. Dumbeka minkama hinkwayu

 6. Ha pfuneka loko hi dumbeka

A ku sunguleni, ku dumbeka swi nga ha voneka ingiki swi vanga swikazratu. Kambe hi ku famba ka nkama, u ta vona leswaku i ntxhumu wa ku yampswa ngopfu lowu u nga wu yentxaka. Dondzrani Amapsalma 34:12-16, mi gama mi bulisana hi xivutiso lexi:

• Xana ku dumbeka swi yampswisa wutomi byaku hi ndlela yini?

1. Loko nuna ni nsati va dumbeka swi tiyisa wukati byavu

2. Loko vatizri va dumbeka swi yentxa leswaku mutholi wavu a va dumba

3. Loko vahanyi va tiko va dumbeka ka vatizreli va mfumu swi yentxa leswaku va hloniphiwa hi wuhosi

 NKATSRAKANYU

Yehovha a djula leswaku vanghanu vake va dumbeka ka hinkwaswu leswi va swi hlayaka ni ku swi yentxa.

Mpfuxeto

• U nga swi kombisisa kuyini leswaku wa dumbeka?

• Ha yini ku nga li wutlhazri ku pimisa leswaku hi nga fihla ntiyiso?

• Ha yini u djula ku dumbeka minkama hinkwayu?