A o faateteleina popolega ona o faafitauli o le lalolagi, e toʻatele tagata ua lē vavalalata i ē pele iā i latou e aunoa ma le iloaina.

• Ua faaesea e tagata i latou lava mai i a latou uō.

• Ua faateteleina i ulugalii le leai o se faaaloalo o le tasi i le isi.

• Ua lē ano mātua i popolega o a latou fanau.

• E tāua faauōga i lou soifua mālōlōina i le tino ma tau faalogona, aemaise pe a feagai ma tulaga faigatā.

• O popolega ona o faafitauli i le lalolagi, e ono tutupu ai faafitauli e leʻi faatalitalia i lou aiga.

• O lipoti mataʻutia i tala fou, e ono matuā popole ai le fanau nai lo o le mea na e mafaufauina.

Le manatu o le Tusi Paia: “O le uō moni e alofa i taimi uma, ma o ia o se uso ua fanau mo taimi o puapuaga.”​—Faataoto 17:17.

E mafai ona fesoasoani mai a tatou uō ma aumai fautuaga aogā. O le tau ina iloa e iai se tasi e manatu mamafa mai, e mafai ona maua ai le malosi e onosaia ai faafitauli.