INDIRIMBO YA 107
Twigane urukundo rw’Imana
(1 Yohana 4:19)
-
1. Imana yacu ni yo yadutoje
Gukunda abandi.
Ibyo yakoze byose bitwereka
Urukundo yadukunze.
Yatanze Yesu ngo apfire bose,
Tubabarirwe ibyaha dukora.
Yaradukunze bitagereranywa.
Iyo Mana iradukunda.
-
2. Nitugendera mu rukundo rwayo
Rw’ukuri iteka
Bizadufasha gukunda abandi,
Buri gihe, muri byose.
Dukunde Data, dukunde n’abandi
Kuko iteka birajyanirana.
Bizadufasha kubabarirana,
Kuko turi abavandimwe.
-
3. Twunze ubumwe kuko dukundana
Tukaba n’incuti.
Yehova ni we udusaba twese
Kutagira umwiryane.
Muze murebe urukundo rwacu,
Twigishwa na Yah n’Ijambo rye ryera.
Abavandimwe na bo batwibutsa
Urukundo rw’Imana yacu.
(Reba nanone Rom 12:10; Efe 4:3; 2 Pet 1:7.)
